امریکا میں پاکستان کی بدنامی کا باعث بننے والا شاطر ملزم کراچی سے گرفتار
اشاعت کی تاریخ: 26th, February 2025 GMT
کراچی:
ایف آئی اے اینٹی ہیومین ٹریفکنگ سرکل کراچی نے جعلی امریکی دستاویزات فراہم کرنےمیں ملوث ملزم کوگرفتارکرلیا۔
ترجمان ایف آئی اے کے مطابق اینٹی ہیومن ٹریفکنگ سرکل کراچی نےکارروائی کے دوران شہریوں کوجعلی دستاویزات فراہم کرنے میں ملوث ملزم کوگرفتارکیا، جس کی شناخت عمیر اسلم کے نام سےہوئی ہے۔
اعلامیے کو مطابق ملزم کو چھاپہ مارکارروائی میں کراچی سےگرفتارکیا گیا، جس کے خلاف کارروائی امریکی قونصلیٹ کراچی کی شکایت پرعمل میں لائی گئی۔
ابتدائی تفتیش کےمطابق ملزم نے 2 خواتین کو جعلی اپوائنٹمنٹ لیٹرجاری کیا اور خواتین کو ویزاپراسس فیس کی جعلی بینک ٹرانزیکشنز سلپ بھی جاری کی۔
گرفتارملزم نارتھ ناظم آباد میں واقع العمران ایویشن نامی ٹریول ایجنسی میں ملازمت کر رہا تھا، ملزم نےخواتین سےمجموعی طور پر 134000 روپے ہتھیائےاور بھاری رقوم وصول کرکے متاثرین کو جعلی اپوائنٹمنٹ اورجعل بینک سلپ جاری کیں۔
متاثرہ شہریوں نے پوچھ گچھ پرانکشاف کیا کہ ملزم نے رقوم نقد وصول کرکے واٹس ایپ کے ذریعے جعلی دستاویزات بھیجیں جبکہ نجی بینک کی جانب سےمذکورہ ٹرانزیکشن سلپ کوجعلی قراردیا گیا۔
امریکی قونصلیٹ حکام نے مذکورہ ایجنٹ کےخلاف تحریری شکایت درج کرائی،جس پر ایف آئی اے نے کارروائی کرتے ہوئے ملزم کو گرفتارکیا،اس حوالے سے مذید تفتیش کاآغازکردیا گیا۔
.ذریعہ: Express News
کلیدی لفظ: ملزم کو
پڑھیں:
امریکی ویزا کیلئے ماں بیٹی کی فیس اور اپائنٹمنٹ کی جعلسازی کا ملزم گرفتار
وفاقی تحقیقاتی ادارے ایف آئی اے کے ہیومن ٹریفکنگ سرکل نے امریکی قونصلیٹ کی ویزا فیس اور اپائنٹمنٹ کی جعلسازی میں ملوث ملزم کو گرفتار کرلیا۔
ایف آئی اے حکام کے مطابق کراچی کی رہائشی لڑکی اور ان کی والدہ نے امریکا کے ویزا کےلیے العمران ٹریولز کے توسط سے درخواست دی تھی۔
انہیں انٹرویوز 25 ستمبر 2024 کو مقرر ہونے کا بتایا گیا اور بینک میں فیس کی ادائیگی کے الگ الگ واؤچر دیے۔
ماں بیٹی انٹرویو کیلئے امریکی قونصل خانے پہنچیں تو پتہ چلا کہ ان کا اپائنٹمنٹ نہیں تھا اور مزید پتہ چلا کہ فیس ادا ہی نہیں ہوئی تھی جبکہ فیس ادائیگی کے دونوں ووچرز جعلسازی سے بنائے گئے تھے۔
امریکی قونصلیٹ کی شکایت پر ایف آئی اے نے دفعہ 420، 468، 471، 109 کے تحت مقدمہ درج کر کے ملزم کو گرفتار کرلیا۔
امریکی عدالت کا فیصلہ ہے کہ یرغمالی ماحول بھی ہراسگی کی تعریف میں آتا ہے: سپریم کورٹ