آئی سی سی نے نئی ون ڈے رینکنگ جاری کردی، ویرات کوہلی کی ترقی
اشاعت کی تاریخ: 26th, February 2025 GMT
آئی سی سی نے ون ڈے کی نئی پلیئرز رینکنگ جاری کردی ہے، بھارت کے ویرات کوہلی ایک درجہ ترقی کے بعد پانچویں نمبرپر جبکہ پاکستان کے بابراعظم خراب کارکردگی کے باوجود دوسری پوزیشن پر براجماں ہیں۔
یہ بھی پڑھیں: نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے
انٹرنیشنل کرکٹ کونسل (آئی سی سی) کی جانب سے جاری کی گئی نئی ون ڈے پلیئرز رینکنگ میں بھارت کے اوپنر بلے باز شبمن گل پہلے نمبر پر براجمان ہیں، پاکستان کے بابر اعظم دوسری پوزیشن پر ہیں، بھارتی کپتان روہت شرما تیسرے جبکہ محمد رضوان 20ویں نمبر پر ہیں۔
جنوبی افریقہ کے ہینرچ کلاسین تیسرے، نیوزی لینڈ کے ڈیریل مچل چھٹے، آئر لینڈ کے ہیری ٹیکٹر 7ویں، سری لنکا کے چیریتھ اسلنکا 8ویں، انڈیا کے شہریار الیاس 9 ویں اور ویسٹ انڈیز کے شائی ہوپ 10 ویں پوزیشن پر ہیں، نیوزی لینڈ کے میکر ول ینگ 8 درجہ ترقی کے بعد 14 ویں، پاکستان کے فخر زمان 3 درجے تنزلی کے بعد 18 ویں نمبر پر ہیں۔
بولرز کی رینکنگ میں شاہین آفریدی پانچ درجہ تنزلی کے بعد 9 ویں نمبر پر چلےگئے ہیں، سری لنکا کے مہیش تھیکشانا کا پہلا نمبر برقرار ہے، آسٹریلیا کے ایڈم زمپا 2 درجہ ترقی کے بعد ٹاپ ٹین میں آگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی رینکنگ انڈیا پاکستان شبمن گل کرکٹ ونڈے انٹرنیشنل ویرات کوہلی.ذریعہ: WE News
کلیدی لفظ: انڈیا پاکستان شبمن گل کرکٹ ونڈے انٹرنیشنل ویرات کوہلی ویں نمبر کے بعد پر ہیں
پڑھیں:
سابق آسٹریلوی کپتان کا ویرات کوہلی کے حوالے سے بڑا بیان
سابق آسٹریلوی کپتان رکی پونٹنگ کا کہنا ہے کہ بھارتی بلے باز ویرات کوہلی ایک روزہ کرکٹ میں سب سے زیادہ رنز بنانے والے کے طور پر یاد رکھے جانے کے لیے خود کو بھرپور موقع دیں گے۔
اتوار کے روز دبئی میں کھیلے گئے چیمپئنز ٹرافی کے پاکستان اور بھارت کے مقابلے میں ناقبلِ شکست 100 رنز کے بعد ویرات کوہلی آئی سی سی رینکنگ میں پانچویں نمبر آگئے جبکہ 50 اوور فارمیٹ میں 14 ہزار رنز بنانے والے تیسرے کھلاڑی بھی بن گئے۔
تیز ترین 14 ہزار رنز اسکور کرنے والے ویرات کوہلی، دوسری پوزیشن کے لیے کمار سنگاکارا سے 149 رنز جبکہ پہلی پوزیشن کے لیے سچن ٹینڈولکر سے 4341 رنز پیچھے ہیں۔
آئی سی سی ریویو پوڈکاسٹ میں گفتگو کرتے ہوئے رکی پونٹنگ کا کہنا تھا کہ ویرات جیسے کھلاڑی کو نظر انداز نہیں کیا جا سکتا کیوں کہ یہ ریکارڈ بنانے کے بعد ان کے عزائم بلند ہوں گے۔ اب جب ان سے آگے صرف دو کھلاڑی اور ہیں تو وہ اپنا نام سب سے زیادہ رنز بنانے والے کے طور پر درج کرانے کے لیے بھرپور کوشش کریں گے۔
انہوں نے مزید کہا کہ جہاں تک بات ان میں رنز کی بھوک کی ہے تو فٹنس کے اعتبار سے وہ ہمیشہ کی طرح اس حوالے سے سخت محنت کرتے ہیں۔ اگر ان میں طلب ہے تو ان کو نظر انداز نہیں کیا جا سکتا۔
انسداد منشیات کیلیے دوست ممالک سے قریبی اشتراک چاہتے ہیں، محسن نقوی