سندھ میں غیرملکی شہریوں کی سیکیورٹی پر مامور نجی گارڈز کو پولیس ٹریننگ دینے کا فیصلہ
اشاعت کی تاریخ: 26th, February 2025 GMT
سندھ میں غیرملکی شہریوں کی سیکیورٹی پر مامور نجی سیکیورٹی گارڈز سے متعلق حکومت پاکستان وصوبائی حکومت کی بنائی گئی ایس او پیز پر عملدرآمد کرنے کا فیصلہ کیا گیا ہے، نجی سیکیورٹی گارڈ کو پولیس ٹریننگ دی جائے گی۔
یہ بھی پڑھیں:پنجاب یونیورسٹی میں طلبا اور گارڈز میں تصادم، 5 افراد زخمی
بدھ کے روز میں سینٹرل پولیس آفس کراچی میں آئی جی سندھ غلام نبی میمن کی زیرصدارت غیرملکی شہریوں کی سیکیورٹی پر مامور نجی سیکیورٹی گارڈز سے متعلق حکومت پاکستان و سندھ کی بنائی گئی ایس او پی پر عمل درآمد کے حوالے سے جائزہ اجلاس ہوا، جس میں آل پاکستان سیکیورٹی ایجنسیز ایسوسی ایشن کے چیئرمین میجر ریٹائرڈ منیراحمد نے 5 رکنی وفد کے ہمراہ شرکت کی۔
اجلاس میں ڈی آئی جیز ہیڈکوارٹرز، آئی ٹی، ایس پی یو، ٹریننگ اور دیگر پولیس افسران نے شرکت کی، اجلاس میں آل پاکستان سیکیورٹی ایجینسیز ایسوسی ایشن کے چیئرمین میجرریٹائرڈ منیر احمد نے حکومت پاکستان و سندھ کی ترتیب دی گئی ایس او پی پر عمل درآمد اور موجودہ صورتحال سے بریفنگ دی۔
نجی سیکیورٹی گارڈز کا ڈیٹا مرتب کرلیا گیاچئیرمین اے پی ایس ایس اے نے بریفنگ میں بتایا کہ قانون نافذ کرنے والے اداروں سے تصدیق کے بعد بھرتی اور بعدازاں غیرملکی بالخصوص چینی باشندوں کی سیکیورٹی پرتعینات کیے گئے تمام نجی سیکیورٹی گارڈز کا ڈیٹا مرتب کرلیا گیا ہے۔
یہ بھی پڑھیں: اسلام آباد: بینک کی گاڑی لوٹنے، گارڈ کو مارنے والا گینگ گرفتار
انہوں نے بتایا کہ مستند اور رجسٹرڈ سیکیورٹی گارڈزکو اے پی ایس ایس اے کی جانب سے ’بارکوڈ‘ لگا سروس کارڈ اور یونیفارم بیج فراہم کیا جارہا ہے، بار کوڈ کے ذریعے کسی بھی وقت موبائل فون ایپلیکیشن سے گارڈ کی تصدیق کی جاسکے گی، گارڈ ز کو فائرنگ کی تربیت کے لیے پولیس کی مدد درکار ہے ۔
غیر رجسٹرڈ نجی سیکیورٹی کمپنیوں کے خلاف قانونی کارروائی کی جائےاجلاس میں شریک وفد نے مطالبہ کیا کہ غیر رجسٹرڈ نجی سیکیورٹی کمپنیوں اور گارڈز کے خلاف قانونی کارروائی کی جائے۔
آئی سندھ نے ہدایت کی کہ نجی سیکیورٹی کمپنیوں اور گارڈز سے متعلق ایس او پی پر عملدرآمد اور دیگر معاملات کے لیے ڈی آئی جی ایس پی یو کوآرڈینیشن میکنزم بنائیں، کراچی اور اندرون سندھ میں قائم پولیس ٹریننگ اسکولز میں نجی گارڈز کو فائرنگ کی تربیت فراہم کی جائے۔
آئی جی سندھ نے کہا کہ سادہ لباس ہو یا باوردی کسی بھی سرکاری اور نجی سیکیورٹی اہلکار کو اسلحہ کی نمائش کرنے کی ہر گز اجازت نہیں ہے، سیکیورٹی گارڈز کی بھرتی کے دوران پولیس ریکارڈ میں مطلوب یا مفرور ملزمان سامنے آنے کی صورت میں حوالگی پولیس 15 کے ذریعے متعلقہ تھانے کو کی جائے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی جی سندھ پولیس ٹریننگ غیر ملکی شہری نجی سیکیورٹی گارڈز.ذریعہ: WE News
کلیدی لفظ: پولیس ٹریننگ غیر ملکی شہری نجی سیکیورٹی گارڈز نجی سیکیورٹی گارڈز نجی سیکیورٹی گارڈ کی سیکیورٹی پر پولیس ٹریننگ ایس او پی کی جائے
پڑھیں:
چیمپیئنز ٹرافی کی سیکیورٹی ڈیوٹی سے انکار پر لاہور میں 100 سے زائد پولیس اہلکار برطرف
چیمپیئنز ٹرافی 2025 کے سلسلے میں قذاقی اسٹیڈیم لاہور اور ہوٹلز سے غیر ملکی ٹیموں کی آمد و رفت کے دوران سیکیورٹی کی ڈیوٹی کرنے سے انکار پر لاہور میں 100 سے زائد پولیس اہلکار ایک ساتھ نوکری سے برطرف کر دیے گئے ہیں۔
مزید پڑھیں: تحریک انصاف سے برطرفی کا معاملہ، شیر افضل مروت کیا کہتے ہیں؟
پولیس ذرائع کے مطابق اینٹی رائیٹ فورس کے اہلکاروں کو اہلکاروں کو ڈی آئی جی آپریشنز کے حکم پر برطرف کیا گیا۔ اہلکاروں کی برطرفی کی رپورٹ ایس پی اے آر ایف کے حکم پر درج کی گئی ہے۔
مزید پڑھیں: بلوچستان، دہشتگردوں کے آگے ہتھیارڈالنے کے الزام میں 15 لیویز اہلکار برطرف
برطرف اہلکاروں کی تفصیل سرکاری رپورٹ میں درج کرلی گئی ہے۔ برطرف کیے جانے والے اہلکار چیمپیئنز ٹرافی کی سیکیورٹی ڈیوٹی سے غیر حاضر رہے جبکہ متعدد اہلکاروں نے سیکیورٹی ڈیوٹی پر آنے سے انکار کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی پنجاب چیمپیئنز ٹرافی 2025 لاہور پولیس
میوہسپتال میں نصب کی جانے والی نئی لفٹ گر گئی‘8افرادزخمی