اب موٹروے پر تیز رفتاری پر جرمانے کے ساتھ گاڑی بھی بند ہوگی
اشاعت کی تاریخ: 27th, February 2025 GMT
طیب سیف: موٹر وے پر تیز رفتار گاڑی چلانے والوں کے لیے نیا حکم نامہ جاری کر دیا گیا ہے، جس کے تحت اب تیز رفتار گاڑیوں پر نہ صرف بھاری جرمانہ عائد کیا جائے گا بلکہ گاڑی بھی بند کر دی جائے گی۔
آئی جی موٹر وے پولیس نے ایک اہم اعلان کرتے ہوئے کہا ہے کہ اگر کوئی ڈرائیور 120 کلو میٹر فی گھنٹہ سے لے کر 150 کلو میٹر فی گھنٹہ کی رفتار سے گاڑی چلائے گا تو اس کے خلاف بھاری جرمانہ عائد کیا جائے گا۔ مزید برآں، جو ڈرائیور 150 کلو میٹر فی گھنٹہ کی رفتار سے گاڑی چلائے گا، اس کی گاڑی بھی بند کر دی جائے گی۔
بلدیاتی انتخابات میں تاخیر؛ پنجاب حکومت کی جلد قانون سازی کی یقین دہانی
موٹر وے پولیس نے اس حوالے سے تیز رفتار ڈرائیورز کے خلاف خصوصی مہم بھی شروع کر دی ہے۔ اس مہم کا مقصد عوام کو موٹر وے پر تیز رفتار گاڑی چلانے سے روکنا اور سڑکوں پر حادثات کو کم کرنا ہے۔
موٹر وے پر کار کی رفتار کا حد 120 کلو میٹر فی گھنٹہ اور پبلک سروس گاڑیوں کی رفتار کی حد 110 کلو میٹر فی گھنٹہ مقرر کی گئی ہے۔
آئی جی موٹر وے پولیس نے تمام ڈرائیورز کو خبردار کیا ہے کہ وہ ان حدود کا خیال رکھیں، ورنہ انہیں سخت کارروائی کا سامنا کرنا پڑے گا۔
لاہور ہائیکورٹ کا بڑا فیصلہ, بری ہونے والے افراد کا نام کریکٹر سرٹیفکیٹ پر ظاہر نہیں ہوگا
.ذریعہ: City 42
پڑھیں:
جب سفارشی لوگوں کو بٹھایا جائے گا تو کرکٹ تباہ ہوگی:عمران خان
پاکستان تحریک انصاف کے بانی چیئرمین اور سابق وزیراعظم عمران خان نے آئی سی سی چیمپئنز ٹرافی میں قومی کرکٹ ٹیم کی ناقص کارکردگی پر شدید غم و غصے کا اظہار کرتے ہوئے کہا ہے کہ جب عہدوں پر سفارشی لوگوں کو بٹھایا جائے گا تو کرکٹ تباہ ہوگی۔اڈیالہ جیل راوالپنڈی میں سابق وزیراعظم عمران خان سے ملاقات کے بعد ان کی ہمشیرہ علیمہ خان نے میڈیا سے گفتگو کرتے ہوئے بتایا کہ عمران خان کو آج سب سے زیادہ غصہ کرکٹ پر تھا. بانی نے پاکستان کا میچ دیکھا ہے پی ٹی وی پر، میچ ہارنے کی وجہ سے بانی نے سارا غصہ آج کرکٹ پر اتارا۔علیمہ خان کا کہنا تھا میچ ہارنے پر عمران خان کو بڑا دکھ تھا. بانی نے کیا جب سفارشی لوگوں کو بٹھایا جائے گا تو کرکٹ تباہ ہوگی. عمران خان نے کہا محسن نقوی کو پہلے چیف منسٹر لگایا اس نے ظلم کیا۔انہوں نے بتایا کہ عمران خان کا کہنا تھا کہ محسن نقوی کو وزیر داخلہ لگایا. اس نے ظلم کیا. بانی نے کہا محسن نقوی کو جس عہدے پر لگایا، اس نے بیڑا غرق کیا. پاکستان میں اتنے عہدے کسی شخص کے پاس نہیں، جتنے محسن نقوی کے پاس ہیں۔علیمہ خان نے بتایا کہ عمران خان نے کہا اتنی بری کارکردگی پر عزت دار آدمی مستعفی ہوجاتا ہے .لیکن محسن نقوی مستعفی نہیں ہوگا، محسن نقوی سے پوچھا جائے اس کو کرکٹ کا کیا تجربہ ہے۔عمران خان کی بہن کا مزید کہنا تھا کہ عمران خان نے کہا میرے متعلق صرف پارٹی کے عہدیدار بات کریں، ڈسٹریکشن کے لیے خبر نکالی گئی کہ بانی بے ہوش کر گر پڑے. بانی پی ٹی آئی اس بات پر ہنسے ہیں، ان کی صحت بلکل ٹھیک ہے۔انہوں نے کہا کہ شکر ہے بانی کی ہفتہ والے دن اپنے بچوں سے بات ہوئی تھی. ہم نے بچوں سے بات کی تو ہمیں تسلی ہوئی بانی ٹھیک ہیں. قاسم خان سوری ملک سے باہر ہے ان کو کیا پتا، ذرائع سے خبریں چلانا اور بالمشافہ ملاقات میں بہت فرق ہوتا ہے۔
دوسری جانب اڈیالہ جیل کے باہر میڈیا سے گفتگو کرتے ہوئے عمران خان کے وکیل فیصل چوہدری ایڈووکیٹ نے کہا کہ بانی چیئرمین پی ٹی آئی سے 10منٹ کی مختصر ملاقات ہوئی. انہوں نے چیئرمین پی سی بی محسن نقوی کا استعفی مانگا ہے. عمران خان کہتے ہیں پاکستان کی کرکٹ محسن نقوی کی وجہ سے تباہ ہوئی۔فیصل چوہدری نے بتایا کہ عمران خان نے کہا شیر افضل مروت کو کافی دفعہ وارننگز دی گئیں. لیکن انہوں نے اپنا طرز عمل ٹھیک نہیں کیا. شیر افضل مروت کو اسی کے مطابق ڈیل کیا جائے گا۔انہوں نے مزید کہا کہ عمران خان کی صحت کے حوالے سے پوسٹس درست نہیں. اتنا انتظار کرنے کے باوجود ابھی بھی وکالت پر دستخط کرکے نہیں دیے گئے. وکالت نامے 7 دن سے دیے ہیں.سمجھ نہیں آتی یہ وکالت نامے کیوں نہیں دیتے، وکالت ناموں پر کہا گیا ہے کہ رجسٹرار جوڈیشل ابھی آئیں گے تو وہ دستخط کریں گے۔
حکومت ایمانداری سے کام کرے تو کروڑوں روزگار ملیں گے، راہل گاندھی