صدر زرداری سے اراکین پنجاب اسمبلی کی ملاقات کی اندرونی کہانی سامنے آگئی
اشاعت کی تاریخ: 26th, February 2025 GMT
فائل فوٹو۔
صدر آصف زرداری کی لاہور میں اراکین پنجاب اسمبلی سے ملاقات کی اندرونی کہانی سامنے آگئی۔
ارکان اسمبلی نے صدر کو بتایا کہ بیورو کریسی ہماری بات نہیں سنتی، ایک ایڈیشنل سیکریٹری دیا گیا ہے جس کی کوئی سنتا ہی نہیں، متعلقہ ضلع کا ڈپٹی کمشنر تو کیا، اسسٹنٹ کمشنر بھی ایڈیشنل سیکریٹری کی بات نہیں سنتا۔
صدر زرداری نے کہا کہ بلدیاتی الیکشن کی تیاری کریں، ہمیں بھرپور کامیابی حاصل کرنا ہوگی، پنجاب میں بلدیاتی الیکشن میں تاخیر نہیں ہونی چاہیے۔
انھوں نے کہا کہ بلدیاتی الیکشن کا ہونا بہت ضروری ہے عوامی مسائل کاحل بلدیاتی الیکشن ہے۔ صدر آصف زرداری نے مزید کہا کہ ہم عوامی لوگ ہیں اور ہمیں عوام کی جنگ لڑنی ہے۔
صدر مملکت آصف علی زرداری سے گورنر ہاؤس میں پارلیمانی پارٹی کی ملاقات کی اندرونی کہانی سامنے آگئی۔
صدر آصف زرداری نے اس موقع پر سوال کیا کہ جنوبی پنجاب میں بجلی اور گیس کی قلت کہاں پر ہے؟ انھوں نے کہا پانی کا بہت بڑا مسئلہ ہے، سندھ اور بلوچستان کے مسائل حل نہیں ہو رہے۔
ارکان اسمبلی نے صدر کو بتایا کہ مسلم لیگ ن کے کام فوری ہوتے ہیں، انہیں تبادلوں سمیت ہر کام کے فوری آرڈر دیے جاتے ہیں۔
ارکان اسمبلی نے شکایت کی کہ اربوں کا بجٹ لاہور پر لگا دیا، باقی پنجاب ایک طرف ہے، یہ کونسا میرٹ ہے؟ ماضی کی طرح ایک ضلع کو پروموٹ کیا جا رہا ہے، باقی اضلاع میں احساس محرومی ہے۔
پیپلز پارٹی کے ارکان اسمبلی کے ذرائع نے بتایا کہ صرف لاہور کے عوام کے لئے اربوں روپے لگا کر ہارس اینڈ کیٹل شو کا انعقاد کیا گیا، پنجاب میں کسانوں کا کوئی پرسان حال نہیں، ہر جگہ کسان پس رہا ہے۔
ارکان کا کہنا تھا کہ ہم جیت کر ایوان میں آئے لیکن ہمارے کام نہیں ہوتے۔ ہمارے ہی حلقے میں ن لیگ کے لوگوں کے کام ہو رہے ہیں۔
ذرائع نے صدر آصف زرداری کے حوالے سے بتایا کہ انھوں نے کہا آپ سب کے تحفظات جائز ہیں، ہم ان کو جلد حل کروائیں گے، ہم نے ہمیشہ ملک وعوام کی جنگ لڑی ہے۔
صدر نے کہا کہ ہمیں پانی کے مسئلے کو سنجیدہ لینا ہوگا، ہر فورم پر اس کی نشاندہی کرچکا ہوں، بلاول اور میں خود پنجاب میں بیٹھیں گے۔
انھوں نے کہا کہ گورنر پنجاب سردار سلیم حیدر کی کارکردگی متاثر کن ہے، وہ بہترین کام کر رہے ہیں، سلیم حیدر کا کام غلطی کی نشاندہی اور ایکشن لینا ہے۔
صدر آصف زرداری نے کہا کہ کسانوں کے ساتھ کھڑے ہیں، انہیں سہولیات فراہم کرنے کی ہر ممکن کوشش کرینگے۔
.ذریعہ: Jang News
کلیدی لفظ: ملاقات کی اندرونی کہانی بلدیاتی الیکشن ارکان اسمبلی انھوں نے کہا نے کہا کہ بتایا کہ
پڑھیں:
پنجاب میں بلدیاتی الیکشن میں تاخیر نہیں ہونی چاہیے، صدر آصف علی زرداری
سٹی 42 : صدر مملکت آصف علی زرداری نے کہا ہے کہ ہم عوامی ہیں، ہمیں عوام کی جنگ لڑنی ہے، بلدیاتی الیکشن کی تیاری کریں، ہمیں بھر پور کامیابی حاصل کرنا ہوگی ۔
منگل کے روز صدر آصف علی زرداری نے اپنے دورہِ لاہور کے دوران اراکین صوبائی اسمبلی سے ہونے والی ملاقات میں کہا کہ پنجاب میں بلدیاتی الیکشن میں تاخیر نہیں ہونی چاہیے، بلدیاتی الیکشن کی تیاری کریں، ہمیں بھر پور کامیابی حاصل کرنا ہوگی۔ انہوں نے کہا کہ بلدیاتی الیکشن کا ہونا بہت ضروری، عوامی مسائل کاحل بلدیاتی الیکشن ہے۔
بلدیاتی انتخابات میں تاخیر؛ پنجاب حکومت کی جلد قانون سازی کی یقین دہانی
آصف علی زرداری نے کہا کہ ہم عوامی ہیں، ہمیں عوام کی جنگ لڑنی ہے ۔ آصف زرداری نے اس موقع پر ممبران سے سوال کیا کہ جنوبی پنجاب میں بجلی گیس کہاں مل رہی اور کہاں نہیں؟، جس پر ممبران اسمبلی نے بجلی گیس سے محروم علاقوں کی نشاندہی کی ۔
صدر مملکت نے کہا کہ پانی کا بہت بڑا مسئلہ ہے، سندھ اور بلوچستان کے مسائل حل نہیں ہورہے، ہمیں اس کو سنجیدہ لینا ہوگا، میں ہر فورم پر اس کی نشاندہی کرچکا ہوں۔ انہوں نے کہا کہ بلاول اور میں خود پنجاب میں بیٹھوں گا ۔
لاہور ہائیکورٹ کا بڑا فیصلہ, بری ہونے والے افراد کا نام کریکٹر سرٹیفکیٹ پر ظاہر نہیں ہوگا
گورنر پنجاب سردار سلیم حیدر نے صدر آصف علی زرداری کو پنجاب میں سیاسی اور انتظامی صورتحال سے آگاہ کیا ۔ جس پر صدر مملکت نے کہا کہ گورنر پنجاب سردار سلیم حیدر کی کارکردگی متاثر کن ہے، گورنر پنجاب سردار سلیم حیدر بہترین کام کررہے ہیں، سردار سلیم حیدر کا کام ہے جہاں غلط ہو اس کی نشاندہی کرے اور ایکشن لے ۔
ممبران نے اس دوران اپنے تحفظات کا اظہار کیا، کہا کہ بیوروکریسی ہماری بات نہیں سنتی، ایک ایڈیشنل سیکرٹری دیا لیکن اس کی کوئی سنتا ہی نہیں، متعلقہ ضلع کے ڈپٹی کمشنر تو کیا اسسٹنٹ کمشنر تک ایڈیشنل سیکرٹری کی بات نہیں سنتا، مزید کہا کہ ن لیگی ممبران اسمبلی کے کام فوری کرتے، انہیں تبادلوں سمیت ہر کام کے فوری آرڈر دئیے جاتے ہیں، اربوں روپے کا بجٹ لاہور پر لگادیا، ایک ضلع پر نوازشات ہیں، باقی پنجاب ایک طرف ہے،یہ کونسا میرٹ ہے ۔
برائلر مرغی کے گوشت کی قیمت بلند ترین سطح پر برقرار
اراکین صوبائی اسمبلی نے کہا کہ ایک ضلع کو ماضی کی طرح پروموٹ کیا جارہا ہے، باقی احساس محرومی کا شکار ہیں، صرف لاہور کی عوام کےلئے اربوں روپے لگاکر ہارس اینڈ کیٹل شو کا انعقاد کیا گیا، کسانوں کا پنجاب میں کوئی پرسان حال نہیں، ہر جگہ سے کسان پس رہا ہے ۔ صدر آصف علی زرداری نے اس بات کی یقین دہانی کرائی کہ ہم کسانوں کے ساتھ کھڑے ہیں، کسانوں کو سہولیات فراہم کرنے کےلئے ہر ممکن کوشش کی جائے گی ۔
آزاد کشمیر میں ساتواں سافٹ ویئر ٹیکنالوجی پارک قائم
ممبران نے مزید تحفظات کا اظہار کیا کہ ہم جیت کر ایوان میں آئے لیکن ہمارے کام نہیں ہوتے، ہمارے ہی حلقے میں ن لیگی افراد کے کام ہورہے ہیں، ڈی سیز، ڈی پی اوز، اے سیز سمیت متعلقہ انتظامیہ ن لیگی افراد کے کام فوری کرتے ہیں ۔ جس پر صدر مملکت نے کہا کہ آپ سب کے تحفظات جائز ہیں، ہم ان کو جلد حل کروائیں گے ۔ انہوں نے کہا کہ ہماری ترجیحات ملک اور عوام ہیں، ہم ان کے ساتھ کھڑے ہیں، ہم نے ہمیشہ ملک وعوام کی جنگ لڑی۔
پنجاب حکومت نے ایک سال میں کامیابیوں کے ریکارڈ قائم کیے: عظمیٰ بخاری
جی ڈے اے رہنما غلام مرتضیٰ جتوئی کیخلاف کیسز کے معاملے پر اہم پیشرفت