بھارت؛ پولیس اسٹیشن سے چند میٹر دور بس میں خاتون کا ریپ
اشاعت کی تاریخ: 26th, February 2025 GMT
PUNE:
بھارت کی ریاست مہاراشٹر کے شہر پونے میں پولیس اسٹیشن سے چند میٹر کے فاصلے پر واقع سوارگیٹ بس اسٹینڈ پر خاتون کو جنسی زیادتی کا نشانہ بنایا گیا جبکہ ملزم دیگر جرائم میں ضمانت پر آزاد ہے۔
این ڈی ٹی وی کی رپورٹ کے مطابق پولیس نے بتایا کہ جائے وقوع کی سی سی ٹی وی فوٹیجز کی مدد سے ملزم کی شناخت دتاتریا رام داس کے نام سے ہوئی ہے اور ان کی گرفتاری کے لیے 8 خصوصی ٹیمیں تشکیل دی گئی ہیں۔
پولیس نے بتایا تھا کہ ملزم 36 سالہ رام داس کا پہلے مجرمانہ ریکارڈ ہے جبکہ متاثرہ خاتون گھریلو ملازمہ ہیں جو ضلع ساتارا میں واقع اپنے گاؤں پھالٹن جارہی تھیں اسی دوران انہیں زیادتی کا نشانہ بنایا گیا اور تشدد بھی کیا گیا۔
مزید بتایا گیا کہ ملزم نے متاثرہ خاتون کو پہلے بہن کہتے ہوئے مخاطب کیا اور خاتون کے مطابق جب انہوں نے اپنی منزل مقصود کا بتایا تو انہیں اسٹیشن میں کھڑی گاڑی کا بتایا گیا جس میں کوئی لائٹ نہیں تھیں اور انہیں وہاں بٹھایا گیا۔
متاثرہ خاتون نے بتایا کہ جب وہ گاڑی کی طرف جانے کے لیے ہچکچاہٹ کا شکار ہوئیں اور روشنی نہ ہونے کی نشان دہی کی تو انہیں بتایا گیا کہ مسافر سو رہے ہیں، اسی لیے اندھیرا ہے۔
ان کا کہنا تھا کہ جب وہ بس میں داخل ہوئیں تو مذکورہ شخص نے اندر چھلانگ لگائی اور دروازہ بند کردیا اور ریپ کا نشانہ بنایا اور اس کے بعد دوسری گاڑی میں بٹھایا گیا جس میں ان کی دوست بھی سوار تھیں۔
خاتون نے بتایا کہ انہوں اپنی دوست کو ریپ کا بتایا تو انہوں نے پولیس میں فوری رپورٹ کرنے کی ہدایت کی، پولیس کا کہنا تھا کہ اس نے فوری طور پر شکایت درج کر اور سی سی ٹی وی فوٹیج تک رسائی کرلی۔
ڈپٹی کمشنر پولیس سمارتنا پٹیل نے صحافیوں کو بتایا کہ سی سی ٹی وی فوٹیج میں نظر آرہا ہے کہ خاتون ملزم کے ساتھ بس کی طرف جا رہی ہیں اور پولیس نے فوٹیج سے ہی اس کی شناخت کرلی ہے۔
انہوں نے کہا کہ جب خاتون کو ریپ کا نشانہ بنایا گیا اس وقت لوگوں کی بڑی تعداد اور کئی بسیں اسٹیشن کے اطراف میں موجود تھیں۔
.ذریعہ: Express News
کلیدی لفظ: کا نشانہ بنایا نے بتایا بتایا کہ
پڑھیں:
پیرس: 18 سالہ لڑکی نے بچے کو جنم دے ہوٹل کی کھڑکی سے باہر پھینک دیا
پیرس: فرانس کے دارالحکومت میں ایک 18 سالہ امریکی طالبہ نے ہوٹل کے کمرے میں بچے کو جنم دینے کے بعد کھڑکی سے باہر پھینک دیا، جس کے نتیجے میں نوزائیدہ بچہ جانبر نہ ہوسکا۔
فرانسیسی حکام کے مطابق، ہوٹل کے سامنے کپڑے میں لپٹا ایک نوزائیدہ بچہ ملا جس کی ناف ابھی جڑی ہوئی تھی۔ پولیس نے فوری طور پر ریسکیو ٹیم کو اطلاع دی، مگر بچہ اسپتال میں زخموں کی تاب نہ لاتے ہوئے دم توڑ گیا۔
امریکی طالبہ ایک مطالعاتی دورے پر پیرس آئی تھی اور یورپ میں سفر کرنے والے نوجوانوں کے ایک گروپ کا حصہ تھی۔ واقعے کے بعد پولیس نے خاتون کو گرفتار کرلیا جبکہ زچگی کے باعث اسے اسپتال منتقل کیا گیا۔
پولیس نے قتل کی تحقیقات کا آغاز کر دیا ہے۔ حکام کا کہنا ہے کہ یہ معلوم کرنے کی کوشش کی جا رہی ہے کہ آیا خاتون نے جان بوجھ کر ایسا کیا یا کوئی اور وجوہات تھیں۔
لاہور کے پاگل خانے اور جیل میں درجنوں قیدی بھارتی شہریوں کی اکثریت ہو نے کا انکشاف