رمضان المبارک میں موسم کیسا رہے گا؟ محکمہ موسمیات نے خبردار کردیا
اشاعت کی تاریخ: 26th, February 2025 GMT
محکمہ موسمیات نے کراچی میں رمضان المبارک کے دوران موسم کے حوالے سے خبردار کردیا۔
تفصیلات کے مطابق میڈیا فوکل پرسن محکمہ موسمیات انجم نذیر نے رمضان المبارک کے دوران کراچی میں موسم کے حوالے سے کہا کہ رمضان کا آغاز معتدل موسم سے ہوگا جبکہ آخری عشرے میں شدید گرمی پڑے گی اور میں درجہ حرارت 40 ڈگری سینٹی گریڈ تک جانے کا امکان ہے۔
محکمہ موسمیات کا کہنا تھا کہ شہر میں رواں ہفتے مطلع جزوی ابر آلود رہے گا جبکہ مغربی ہواؤں کا سلسلہ ملک کے بالائی اور وسطی علاقوں پر اثر انداز ہوگا لیکن کراچی میں بارش کا کوئی امکان نہیں۔دوسری ملک کے مختلف علاقوں میں بارش جبکہ بالائی علاقوں میں دو دن سے برف باری کا سلسلہ جاری ہے، جس سے سردی کی شدت میں پھر اضافہ ہوگیا ہے۔
مانسہرہ اوراس کے گرد و نواح میں بارشِ اوربالائی علاقوں میں برف باری ہورہی ہے، شوگراں میں دوانچ اور کاغان میں چارانچ سے زائد برف باری ریکارڈ کی گئی۔اسلام آباد میں وقفےوقفے سے بارش کا سلسلہ جاری ہے، جس سے خنکی میں اضافہ ہوگیا ہے، محکمہ موسمیات کا کہنا ہے رواں ہفتے ملک کے بیشتر علاقوں میں بارش اور برف باری جاری رہے گی۔
.ذریعہ: Daily Ausaf
کلیدی لفظ: محکمہ موسمیات علاقوں میں
پڑھیں:
اسلام آباد میں بوندا باندی، آج وقفے وقفے سے سلسلہ جاری رہنے کا امکان
اسلام آباد میں ہلکی بوندا باندی جاری ہے اور آج دن بھر وقفے وقفے سے یہ سلسلہ جاری رہنے کا امکان ہے۔
رپورٹ کے مطابق آسلام آباد میں موسم صبح سے ابر آلود ہے، محکمہ موسمیات کی جانب سے ملک بھر میں رواں ہفتے بارش کی پیشن گوئی کی گئی ہے۔
رپورٹ کے مطابق آسلام آباد میں آج وقفے وقفے سے ہلکی بوندا باری جاری رہنے کا امکان ہے۔
محکمہ موسمیات کی جانب ملک بھر کے مختلف اضلاع میں 2 مارچ تک بارشوں کی پیش گوئی کی گئی ہے۔
پختونخوا حکومت کا ملازمین کی تنخواہوں اور پنشن سے متعلق اہم فیصلہ