امریکا؛ پائلٹ نے آخری لمحے میں طیارے کو دوسرے جہاز کیساتھ ٹکرانے سے بچالیا؛ ویڈیو وائرل
اشاعت کی تاریخ: 26th, February 2025 GMT
امریکا میں رن وے پر دو طیاروں کے درمیان ہونے والے خوفناک تصادم کو پائلٹ کی حاضر دماغی نے بچالیا۔
عالمی خبر رساں ادارے کے مطابق شکاگو ایئرپورٹ کے رن وے پر ساؤتھ ویسٹ ایئرلائنز کے پائلٹ نے طیارے کے زمین پر چھونے سے آخری لمحے قبل دوبارہ اُڑان بھری۔
پائلٹ کے اس اقدام سے مسافروں میں خوف کی لہر دوڑ گئی تھی لیکن جب انھوں نے دیکھا کہ ایک طیارہ رن پر موجود ہے تو معاملے کی نزاکت کا اندازہ ہوا۔
یہ واقعہ شکاگو کے مڈ وے انٹرنیشنل ایئرپورٹ پر پیش آیا جب ایک نجی طیارہ ایئر کنٹرولر کی 9 بار کی گئی تنبیہ کو نظر انداز کرکے سے رن وے پر داخل ہو گیا تھا۔
عین اسی وقت ایک مسافر بردار طیارہ رن وے پر لینڈنگ کر رہا تھا تاہم جب پائلٹ نے سامنے ایک طیارے کو دیکھا تو لینڈنگ کے بجائے دوبارہ پرواز بھرلی۔
بعد ازاں اس طیار نے کامیابی سے شکاگو ایئرپورٹ پر لینڈنگ کی۔ فیڈرل ایوی ایشن نے واقعے کی تحقیقات کے لیے انکوائری کمیٹی تشکیل دیدی۔
یاد رہے کہ امریکا میں گزشتہ ماہ ہی ایک فوجی ہیلی کاپٹر اور مسافر طیارے کے درمیان ایئرپورٹ کی فضا میں تصادم سے 67 افراد ہلاک ہوگئے تھے۔
.
ذریعہ: Express News
کلیدی لفظ: رن وے پر
پڑھیں:
ورون دھون اور سدھارتھ ملہوترا کا ویر پہاڑیا اسٹائل ون لیگ ڈانس؛ ویڈیو وائرل
مڈوک فلمز کی 20 ویں سالگرہ اور باکس آفس کامیابیوں کی تقریب میں ورون دھون اور سدھارتھ ملہوترا کا وائرل ڈانس ویڈیو سوشل میڈیا پر وائرل ہورہا ہے۔ فلم ’’اسٹوڈنٹ آف دی ایئر‘‘ کے دوستوں کی اس جوڑی نے ویر پہاڑیا کے مشہور ’’ون لیگ ڈانس‘‘ کو اپنے انوکھے انداز میں پیش کیا۔
تقریب کے دوران بنائی گئی ویڈیو میں دونوں اداکاروں کو ڈانس فلور پر ویر پہاڑیا کے اسٹائل کی نقل کرتے دیکھا جاسکتا ہے۔ ویڈیو کے آخر میں ورون نے سدھارتھ کو گرمجوشی سے گلے لگایا، جس نے مداحوں کے دل جیت لیے۔
یاد رہے کہ ویر پہاڑیا کو حال ہی میں فلم ’اسکائی فورس‘ کے گانے میں ان کے غیر روایتی ڈانس مووز پر سوشل میڈیا پر کافی تنقید کا سامنا کرنا پڑا تھا۔ تاہم ویر نے تنقید کو مثبت انداز میں لیتے ہوئے کہا تھا کہ ’’میں ٹرولنگ سے محبت کرتا ہوں۔ بیس دن پہلے مجھے کون جانتا تھا؟ اب اگر میں لنگڑاتا ہوا چلوں تو بھی لوگ مجھے پہچان لیں گے۔‘‘
’اسکائی فورس‘ 1965 کی ہند و پاک فضائی جنگ پر مبنی ہے، ویر پہاڑیا کی بالی ووڈ میں پہلی فلم تھی۔ مڈوک فلمز کے بینر تلے بنی اس فلم نے نہ صرف باکس آفس پر کامیابی حاصل کی بلکہ ویر کو بھی شہرت کی بلندیوں پر پہنچا دیا۔
ورون اور سدھارتھ کی یہ ڈانس ویڈیو دیکھ کر مداح پھر سے ان کے اسٹوڈنٹ آف دی ایئر کے دنوں کو یاد کرنے لگے ہیں۔ سوشل میڈیا پر صارفین نے اس ویڈیو کو ’’بہترین دوستی کی علامت‘‘ قرار دیتے ہوئے دونوں اداکاروں کی تعریف کی ہے۔
TagsShowbiz News Urdu
جڑانوالہ میں بس کی رکشہ کو ٹکر، 8 افراد جاں بحق