اپوزیشن جماعتوں کی کانفرنس روکنے کیلئے ہوٹل بند، رہنما گیٹ پھلانگ کر اندر داخل ہوگئے
اشاعت کی تاریخ: 27th, February 2025 GMT
اسلام آباد(نیوز ڈیسک) اپوزیشن جماعتوں کی کانفرنس روکنے کے لیے انتظامیہ نے ہوٹل کو بند کردیا جس کے بعد کچھ رہنما گیٹ پھلانگ کر ہوٹل میں داخل ہوئے۔ نجی چینل کے مطابق اپوزیشن جماعتوں کی کانفرنس اسلام آباد کے ایک مقامی ہوٹل میں ہونا تھی مگر انتظامیہ نے اس سے قبل ہی ہوٹل کو تالا لگا کر بند کردیا تھا اور پولیس کا کہنا تھا کہ یہاں کسی قسم کی کوئی کانفرنس کی اجازت نہیں ہے۔
انتظامیہ کی جانب سے اجازت نہ ملنے پر اپوزیشن جماعتوں کے کچھ رہنما گیٹ پھلانگ کر ہوٹل میں داخل ہوئے اور ہوٹل کا مرکزی دروازہ اندر سے کھول دیا جس کے بعد تمام لوگ ہوٹل میں داخل ہوئے۔
اپوزیشن جماعتوں کے رہنما محمود خان اچکزئی، شاہد خاقان عباسی، صاحبزادہ حامد رضا اورسلمان اکرم راجہ ہوٹل کے اندر داخل ہونے میں کامیاب ہوئے۔ بعد ازاں اپوزیشن جماعتوں کےرہنماؤں نے ہوٹل کی لابی میں ہی کانفرنس کرنے کا اعلان کیا جب کہ پولیس اہلکار اور ایف سی کے دستے ہوٹل کے باہر موجود تھے۔
پرویز الہی کو احتساب عدالت سے بڑا ریلیف مل گیا
.ذریعہ: Daily Ausaf
کلیدی لفظ: اپوزیشن جماعتوں ہوٹل میں
پڑھیں:
خان صاحب کے پیچھے تمام لیڈر شپ متحد ہے، نعیم حیدر
اسلام آباد:رہنما تحریک انصاف نعیم حیدر پنجوتا کا کہنا ہے کہ خان صاحب کے پیچھے تمام لیڈر شپ متحد ہے اور ہماری جو ایفرٹس ہیں وہ صرف اور صرف اس لیے ہیں ہمارا ملک جو ہے اس کی سلامتی کے اوپر کوئی کمپرومائز نہیں ہے، ہمارا جو دفاع ہے ہماری جتنی بھی خارجہ پالیسی ہے وہ آزاد ہونی چاہیے۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ ہم اپنے اصولوں پر ، اپنے موقف پر اور اس ملک کی خاطر جنگ لڑ رہے ہیں، آج اسی وجہ سے خان صاحب جیل میں ہیں اور باقی لیڈر شپ بھی ہے، ان کی اہلیہ بھی ہیں تو ہم تو اس لیے لڑ رہے ہیں۔
رہنما مسلم لیگ (ن) رانا احسان افضل نے کہا کہ ابھی آپ نے پی ٹی آئی سے سوال پوچھا تو ان کو تو معیشت کے بارے میں یا اس ملک کے اندر اگر دہشت گردی ہے، اس کے حوالے سے، یا اگر اس ملک کے اندر کوئی بھی فنانشل پرابلم ہے تو ان کا تو کوئی تعلق نہیں ہے ان مسائل کے ساتھ، ان کا تو ابھی ایک ہی تعلق ہے وہ یہ ہے کہ خان صاحب کو رہا کیسے کرانا ہے.
جب شہباز شریف اپوزیشن لیڈر تھے تو کہتے تھے کہ آئیں میثاق جمہوریت کریں، دیکھیں ڈیڑھ دو پرسنٹ پر مہنگائی کا آنا بہت بڑی بات ہے،چالیس پرسنٹ پر مہنگائی تھی،
ماہر قانون ریاست علی آزاد نے کہا کہ انہوں نے اپنی ریزولوشن کے اندر لکھا کہ صدر نے صرف میرا انہوں نے ایلیج کیا، میں آپ کو نوٹیفکیشن دیتا ہوں آپ اس کو اسکرین پر دکھائیں اس میں میرے علاوہ ایڈیشنل سیکریٹری، وائس پریذیڈنٹ ، جوائنٹ سیکریٹری اور سیکریٹری بار تمام نے وہ ریزولوشن سائن کی تھی 20 فروری کو، اس کے بعد 24فروری کو ڈسٹرکٹ بار ایسوسی ایشن نے ایک ریزولوشن سائن کی تھی وہ بھی ریکارڈ پر ہے، میں نے مینڈیٹ لیکر وہ پٹیشن فائل کی، اس کے اندر لکھا ہوا تھا کہ ہم صدر کوآتھرائز کرتے ہیں اور میں نے وہ پٹیشن فائل کی۔
پاکستانی سفیر فیصل ترمذی کا یو اے ای کے تحقیقی ادارے ٹرینڈز ریسرچ اینڈ ایڈوائزری کا دورہ