ارکان پنجاب اسمبلی کی نون لیگی حکومت کے خلاف صدر زرداری کو شکایتیں
اشاعت کی تاریخ: 27th, February 2025 GMT
بیورو کریسی ہماری بات نہیں سنتی، ایک ایڈیشنل سیکریٹری دیا گیا ہے جس کی کوئی سنتا ہی نہیں، اسسٹنٹ کمشنر بھی ایڈیشنل سیکریٹری کی بات نہیں سنتا،اربوں کا بجٹ لاہور پر لگا دیا، باقی پنجاب نظرانداز کر دیا گیا
آپ سب کے تحفظات جائز ہیں، ہم ان کو جلد حل کروائیں گے ، ، بلاول اور میں خود پنجاب میں بیٹھیں گے ،گورنر پنجاب سردار سلیم حیدر کی کارکردگی متاثر کن ہے، صدر زرداری کی پیپلزپارٹی کے ارکان اسمبلی سے گفتگو
صدر آصف زرداری کی لاہور میں اراکین پنجاب اسمبلی سے ملاقات کی اندرونی کہانی سامنے آگئی۔ارکان اسمبلی نے صدر کو بتایا کہ بیورو کریسی ہماری بات نہیں سنتی، ایک ایڈیشنل سیکریٹری دیا گیا ہے جس کی کوئی سنتا ہی نہیں، متعلقہ ضلع کا ڈپٹی کمشنر تو کیا، اسسٹنٹ کمشنر بھی ایڈیشنل سیکریٹری کی بات نہیں سنتا۔ صدر زرداری نے کہا کہ بلدیاتی الیکشن کی تیاری کریں، ہمیں بھرپور کامیابی حاصل کرنا ہوگی، پنجاب میں بلدیاتی الیکشن میں تاخیر نہیں ہونی چاہیے ۔انھوں نے کہا کہ بلدیاتی الیکشن کا ہونا بہت ضروری ہے عوامی مسائل کاحل بلدیاتی الیکشن ہے ۔ صدر آصف زرداری نے مزید کہا کہ ہم عوامی لوگ ہیں اور ہمیں عوام کی جنگ لڑنی ہے ۔صدر آصف زرداری نے اس موقع پر سوال کیا کہ جنوبی پنجاب میں بجلی اور گیس کی قلت کہاں پر ہے ؟ انھوں نے کہا پانی کا بہت بڑا مسئلہ ہے ، سندھ اور بلوچستان کے مسائل حل نہیں ہو رہے ۔ارکان اسمبلی نے صدر کو بتایا کہ مسلم لیگ ن کے کام فوری ہوتے ہیں، انہیں تبادلوں سمیت ہر کام کے فوری آرڈر دیے جاتے ہیں۔ارکان اسمبلی نے شکایت کی کہ اربوں کا بجٹ لاہور پر لگا دیا، باقی پنجاب ایک طرف ہے ، یہ کونسا میرٹ ہے ؟ ماضی کی طرح ایک ضلع کو پروموٹ کیا جا رہا ہے ، باقی اضلاع میں احساس محرومی ہے ۔پیپلز پارٹی کے ارکان اسمبلی کے ذرائع نے بتایا کہ صرف لاہور کے عوام کے لئے اربوں روپے لگا کر ہارس اینڈ کیٹل شو کا انعقاد کیا گیا، پنجاب میں کسانوں کا کوئی پرسان حال نہیں، ہر جگہ کسان پس رہا ہے ۔ارکان کا کہنا تھا کہ ہم جیت کر ایوان میں آئے لیکن ہمارے کام نہیں ہوتے ۔ ہمارے ہی حلقے میں ن لیگ کے لوگوں کے کام ہو رہے ہیں۔ذرائع نے صدر آصف زرداری کے حوالے سے بتایا کہ انھوں نے کہا آپ سب کے تحفظات جائز ہیں، ہم ان کو جلد حل کروائیں گے ، ہم نے ہمیشہ ملک وعوام کی جنگ لڑی ہے ۔صدر نے کہا کہ ہمیں پانی کے مسئلے کو سنجیدہ لینا ہوگا، ہر فورم پر اس کی نشاندہی کرچکا ہوں، بلاول اور میں خود پنجاب میں بیٹھیں گے ۔انھوں نے کہا کہ گورنر پنجاب سردار سلیم حیدر کی کارکردگی متاثر کن ہے ، وہ بہترین کام کر رہے ہیں، سلیم حیدر کا کام غلطی کی نشاندہی اور ایکشن لینا ہے ۔صدر آصف زرداری نے کہا کہ کسانوں کے ساتھ کھڑے ہیں، انہیں سہولیات فراہم کرنے کی ہر ممکن کوشش کرینگے ۔
.ذریعہ: Juraat
پڑھیں:
گورنر بہتر کام کر رہے، بلاول اور میں خود پنجاب میں بیٹھیں گے: زرداری
لاہور (نوائے وقت رپورٹ) صدر زرداری لاہور کا دورہ مکمل کر کے اسلام آباد پہنچ گئے۔ صدر زرداری نے پنجاب اسمبلی میں پیپلز پارٹی کے ارکان سے ملاقات کی۔ نجی ٹی وی کی اندرونی کہانی کے مطابق صدر نے کہا کہ گورنر سلیم حیدر کا کام غلطی کی نشاندہی کر کے ایکشن لینا ہے۔ گورنر پنجاب کی کارکردگی متاثر کن ہے وہ بہتر ہیں، کام کر رہے ہیں۔ بلاول اور میں خود پنجاب میں بیٹھیں گے۔ ہمیں پانی کے مسئلے کو سنجیدہ لینا ہو گا۔ ہر فورم پر اس کی نشاندہی کر چکا ہوں۔ صدر مملکت نے لاہور میں 5 مصروف دن گزارے۔ارکان نے صدر سے شکایت کی کہ بیوروکریسی ہماری بات نہیں سُنتی۔ ایک ایڈیشنل سیکرٹری دیا گیا ہے جس کی کوئی نہیں سُنتا۔ متعلقہ ضلع کا ڈپٹی کمشنر تو کیا اسسٹنٹ کمشنر بھی ایڈیشنل سیکرٹری کی بات نہیں سُنتا۔ صرف لاہور کی عوام اس لئے اربوں روپے لگا کر ہارس اینڈ کیٹل شو کا انعقاد کیا گیا۔ ہم جیت کر ایوان میں آئے لیکن ہمارے کام نہیں ہوتے۔ صدر زرداری نے کہا کہ آپ سب کے تحفظات جائز ہیں۔ ہم نے ہمیشہ ملک و عوام کی جنگ لڑی ہے۔ بلدیاتی الیکشن کی تیاری کریں ہمیں بھرپور کامیابی حاصل کرنا ہو گی۔ پنجاب میں بلدیاتی الیکشن میں تاخیر نہیں ہونی چاہئے۔ صدر نے دریافت کیا کہ جنوبی پنجاب میں بجلی، گیس کہاں مل رہی ہے اور کہاں نہیں؟ ارکان اسمبلی نے بجلی، گیس سے محروم علاقوں کی نشاندہی کی۔ صدر نے کہا سندھ اور بلوچستان کے مسائل حل نہیں ہو رہے۔
صرف 45 منٹ کیلئے ملک کا صدر بننے والی شخصیت کون؟