فخر زمان نے ریٹائرمنٹ کی خبروں پر خاموشی توڑ دی
اشاعت کی تاریخ: 26th, February 2025 GMT
پاکستان کرکٹ ٹیم کے اوپنر فخر زمان نے ریٹائرمنٹ کی خبروں کی تردید کرتے ہوئے ایک ماہ کے اندر کم بیک کے عزائم کا اظہار کر دیا۔
انسٹاگرام پر پاکستان کرکٹ بورڈ (پی سی بی) کی جانب سے پوسٹ کی جانے والی ایک ویڈیو میں فخر زمان کا کہنا تھا کہ ان کے پاس 2017 کی چیمپئنز ٹرافی کی اچھی یادیں ہیں اور انہیں ایک روزہ فارمیٹ کھیلنا بھی پسند ہے۔
View this post on Instagram
A post shared by Pakistan Cricket (@therealpcb)
ان کا کہنا تھا کہ ڈاکٹر نے انہیں آرام کا مشورہ دیتے ہوئے تین ہفتے کے بعد ٹریننگ کے لیے کہا ہے، انشاء اللہ ایک مہینے میں واپس آجائیں گے۔
ان کا مزید کہنا تھا کہ جب انہیں چیمپئنز ٹرافی 2025 کے افتتاحی میچ میں انجری لگی تو وہ اپنے جذبات پر قابو نہیں رکھ سکے۔
واضح رہے ذرائع ابلاغ پر فخر زمان کی ریٹائرمنٹ کے حوالے سے خبریں گردش کر رہی تھیں۔
.ذریعہ: Express News
پڑھیں:
’آپ کے پاس درست معلومات نہیں‘، وسیم اکرم سے طلاق کی خبروں پر اہلیہ شنیرا کا ردعمل
سوشل میڈیا پلیٹ فارم ایکس پر ’آوٗٔٹ آف کانٹیکسٹ کرکٹ‘ نامی پیج پر گزشتہ ماہ ایک پوسٹ کی گئی جس پر کرکٹ کے ایسے 12 کھلاڑیوں کی تصاویر لگائی گئیں جنہیں یا تو طلاق ہوچکی یا پھر انہیں ان کی بیگمات نے چھوڑ دیا، اور اس پوسٹ میں پاکستان کے سابق کپتان وسیم اکرم کی تصویر بھی شامل تھی۔
وسیم اکرم کا نام شیئر کیے جانے پر ان کی اہلیہ شنیرا اکرم نے اس پوسٹ پر ردعمل دیتے ہوئے کہا کہ آپ لوگ واضح طور پر سیاق و سباق سے ہٹ کر بات کر رہے ہیں اور آپ کے پاس درست معلومات بھی نہیں ہیں۔
Hey @GemsOfCricket You guys are definitely "out of context" and from what I can see you're also out of correct and reliable information! ???????? https://t.co/kn68XKh6xv
— Shaniera Akram (@iamShaniera) February 25, 2025
ان کھلاڑیوں میں ہندوستانی سابق کرکٹر شیکھر دھون، محمد اظہر الدین، ونود کامبلی، روی شاستری، ہاردک پانڈیا، بھارت کے سابق وکٹ کیپر دنیش کارتک، پاکستان کرکٹ ٹیم کےسابق کپتان وسیم اکرم، انیل کمبلے، شین وارن، جواگل سرناتھ، محمد شامی اور یزوندرا چاہال شامل ہیں۔
شنیرا اکرم کی پوسٹ پر کئی لوگوں نے ان کی حمایت کی اور پیج انتظامیہ سے مطالبہ کیا کہ ان کی پوسٹ نہ صرف غلط ہے بلکہ حساس بھی لہٰذا فوری طور پر اس پوسٹ کو ڈیلیٹ کیا جائے۔
Wasim got divorced? Kuch bhi.
Anil Kumble is also divorced? When?@GemsOfCricket should delete this tweet for it being factually incorrect and also insensitive at the same time.
— Ankit Uttam (@ankituttam) February 25, 2025
صارفین نے تبصرہ کرتے ہوئے یہ بھی کہا کہ وسیم اکرم کی پہلی اہلیہ بیماری کے باعث انتقال کرگئی تھیں اور انہوں نے طلاق نہیں دی تھی۔
واضح رہے کہ وسیم اکرم نے شنیرا سے 2015 میں شادی کی تھی۔ یہ ان کی دوسری شادی ہے۔ اس سے قبل سال 2009 میں وسیم اکرم کی پہلی اہلیہ بیماری کے باعث انتقال کرگئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی کرکٹر شنیرا اکرم وسیم اکرم وسیم اکرم طلاق
غزہ پر عرب راہنماﺅں کامتبادل منصوبہ نہیں دیکھا‘مجوزہ منصوبہ دیکھنے کے بعد تبصرہ کروں گا .صدر ٹرمپ