سول اسپتال حیدرآباد، ڈیلی ویجز ملازمین تنخواہوں سے محروم
اشاعت کی تاریخ: 27th, February 2025 GMT
اسپتال انتظامیہ کی جانب سے حکومتی احکامات ہوا میں اڑا دیئے گئے
(رپورٹ :ابراہیم انڑ)سول اسپتال حیدرآباد میں ڈیلی ویجز پر کام کرنے والے ملازمین ہسپتال انتظامیہ کے سامنے بے بس،چار ماہ سے تنخواہ نہ ملنے پر کنٹریکٹ،ڈیلی ویجز ملازمین فاقہ کشی کرنے پر مجبور، تفصیلات کے مطابق سندھ کے دوسرے بڑے شہر حیدرآباد میں واقع سول اسپتال حیدرآباد میں عملے سمیت مریضوں کو انتظامی بحران کے شکار سمیت کئی مشکلات کا سامنا،ڈیلی ویجز پر کام کرنے والے ملازمین چار ماہ کی تنخواہوں سے محروم،ذرائع کے مطابق سول اسپتال حیدرآباد میں ہیومن ریسورس والے ٹھیکے پر کام کرنے والی الفاروق انٹرپرائزز کمپنی کی مدد سے ہر سال 17کروڑ سے زائد کے بجٹ میں کرپشن کی جاتی ہے ، محکمہ لیبر کے قوانین کے تحت ہنرمند ڈیلی ویجز سمیت کنٹریکٹ ملازم کو 47ہزار تنخواہوں،جبکہ نان ٹیکنیکل اسٹاف کو 38 ہزار روپے تنخواہ دینے کا تمام اداروں کو پابند کیا گیا تھا تاہم حیدرآباد میں واقع سول اسپتال میں انتظامیہ کی جانب سے حکومتی احکامات ہوا میں اڑا دیئے گئے ، سول اسپتال میں 15 سو سے زائد ڈیلی ویجز، کنٹریکٹ ملازمین کو چار ماہ تنخواہوں کی عدم ادائیگی کے بعد ایک ماہ کی تنخواہ دی جاتی ہے ،ذرائع نے مزید دعویٰ کیا ہے کہ اسپتال میں ہومین ریسورس پر کام کرنے والی الفاروق انٹرپرائزز کمپنی کی جانب سے ملازمین کو 10 سے 15 ہزار روپے ماہانہ تنخواہ دی جاتی ہے ،تنخواہ نا ملنے پر ملازمین کی جانب سے شور شرابا کرنے پر ملازمین کی ایک ماہ کی تنخواہ کردی جاتی ہے ،سول اسپتال حیدرآباد میں مبینہ طور پر ہونے والی کرپشن کیخلاف کئی ملازمین کی جانب سے دی جی نیب،چیئرمین اینٹی کرپشن سمیت سیکریٹری ہیلتھ کو درخواستیں بھی جمع کروائی گئیں ہیں تاہم درخواستیں دینے کے بعد بھی ملازمین کی تنخواہوں کا مسئلہ حل نا ہو سکا
.ذریعہ: Juraat
کلیدی لفظ: سول اسپتال حیدرآباد میں پر کام کرنے ملازمین کی کی جانب سے ڈیلی ویجز کی تنخواہ جاتی ہے
پڑھیں:
انسانیت کی خدمت کی منفرد مثال،بیٹی کی کینسر سے موت ، باپ نے غیر منافع بخش اسپتال قائم کرنے کیلئے دولت عطیہ کر دی
عظیم اور تاریخ ساز لمحہ ہے جب انسانیت کی خدمت کے لیے ایک منفرد مثال قائم کی جا رہی ہے. دبئی کے ایک معروف کاروباری شخصیت میر واعظ عزیزی، جو کہ عزیزی گروپ کے بانی اور چیئرمین ہیں، نے حال ہی میں ایک تاریخی اعلان کیا ہے۔ انہوں نے ”فادرز انڈومنٹ“ مہم کے لیے تقریباً 3 ارب درہم (228 ارب پاکستانی روپے) کی خطیر رقم عطیہ کرنے کا اعلان کیا ہے۔ جو نہ صرف ایک قابل تحسین عمل ہے بلکہ ایک ایسی روایت کی بنیاد بھی ہے جو آنے والی نسلوں کے لیے مشعلِ راہ بنے گی۔
یہ مہم دبئی کے حکمران شیخ محمد بن راشد المکتوم نے 21 فروری کو شروع کی تھی، جس کا مقصد صحت کے محتاج افراد کو علاج معالجے کی سہولیات فراہم کرنا ہے۔یہ عطیہ میر واعظ عزیزی کی مرحومہ بیٹی، فرشتہ عزیزی، کی یاد میں دیا جا رہا ہے، جو چند سال قبل ایک مہلک کینسر کے مرض میں مبتلا ہو گئی تھیں۔ ابتدائی علاج کے بعد وہ کچھ عرصے کے لیے صحت یاب ہو گئی تھیں، لیکن بدقسمتی سے بیماری نے دوبارہ شدت اختیار کر لی، جس کے باعث وہ اس دنیا سے رخصت ہو گئیں۔
دبئی میں جدید ترین کینسر اسپتال کی تعمیر
اس عطیے کی مدد سے دبئی میں ایک غیر منافع بخش اسپتال قائم کیا جائے گا، جہاں متحدہ عرب امارات کے کینسر کے مریضوں کو مفت یا کم خرچ میں جدید علاج فراہم کیا جائے گا۔ میرواعظ عزیزی نے بتایا کہ اسپتال میں ایک تحقیقی مرکز بھی شامل ہوگا، جو کینسر کے جدید ترین علاج متعارف کرانے میں مدد دے گا۔ ان کا کہنا تھا، ’اب یہاں کے مریضوں کو بہترین علاج کے لیے یورپ یا کسی اور ملک جانے کی ضرورت نہیں پڑے گی۔‘
یہ اسپتال ایک وسیع فلاحی طبی کمپلیکس کا حصہ ہوگا، جس میں تحقیق کے علاوہ میڈیکل ٹریننگ کی سہولیات بھی میسر ہوں گی۔ یہ متحدہ عرب امارات کی نجی شعبے کی جانب سے کسی بھی فلاحی مقصد کے لیے دیا گیا سب سے بڑا انفرادی عطیہ ہے۔
میر واعظ عزیزی نے اس موقع پر اعلان کیا کہ دبئی کے بعد دنیا کے مختلف ممالک میں بھی اسی طرز کے اسپتال تعمیر کیے جائیں گے۔ اس اقدام سے نہ صرف متحدہ عرب امارات بلکہ دنیا بھر میں کینسر کے مریضوں کو فائدہ پہنچے گا۔
فادرز انڈومنٹ مہم اور رمضان المبارک
شیخ محمد بن راشد المکتوم کی جانب سے شروع کی گئی فادرز انڈومنٹ مہم ایک دیرپا فلاحی منصوبہ ہے، جو والد کے مقام و مرتبے کو خراج تحسین پیش کرتا ہے۔اس مہم سے حاصل ہونے والے فنڈز کو ضرورت مند مریضوں کے علاج اور صحت کی سہولیات میں استعمال کیا جائے گا۔ یہ شیخ محمد کی جانب سے رمضان المبارک کے دوران شروع کیے جانے والے روایتی فلاحی منصوبوں کا تسلسل ہے۔
فرشتہ عزیزی کی یاد میں ایک عظیم اقدام
فرشتہ عزیزی جو پیشے کے لحاظ سے ایک معمار تھیں، نے اپنی زندگی میں کئی خواب دیکھے تھے۔ ان کے بھائی اور عزیزی گروپ کے سی ای او، فرہاد عزیزی، نے عرب ہوپ میکر 2025 کی تقریب میں ایک ویڈیو پیغام کے ذریعے بتایا کہ ان کی فیملی فرشتہ عزیزی کو بہترین ممکنہ طبی سہولیات فراہم کرنے کے قابل تھی، لیکن ہر شخص ایسا کرنے کی استطاعت نہیں رکھتا۔انہوں نے امید ظاہر کی کہ یہ عطیہ ان لوگوں کے لیے مددگار ثابت ہوگا جو مہنگے علاج کے اخراجات برداشت نہیں کر سکتے۔
عزیزی خاندان کا یہ قدم پوری انسانیت کے لیے ایک عظیم مثال ہے، جو معاشرے میں خدمت اور ہمدردی کے جذبے کو فروغ دیتا ہے۔عزیزی خاندان کی طرف سے انسانی خدمت کا یہ عظیم اقدام دبئی سمیت دنیا بھر میں ضرورت مند مریضوں کے لیے کچھ کر گزرنے کا جذبہ پیدا کرے گا اور امید کی کرن ثابت ہوگا۔
کراچی میں مزید ایک سرکاری کالج کو یونیورسٹی میں اپ گریڈ کرنے کی تیاری