سعودی عرب: پاکستان ایمبیسی میں یوم پاکستان کی رنگا رنگ تقریب
اشاعت کی تاریخ: 27th, February 2025 GMT
سعودی عرب میں سفارت خانہ پاکستان میں یوم پاکستان کی مناسبت سے رنگارنگ تقریب کا انعقاد کیا گیا جس میں اعلیٰ سعودی حکام سمیت اسلامی عسکری اتحاد کے کمانڈر جنرل ریٹائرڈ راحیل شریف سمیت مختلف ممالک کے سفیروں اور پاکستانی کمیونٹی کے اراکین کی بڑی تعداد شریک تھی۔
ریاض میں سفارت خانہ پاکستان کی جانب سے یوم پاکستان کی تقریب میں سفیر پاکستان احمد فاروق نے غیر ملکی سفیروں اور ملٹری اتاشی حضرات کا خیر مقدم کیا ریاض ریجن گورنریٹ کے انڈر سیکریٹری ڈاکٹر فیصل بن عبدالعزیز بطور مہمان خصوصی شریک ہوئے اسلامی عسکری اتحاد کے کمانڈر جنرل ریٹائرڈ راحیل شریف بھی خصوصی طور پر تقریب میں شریک تھے۔
مزید پڑھیں: پاکستان کے کن شعبوں میں سعودی عرب کتنی سرمایہ کاری کر رہا ہے؟
سفیر پاکستان احمد فاروق نے شرکا سے اظہار خیال کرتے ہوئے کہا کہ پاکستان ایک عظیم ریاست ہے جس کا خواب 23 مارچ 1940 کو دیکھا گیا اور قائداعظم محمد علی جناحؒ کی قیادت میں 7 سال کی قیل مدت میں پاکستان وجود میں آیا جس کے لیے مسلمانوں نے قربانیاں دیں اور ہم اپنے ان آباو جداد کو سلام پیش کرتے ہیں۔ آج پاکستان دنیا میں اہم کردار ادا کر رہا ہے اور ترقی کی منازل بھی طے کر رہا ہے اور اس کے عوام ملکی ترقی میں اپنا کردار ادا کر رہے ہیں۔
سفیر پاکستان نے پاک سعودی تعلقات کے حوالے سے کہا کہ سعودی عرب اور پاکستان کے درمیان تاریخی تعلقات ہیں جو وقت کے ساتھ ساتھ مضبوط ہو رہے ہیں۔ دونوں ممالک جہاں دو طرفہ تعلقات کو فروغ دے رہے ہیں وہیں مختلف شعبوں میں تعاون کو بھی بڑھا رہے ہیں دونوں ممالک کی قیادت ایک دوسرے کے ساتھ کھڑی ہے اور سعودی عرب میں مقیم لاکھوں پاکستانی مملکت کی ترقی میں اپنا کردار ادا کر رہے ہیں۔
مزید پڑھیں: امن کی تلاش، دنیا سعودی عرب پر کیوں بھروسہ کرتی ہے؟
یوم پاکستان کی رنگارنگ تقریب میں اسٹیج پر لائیو پرفارمنس نے بھی خوب سماں باندھا اور میوزیکل بینڈ نے شرکا کو خوب محظوظ کیا۔ پاکستانی کمیونٹی اور غیر ملکی مہمانوں نے تقریب کو سراہا اور کہا کہ پاکستان دنیا کا اہم ترین ملک ہے جو انتہائی ذمے داری کے ساتھ امن اور سلامتی کو فروغ دیتے ہوئے آگے بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی سفارتخانہ سعودی عرب یوم پاکستان.ذریعہ: WE News
کلیدی لفظ: پاکستانی سفارتخانہ یوم پاکستان یوم پاکستان کی رہے ہیں رہا ہے
پڑھیں:
کوٹہ بڑھانے کی درخواست منظور ، 10 ہزار اضافی پاکستانی حج کی سعادت حاصل کرسکیں گے
سعودی عرب نے نائب وزیراعظم و وزیرخارجہ اسحاق ڈار کی درخواست پر 10 ہزار اضافی پاکستانی عازمین حج کو حج کی اجازت دے دی ہے۔
وزیراعظم شہباز شریف کی ہدایت پر نائب وزیراعظم و وزیر خارجہ محمد اسحاق ڈار نے سعودی وزیر خارجہ پرنس فیصل بن فرحان السعود سے ٹیلیفونک رابطہ کرکے پاکستانی عازمین حج کے لیے حج کوٹہ میں اضافے کی خصوصی درخواست کی۔
یہ بھی پڑھیں: عازمین حج کے لیے بہترین انتظامات، سعودی عرب جا کر سہولیات کا جائزہ لیا، وفاقی وزیر مذہبی امور
یہ درخواست ان شہریوں کے لیے کی گئی جو حج کی مقررہ آخری تاریخ گزر جانے کے بعد رجسٹریشن نہیں کرا سکے تھے، وزیراعظم شہباز شریف کی خصوصی ہدایت پر نائب وزیر اعظم و وزیر خارجہ کی کوششوں سے سعودی عرب نے پاکستان کے لیے مزید 10 ہزار حجاج کرام کو حج کی اجازت دینے کا فیصلہ کیا۔
پاکستان کی خصوصی درخواست سعودی حکام نے قبول کرتے ہوئے پاکستان کے لیے حج کوٹہ میں توسیع کی منظوری دی۔
یہ بھی پڑھیں: عازمین حج سے متعلق انتظامات میں بے قاعدگیوں کے بعد نجی اسکیم کیخلاف تحقیقات
یہ اقدام دونوں برادر اسلامی ممالک کے درمیان قریبی تعلقات، باہمی تعاون اور پاکستانی عوام کے لیے سعودی عرب کی خصوصی توجہ کا عملی اظہار ہے، اس اقدام کے بعد مزید 10 ہزار پاکستانی شہری حج 2025 کی سعادت حاصل کرسکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسحاق ڈار پاکستان عازمین حج نائب وزیراعظم وزیراعظم شہباز شریف وزیرخارجہ
بیرون ملک مقیم پاکستانیوں کو حق ہے وہ یہاں آئیں، سیاست کریں، طارق فضل چوہدری