چیمپئینز ٹرافی؛ بھارت کو کپتان روہت شرما کی صورت میں بڑا دھچکا
اشاعت کی تاریخ: 27th, February 2025 GMT
بھارتی ٹیم کے کپتان روہت شرما کی نیوزی لیںڈ کیخلاف آخری گروپ میچ میں شرکت مشکوک ہوگئی۔
میڈیا رپورٹس کے مطابق پاکستان کیخلاف میچ میں انجری کا شکار ہونیوالے بھارتی ٹیم کے کپتان روہت شرما نے نیوزی لینڈ کیخلاف میچ سے قبل پریکٹس سیشن میں حصہ نہیں لیا، جس نے سوالات کھڑے کردیے۔
رپورٹس میں کہا گیا ہے کہ بھارتی کپتان پاکستان کے خلاف میچ میں ہیمسٹرنگ میں تکلیف محسوس ہوئی تھی تاہم انکا کہنا تھا کہ وہ ٹھیک ہیں اور فکر کی کوئی بات نہیں۔
مزید پڑھیں: چیمپئینز ٹرافی سے باہر ہونے کی وجہ "کپتانی" کا جھگڑا نکلی
روہت شرما نے پریکٹس سیشن کے دوران محض بیٹنگ اور ہلکی دوڑ لگائی۔
ٹیم مینجمنٹ اور میڈیکل اسٹاف روہت شرما کی فٹنس پر گہری نظر رکھے ہوئے ہے اور ان کی شرکت کا حتمی فیصلہ میچ سے قبل ان کی حالت کے جائزے کے بعد کیا جائے گا۔
مزید پڑھیں: رضوان اور دیگر کھلاڑیوں کی نماز؛ امام کے بیان پر بھارتی میڈیا کا پروپیگنڈا
واضح رہے کہ چیمپئینز ٹرافی میں بھارت اور نیوزی لینڈ کا ٹاکرا 2 مارچ کو دبئی میں ہوگا البتہ دونوں ٹیمیں سیمی فائنل کیلئے پکی کرچکی ہیں۔
ذریعہ: Express News
کلیدی لفظ: روہت شرما
پڑھیں:
ضد اور لڑائیوں نے پاکستان کو چیمپئینز ٹرافی سے باہر کروایا
قومی ٹیم کے آئی سی سی چیمپئینز ٹرافی کے پہلے راؤںڈ سے باہر ہونے کے بعد شائقین کرکٹ نے ضد اور لڑائیوں کو شکست کا ذمہ دار ٹھہرادیا۔
میگا ایونٹ کے آغاز سے قبل اسکواڈ میں تبدیلی نہ کرنا، کپتانی اور سلیکشن کمیٹی کے حد سے زیادہ اعتماد نے انہیں منہ کے بل گرادیا ہے جبکہ محمد رضوان اور عاقب جاوید کا مستقبل بھی تاریک ہوتا دیکھائی دے رہا ہے۔
گرین شرٹس کی ہوم گراؤنڈ پر ناقص بیٹنگ اور زیادہ ڈاٹ بالز انہیں نقصان پہنچا رہی ہیں جبکہ فاسٹ بولنگ اور فیلڈنگ کی خامیاں بھی پاکستان کیلئے مشکلات کا اہم سبب قرار دی جارہی ہیں۔
مزید پڑھیں: چیمپئینز ٹرافی سے باہر ہونے کی وجہ "کپتانی" کا جھگڑا نکلی
دوسری جانب فینز سوشل میڈیا پلیٹ فارمز پر اپنا غصہ نکال رہے ہیں اور چیئرمین پی سی بی سے مطالبہ کررہے ہیں کہ سرجری کا وقت آگیا ہے۔
ادھر کھلاڑی روایتی حریف بھارت کے ہاتھوں شکست کے بعد منہ چُھپائے وطن واپس پہنچے جبکہ آج آخری گروپ میچ بنگلادیش کیساتھ پنجہ آزمائی کریں گے۔
مزید پڑھیں: 'تینوں فاسٹ بولرز کو "خدا حافظ" کہنے کا وقت آگیا ہے'
ٹیم میں اختلافات کی خبریں عروج پر ہیں، کپتان محمد رضوان اور ہیڈکوچ عاقب جاوید کے درمیان خاموش جنگ جاری ہے جس کا خمیازہ ٹیم کو اٹھانا پڑرہا ہے۔
مزید پڑھیں: چیمپئنز ٹرافی کے دوران کپتان اور کوچ میں انا کی جنگ
شکستوں اور عوامی دباؤ کی وجہ سے کھلاڑیوں کی سیکیورٹی بڑھادی گئی ہے جبکہ پلئیرز خود بھی باہر جانے سے گریز کر رہہے ہیں تاکہ ردعمل سے بچا جاسکے۔
استقبال رمضان