Nawaiwaqt:

پاکستان اور ازبکستان کے درمیان مفاہمتی یادداشتوں و معاہدوں پر دستخط

اشاعت کی تاریخ: 26th, February 2025 GMT

تاشقند: پاکستان اور ازبکستان کے درمیان مختلف شعبوں میں تعاون کی مفاہمتی یادداشتوں اور معاہدوں پر دستخط ہوگئے۔ازبکستان کے دارالحکومت تاشقند میں دونوں ممالک کے درمیان مفاہمتی یادداشتوں اور معاہدوں کی تقریب منعقد ہوئی جس میں وزیراعظم شہباز شریف اور ازبک صدر شوکت مرزایوف نے شرکت کی۔تقریب میں تاشقند اور لاہور کے درمیان ایم او یو کا تبادلہ ہوا.

پاکستان اور ازبکستان کے درمیان معلومات کے تبادلے اور سائنس و ٹیکنالوجی میں تعاون کی مفاہمتی یادداشتوں پر دستخط کیے گئے۔پاکستان اور ازبکستان کے درمیان نوجوانوں کے امور سے متعلق ایم او یو کا بھی تبادلہ ہوا جبکہ وزیراعظم شہبازشریف اور ازبکستان کے صدر شوکت مرزایوف نے تقریب کے مشترکہ اعلامیے پر بھی دستخط کیے۔اس موقع پر وزیراعظم شہباز شریف نے ازبک صدر شوکت مرزایوف کو دورہ پاکستان کی دعوت بھی دی جو انہوں نے قبول کرلی۔

تقریب سے خطاب کرتے ہوئے وزیراعظم شہباز شریف نے کہا کہ دورہ ازبکستان کے دوران بہترین میزبانی پر مشکور ہوں، پاکستان، ازبکستان میں مضبوط روابط قائم ہیں، ان کے تعلقات کی طویل تاریخ ہے، دونوں ملکوں کے تعلقات درست سمت میں آگے بڑھ رہے ہیں، سرمایہ کاری، تجارت میں اضافہ دونوں ملکوں کے مفاد میں ہے۔انکا کہنا تھا کہ ازبکستان، پاکستان کاقابل اعتمادشراکت دار ہے، دونوں ملکوں کی خوشحالی، ترقی ہمارا مشترکہ عزم ہے، صدرازبکستان عملی اقدام پر یقین رکھتےہیں. انہوں نے ازبکستان کو ترقی کی نئی بلندیوں پرپہنچایا ہے۔وزیراعظم نے کہا کہ میں پاکستان کی معاشی ترقی کے لیے پرعزم ہوں، نوازشریف کے دیے ہوئے ترقی کے وژن پرگامزن ہوں. انتھک محنت، پختہ عزم سے ہی ترقی کا سفر طے کیا جاسکتا ہے۔انہوں نے کہا کہ دونوں ملکوں میں تعلقات کو نئی بلندیوں تک لےجائیں گے. طویل ترین سفر کا آغاز پہلے قدم سے ہوتا ہے جوہم نے اٹھالیا. ایک سال میں پاکستان کی معیشت کو اپنے پاؤں پر کھڑا کیا. پاکستان میں مہنگائی کی شرح 38 سے2.4 فیصد پر لے آئے ہیں۔شہباز شریف کا کہنا تھا کہ ازبکستان کے ترقیاتی ماڈل سے مستفید ہوں گے. انتھک محنت سے پاکستان اپنا کھویا ہوا مقام دوبارہ حاصل کرے گا. اقتصادی زونز میں سرمایہ کاری کو ممکن بنائیں گے. سیاحت کے شعبے میں بھی مل کرکام کریں گے.دونوں ملکوں کے عوام کوتاریخ سے مستفید ہونے کا موقع ملے گا۔ وزیراعظم نے کہا کہ ازبکستان کوکراچی اور لاہور سے منسلک کریں گے. دونوں ملکوں معاہدے جلد حقیقت کا روپ دھارلیں گے. آج ہم نے مشترکہ خوشحالی، ترقی پر تفصیلی گفتگو کی، ازبکستان کے سرمایہ کاروں کو پاکستان کے دورے کی دعوت دیتا ہوں۔

دوسری جانب ازبکستان کے صدر شوکت مرزا یوف نے گفتگو کرتے ہوئے کہا کہ وزیراعظم شہبازشریف کو خوش آمدید کہتےہیں، دونوں ملکوں کے درمیان مفید گفتگوہوئی، روشن مستقبل کےلیے دونوں ملکوں کی گفتگو، معاہدے اہم ہیں۔انہوں نے کہا کہ چیلنجز سے نمٹنے کے لیے مشترکہ لائحہ عمل سے فائدہ اٹھایا جائے گا. خوشحال مستقبل کے لیے نیک تمناؤں کا اظہارکرتا ہوں، دونوں ملکوں کے تعلقات میں وقت گزرنے کے ساتھ اضافہ ہورہا ہے۔صدر ازبکستان کا کہنا تھا کہ تاشقند، لاہور میں پروازیں دونوں ملکوں کے لیے فائدہ مند ہیں، پاکستان کی ممتاز کاروباری کمپنیاں دورہ تاشقند پرہیں. سرمایہ کاری وتجارت کےحوالےسےسیرحاصل گفتگوہورہی ہے. دونوں ملکوں میں تزویراتی تعلقات کے نئے باب کا آغاز ہورہا ہے. بات چیت کے بعد مفاہمتی یادداشتوں، معاہدوں پر دستخط کیے ہیں۔ازبک صدر شوکت مرزا یوف نے مزید کہا کہ دونوں ملکوں میں تجارتی حجم 2 ارب ڈالر تک بڑھایا جائے گا. علاقائی وعالمی فورمز پر ایک دوسرے سے تعاون جاری رکھیں گے۔

قبل ازیں وزیر اعظم محمد شہباز شریف پاکستانی وفد کے ہمراہ کانگریس سینٹر تاشقند پہنچے جہاں ازبکستان کے صدر شوکت مرزایوف نے ان کا استقبال کیا. اس موقع پر وزیر اعظم شہبازشریف کو گارڈ آف آنر پیش کیا گیا۔ازبک صدر شوکت مرزایوف نے وزیراعظم کو اپنی کابینہ کے ارکان کا تعارف کروایا اور اس کے بعد وزیراعظم شہباز شریف نے بھی اپنی کابینہ کے ارکان تعارف کروایا۔

واضح رہے کہ وزیر اعظم شہباز شریف تاشقند میں آج یادگار آزادی کا دورہ کریں گے جہاں شہباز شریف پھولوں کی چادر چڑھا کر ازبکستان کی عظیم تاریخی شخصیات کو خراج عقیدت اور ازبکستان کی تعمیر و ترقی، غیور و محنتی ازبک عوام کیلئے نیک خواہشات کا اظہار کریں گے۔اس موقع پر وزیر اعظم کو یادگار پر تعمیر کردہ ازبکستان کی 3000 سالہ تاریخ کی منبت کاری کا دورہ کروایا جائے گا اور بریفنگ دی جائے گی۔وزیر اعظم ازبک صدر عزت مآب شوکت مرزیایوف سے دو طرفہ ملاقات بھی کریں گے جس میں ازبکستان اور پاکستان کے مابین علاقائی روابط، تجارت، سرمایہ کاری، توانائی، دفاع، سلامتی، علاقائی استحکام اور تعلیم کے شعبوں میں تعاون کے مزید فروغ پر گفتگو ہوگی۔ دونوں رہنماؤں کے مابین باہمی دلچسپی کے عالمی و علاقائی امور پر تبادلہ خیال بھی ہوگا، ملاقات کے بعد پاکستان اور ازبکستان کے مابین دوطرفہ تعاون کی مفاہمتی یادداشتوں و معاہدوں پر بھی دستخط ہوں گے۔پاکستان اور ازبکستان کی کاروباری و سرمایہ کار برادری کے مابین تعاون کو بڑھانے کیلئے تاشقند میں پاکستان اور ازبکستان بزنس فورم کا انعقاد بھی ہوگا جس میں وزیراعظم شرکت کریں گے اور خطاب بھی کریں گے۔

علاوہ ازیں وزیراعظم شہباز شریف ازبکستان کی تعمیری صنعت کے مشاہدے کیلئے تاشقند میں قائم ٹیکنو پارک کا دورہ بھی کریں گے۔

ذریعہ: Nawaiwaqt

کلیدی لفظ: پاکستان اور ازبکستان کے درمیان وزیراعظم شہباز شریف مفاہمتی یادداشتوں اعظم شہباز شریف دونوں ملکوں کے ازبک صدر شوکت سرمایہ کاری ازبکستان کی پاکستان کی معاہدوں پر تاشقند میں نے کہا کہ انہوں نے کے مابین کریں گے کے لیے

پڑھیں:

وزیراعظم شہباز شریف وزیرِ اعظم محمد شہباز شریف 2 روزہ دورے پر ازبکستان پہنچ گئے، کئی معاہدوں پر دستخط ہوں گے

وزیراعظم شہباز شریف وزیرِ اعظم محمد شہباز شریف 2 روزہ دورے پر ازبکستان پہنچ گئے ہیں۔

ازبکستان کے صدر شوکت مرزیایوف کی خصوصی دعوت پر وزیرِ اعظم محمد شہباز شریف اپنے 2 روزہ دورہ ازبکستان کے لیے تاشقند پہنچ گئے ہیں، ازبکستان کے وزیرِ اعظم عبداللہ عاریپوف، ازبک وزیرِ خارجہ بختیار سیدوف، تاشقند کے میئر شوکت عمرزاکوف، ازبکستان کے پاکستان میں سفیر علی شیر تختائیف اور پاکستان کے ازبکستان میں سفیر احمد فاروق سمیت اعلی سفارتی و سرکاری اہلکاروں نے وزیرِ اعظم کا استقبال کیا۔

یہ بھی پڑھیں: وزیراعظم کا منگل سے ازبکستان کا دورہ، اہم معاہدے بھی ہونگے

تاشقند ہوائی اڈے پر وزیرِ اعظم اور پاکستانی وفد کے استقبال کے لیے ازبک مسلح افواج کا چاک و چوبند دستہ بھی موجود تھا.

وزیرِ اعظم محمد شہباز شریف کا دو روزہ دورہءِ ازبکستان

ازبکستان کے صدر عزت مآب شوکت مرزیایوف کی خصوصی دعوت پر وزیرِ اعظم محمد شہباز شریف اپنے دو روزہ دورہءِ ازبکستان کے لیے تاشقند پہنچ گئے.

ازبکستان کے وزیرِ اعظم عبداللہ عاریپوف، ازبک وزیرِ خارجہ بختیار سیدوف، تاشقند کے میئر شوکت… pic.twitter.com/SKxHqKMTZ5

— PTV News (@PTVNewsOfficial) February 25, 2025

وزیرِ اعظم تاشقند میں یادگار آزادی کا دورہ کریں گے جہاں وزیرِ اعظم پھولوں کی چادر چڑھا کر ازبکستان کی عظیم تاریخی شخصیات کو خراج عقیدت اور ازبکستان کی تعمیر و ترقی، غیور و محنتی ازبک عوام کے لیے نیک خواہشات کا اظہار کریں گے. وزیرِ اعظم کو اس موقع پر یادگار پر تعمیر کی گئی ازبکستان کی 3000 سالہ تاریخ کی منبت کاری کا دورہ کروایا جائے گا اور بریفنگ دی جائے گی۔

وزیر اعظم اپنے دورے کے دوران ازبک صدر  شوکت مرزیایوف سے دو طرفہ ملاقات بھی کریں گے جس میں ازبکستان اور پاکستان کے مابین علاقائی روابط، تجارت، سرمایہ کاری، توانائی، دفاع، سلامتی، علاقائی استحکام اور تعلیم کے شعبوں میں تعاون کے مزید فروغ پر گفتگو ہوگی. دونوں رہنماؤں کے مابین باہمی دلچسپی کے عالمی و علاقائی امور پر تبادلہ خیال بھی ہوگا۔

یہ بھی پڑھیں: آذربائیجان کے ساتھ 2 ارب ڈالر کے معاہدے ہوں گے، وفاقی وزیر عبدالعلیم خان

ملاقات کے بعد پاکستان اور ازبکستان کے مابین دوطرفہ تعاون کی مفاہمتی یادداشتوں و معاہدوں پر بھی دستخط ہوں گے، پاکستان اور ازبکستان کی کاروباری و سرمایہ کار برادری کے مابین تعاون کو بڑھانے کے لیے تاشقند میں پاکستان اور ازبکستان بزنس فورم کا انعقاد بھی ہوگا جس میں وزیرِاعظم شرکت کریں گے اور خطاب بھی کریں گے۔

وزیرِ اعظم ازبکستان کی تعمیری صنعت کے مشاہدے کے لیے تاشقند میں قائم ٹیکنو-پارک کا دورہ بھی کریں گے. نائب وزیرِ اعظم و وزیرِ خارجہ محمد اسحاق ڈار، وزیرِ تجارت جام کمال خان، وزیرِ سرمایہ کاری و نجکاری عبدالعلیم خان، وزیرِ اطلاعات و نشریات عطا اللہ تارڑ اور معاون خصوصی طارق فاطمی وزیرِ اعظم کے دورہ ازبکستان میں پاکستانی وفد میں شریک ہیں۔

اس سے قبل وزیرِ اعظم محمد شہباز شریف 2 روزہ دورہ آذربائجان ختم کرکے ازبکستان کے2 روزہ دورے پر باکو سے تاشقند روانہ  ہوئے توآذربائیجان کے اول نائب وزیرِ اعظم عزت مآب یعقوب عبداللہ اوعلو ایوبوف، نائب وزیرِ خارجہ یالچین رفائیف، پاکستان میں آذربائیجان کے سفیر خضر فرخادوف، آذربائیجان میں پاکستان کے سفیر قاسم محی الدین اور اعلی سفارتی و سرکاری اہلکاروں نے وزیرِ اعظم کو الوداع کیا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں