راولپنڈی: 14 لاکھ سے زائد رقم لیکر گھر سے فرار ناراض بچہ والدین کے حوالے
اشاعت کی تاریخ: 27th, February 2025 GMT
ریلویز پولیس راولپنڈی نے گھر سے 14 لاکھ سے زائد رقم لیکر فرار ہونے والا بچہ ورثا کے حوالے کردیا۔
رپورٹ کے مطابق عصمت اللہ گھر والوں سے ناراض ہوکر الماری سے 14 لاکھ 30 ہزار چھپا کر نکل گیا، پولیس نے ریلوے اسٹیشن راولپنڈی پر 3 کمسن بچوں کو دیکھ کر پوچھ گچھ کی جس دوران عصمت اللہ نے بتایا کہ وہ گھر والوں سے ناراض ہوکر آیا ہے اور سیر و تفریح کیلئے فیصل آباد جانا چاہتے ہیں۔
ترجمان ریلویز پولیس کے مطابق عصمت اللہ کے بیگ سے 14 لاکھ 30 ہزار روپے کی بڑی رقم بھی برآمد ہوئی، ریلویز پولیس نے تینوں بچوں کو اپنی حفاظتی تحویل میں لیا، بچوں کے ورثا کے ساتھ رابطہ کرکے بچوں کو بحفاظت حوالے کیا گیا۔
ایس پی ریلوے راولپنڈی امجد منظور کی نگرانی میں عصمت اللہ سے برآمد شدہ رقم بھی ورثاء کے حوالے کی گئی، بچوں کے ورثاء نے ریلویز پولیس کا شکریہ ادا کیا جن کی بروقت کارروائی سے ان کے بچے نوسربازوں کے ہاتھ لگنے سے بچ گئے۔
.
ذریعہ: Express News
کلیدی لفظ: ریلویز پولیس عصمت اللہ
پڑھیں:
پنجاب پولیس نے فرانسیسی خاتون کا کھویا ہوا موبائل ایک گھنٹے میں برآمد کرلیا
لاہور پولیس نے فرانسیسی خاتون انجینئر کا کھویا ہوا موبائل فون ایک گھنٹے میں برآمد کر کے اُن کے حوالے کردیا۔
تفصیلات کے مطابق لاہور کے علاقے مزنگ پولیس شاندار کارکردگی کا مظاہرہ کرتے ہوئے خاتون انجینئر ایما کا ریس کورس کے علاقے سے گم ہونے والا موبائل برآمد کیا۔
خاتون کا موبائل کسی نے اٹھا لیا تھا جس کے بعد انہوں نے واقعے سے متعلق پولیس کو آگاہ کیا تو ایس پی سول لائنز نے ڈی ایس پی مزنگ کی سربراہی میں ٹیم تشکیل دی جس نے فوری کارروائی کی اور ایک گھنٹے کے اندر موبائل فون برآمد کر کے خاتون کے حوالے کردیا۔
غیر ملکی خاتون نے بتایا تھا کہ اس کا قیمتی موبائل گرگیا جس کو کسی نامعلوم نے اٹھایا اور وہ واپس کرنے سے انکار تھا۔
ڈی ایس پی مزنگ عرفان اکبر بٹ اور ان کی ٹیم نے موبائل فون ریکور کر کے فرانسیسی خاتون کے حوالے کیا۔ ایما نامی خاتون کا موبائل فون ٹریکر کی مدد سے ایک گھنٹے کے اندر تلاش کر کے خاتون کے حوالے کر دیا گیا۔
انہوں نے بتایا کہ ایما نامی فرانسیسی خاتون پنجاب سمال انڈسٹریز میں بطور معاون اپنی خدمات سرانجام دے رہی ہیں۔ مزنگ پولیس نے جدید ٹیکنالوجی کی مدد سے موبائل فون ٹریک کر کے خاتون کے سپرد کر دیا۔
خاتون نے موبائل برآمد کر کے حوالے کرنے پر پولیس کا شکریہ ادا کیا۔
ایس پی سول لائنز ڈاکٹر عبد الحنان نے کہا کہ بین الاقوامی افراد کہ کام کی جگہ پر تحفظ اور حفاظت کو یقینی بنایا جا رہا ہے، غیر ملکی ماہرانہ افراد کے جان و مال کی حفاظت اولین ذمہ داری ہے۔
صحافی طلحہ ملک پر تشدد، حملہ آوروں نے ایک ٹانگ توڑدی