انتہائی خوش اخلاق سمجھے جانے والے نوجوان کا ماں، دادی،بھائی سمیت قریبی لوگوں کوقتل کرنے کا لرزہ خیز انکشاف
اشاعت کی تاریخ: 26th, February 2025 GMT
بھارتی ریاست کیرالہ کے ایک مضافاتی علاقے میں ایک 23 سالہ نوجوان پولیس سٹیشن میں داخل ہوا اور ایسا انکشاف کیا جس نے پورے محکمہ پولیس میں ہلچل مچا دی۔ نوجوان جس کا نام عفان بتایا جا رہا ہے، نے پولیس کے سامنے اعتراف کیا کہ اس نے اپنی ماں، دادی، گرل فرینڈ اور 13 سالہ بھائی سمیت چھ افراد کو قتل کر دیا ہے۔
این ڈی ٹی وی کے مطابق پولیس کی تحقیقات سے معلوم ہوا کہ عفان نے واقعی چھ افراد پر وحشیانہ حملہ کیا تھا لیکن اس کی ماں جو کینسر کی مریضہ ہے، زندہ بچ گئی۔ اسے شدید زخمی حالت میں ہسپتال منتقل کر دیا گیا ، جہاں اس کی حالت نازک بتائی جا رہی ہے۔
پولیس حکام کے مطابق عفان نے وینجراموڈو کے تین مختلف گھروں میں جا کر ان لرزہ خیز وارداتوں کو انجام دیا۔ تفتیش کے دوران وہ اپنے بیانات مسلسل بدلتا رہا۔ ایک پولیس افسر نے بتایا کہ ملزم بار بار کہہ رہا ہے کہ اس کے والد جو دبئی میں دکان چلاتے ہیں، 75 لاکھ روپے کے قرض میں ڈوبے ہوئے تھے اور وہ خود بھی مالی مشکلات کا شکار تھا۔ اس کا کہنا تھا کہ جب اس نے مدد کی درخواست کی تو کسی نے بھی اس کا ساتھ نہیں دیا، تاہم اس کی گرل فرینڈ اس معاملے میں کیسے شامل ہوئی یہ ابھی تک واضح نہیں ہو سکا۔
پولیس کے مطابق عفان نے سب سے پہلے اپنی ماں اور گرل فرینڈ پر تیز دھار ہتھیار سے حملہ کیا اور پھر اپنے 13 سالہ بھائی کو ہتھوڑے سے بے رحمی سے قتل کر دیا۔ علاقے کے رہائشیوں کا کہنا ہے کہ ملزم نرم مزاج اور خوش اخلاق نوجوان تھا۔
ملزم کے گھر کے قریب ایک چائے کی دکان چلانے والی خاتون نے کہا کہ عفان اپنے بھائی سے بے حد محبت کرتا تھا اور ہمیشہ اس کا خیال رکھتا تھا۔ “مجھے یقین نہیں آ رہا کہ اس نے یہ سب کچھ کیا۔ وہ ایک اچھا لڑکا تھا۔ اس کے بارے میں ایک برا لفظ بھی نہیں کہہ سکتے۔ میں نے اس کے چھوٹے بھائی کو کل دوپہر میں بھی دیکھا تھا۔ ہمیں کچھ معلوم نہیں تھا جب تک کہ پولیس وہاں نہیں پہنچی۔”
اپنے گھر میں قتل عام کے بعد عفان اپنے چچا کے گھر پہنچا اور ایک جھگڑے کے دوران اپنے چچا اور چچی کو بھی قتل کر دیا۔ اس کے بعد وہ اپنی دادی کے گھر گیا اور اسے بھی موت کے گھاٹ اتار دیا۔ ان تمام قتلوں کے بعد عفان سیدھا وینجراموڈو پولیس سٹیشن پہنچا اور خود کو پولیس کے حوالے کر دیا۔
پولیس کے مطابق عفان نے یہ بھی بتایا کہ گھر میں اپنے والد کے قرض کے معاملے پر ہونے والی بحث کے بعد اس نے فیصلہ کیا کہ کسی کو بھی زندہ نہیں رہنا چاہیے۔ اس نے دعویٰ کیا کہ وہ اپنی ماں، دادی اور دیگر رشتہ داروں سے مدد مانگتا رہا لیکن کسی نے اس کی مدد نہیں کی۔ ملزم نے اپنی ماں کا ہار چرانے کا بھی اعتراف کیا اور کہا کہ قتل کے بعد وہ خودکشی کرنا چاہتا تھا۔
.ذریعہ: Daily Ausaf
کلیدی لفظ: پولیس کے کے مطابق اپنی ماں عفان نے قتل کر کر دیا کے بعد
پڑھیں:
کینیڈا، ہانگ کانگ بھیجے جانے والے پارسل سے 13 کلو سے زائد افیون برآمد
اینٹی نارکوٹکس فورس ( اے این ایف) نے منشیات اسمگلنگ کے خلاف کریک ڈاؤن میں 3 کروڑ سے زائد مالیت کی 84.1 کلو گرام منشیات برآمد کر لی۔
ترجمان اے این ایف کے مطابق راولپنڈی میں واقع کوریئر آفس کے ذریعے کینیڈا بھیجے جانے والے پارسل سے 13 کلو جذب شدہ افیون جبکہ ہانگ کانگ بھیجے جانے والے پارسل سے 620 گرام افیون برآمد ہوئی۔
پشاور میں کوریئر کے ذریعے اوکاڑہ بھیجے جانے والے پارسل سے 600 گرام آئس برآمد کی گئی۔ مانسہرہ میں گاڑی کے خفیہ خانوں میں چھپائی گئی 14.4 کلو چرس برآمد کر کےموقع پر موجود خاتون کو گرفتارکر لیاگیا۔ گوادر میں پسنی کے علاقے سے لاوارث گاڑی میں چھپائی گئی 54 کلو آئس برآمد کی گئی۔
مزید پڑھیں: اے این ایف کی کارروائی؛ تعلیمی اداروں کے قریب طلبا کو منشیات فروخت کرنے والے گرفتار
اے این ایف کے مطابق جی ٹی روڈ اسلام آباد میں پھاٹک کے قریب ملزم سے 1.480 کلو چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق