’اب آپ سے عدالت میں ملاقات ہوگی‘، مشتاق احمد کا وسیم اکرم اور وقار یونس کے خلاف ہرجانے کا اعلان
اشاعت کی تاریخ: 26th, February 2025 GMT
پاکستان کے مایاناز اسپنر مشتاق احمد نے اپنے ویڈیو پیغام میں سابق کپتان وسیم اکرم اور وقار یونس پر ہراسمنٹ کا الزام عائد کرتے ہوئے کہا کہ آپ لوگوں نے میرے کیریئر کو خراب کیا ہے جس کے خلاف وہ عدالت جائیں گے اور ساتھ یہ بھی اعلان کیا کہ وہ وقار یونس پر 20 کروڑ جبکہ وسیم اکرم پر 15 کروڑ ہرجانے کے نوٹس بھجوا رہے ہیں اور اب دونوں سے عدالت میں ہی ملاقات ہوگی۔
یہ ویڈیو پیغام ایک نجی ٹی وی کے کرکٹ شو کے دوران دکھایا گیا۔ اس ویڈیو کو دکھانے سے قبل شو کے میزبان فخرعالم نے وسیم اکرم اور وقار یونس کو بتایا کہ لگتا ہے آپ دونوں ایک پریشانی میں مبتلا ہونے والے ہیں جس کے بعد دونوں مہمان بظاہر حیران نظرآئے۔
یہ بھی پڑھیے: سابق کرکٹر مشتاق احمد کی بیٹی رشتہ ازدواج میں منسلک، شوہر کون ہیں؟
اس کے بعد ایک ویڈیو چلائی گئی جس میں سابق کرکٹر مشتاق احمد کہہ رہے تھے کہ ان کے دوست وسیم اکرم اور وقار یونس اس پروگرام میں بیٹھے ان کا مذاق اڑاتے ہیں اور ان کے کوچ ہونے پر تنقید کرتے ہیں۔
انہوں نے پیغام میں کہا کہ ان کا وکیل عنقریب ان دونوں کو نوٹس بھجوا رہا ہے، وقار یونس کو 20 کروڑ جبکہ وسیم اکرم کو 15 کروڑ روپے ہرجانے کا نوٹس بھجوا رہا ہے۔
انہوں نے پنجابی میں کہا کہ وقار یونس تک میرا پیغام پہنچایا جائے کہ لڑائی قد سے نہیں ہوتی، میرے قد پر نہ جائیں مجھے لڑنا آتا ہے۔
یہ بھی پڑھیے: وسیم اکرم اور وقار یونس بھی ’بدو بدی‘ کے دیوانے نکلے
مشتاق احمد نے یہ بھی کہا کہ وسیم اکرم انہیں پریکٹس کرانے کے بہانے لے جاکر باونسر مارتے تھے جس سے انہوں نے اپنا اعتماد کھو دیا، ورنہ وہ پاکستان کے بہترین آل راؤنڈر بن سکتے تھے، لہٰذا اب وہ ان پر ہرجانے کا دعویٰ کریں گے۔
ویڈیو پر ردعمل دیتے ہوئے وسیم اکرم نے کہا کہ آپ نائٹ واچ مین کے لیے بنے ہی نہیں تھے، جب بھی آپ کو بھیجا آپ نے ہمیشہ ’انڈہ‘ اسکور کیا، اس لیے آپ سے کورٹ میں ہی ملاقات ہوگی۔
تاہم وقار یونس نے فوراً معافی مانگی اور کہا کہ میرے پاس 20 کروڑ روپے نہیں ہیں اس لیے اپنے بھائی سے معذرت چاہتا ہوں۔
وقار یونس نے کہا کہ ’میں چاہتا ہوں آپ اپنے دل کو صاف کریں اور ہمیں معاف کریں، نہیں کرتے تو ہم دوسرے طریقے سے آپ سے نمٹیں گے!‘ اس جواب پر تمام حاضرین بے اختیار ہنس پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مشتاق احمد وسیم اکرم وقار یونس.ذریعہ: WE News
کلیدی لفظ: مشتاق احمد وسیم اکرم وقار یونس وسیم اکرم اور وقار یونس مشتاق احمد یہ بھی کہا کہ
پڑھیں:
اسٹبلشمنٹ سے مذاکرات کا میرے علم میں نہیں، بانی سے ملاقات کے بعد حقائق سامنے آئینگے‘سلمان اکرم راجہ
لاہور(اُردو پوائنٹ اخبارتازہ ترین - این این آئی۔ 12 اپریل2025ء)پاکستان تحریک انصاف کے سیکرٹری جنرل سلمان اکرم راجہ نے کہا ہے کہ اسٹیبلشمنٹ سے مذاکرات کا میرے علم میں نہیں اور جب تک بانی پی ٹی آئی عمران خان سے ملاقات نہیں ہوتی اس بارے میں ابہام رہے گا کہ انہوںنے کسی کو مذاکرات کے لئے کہا ہے یا نہیں،پارٹی رہنما کسی قسم کی بیان بازی نہیں کر رہے، صرف اصولی باتیں ہو رہی ہیں اور جلد معاملات طے پا جائیں گے۔انسداد دہشتگردی عدالت کے باہر میڈیا سے گفتگو کرتے ہوئے سلمان اکرم راجہ نے کہا کہ پی ٹی آئی آئین و قانون کی بالادستی اور شفاف انتخابات کے لیے پرعزم ہے،ہم چاہتے ہیں ملک میں بنیادی حقوق بحال ہوں، ہم ہمیشہ سے آئین کی حکمرانی اور ملک کی بالادستی چاہتے ہیں، کوئی سوچ رہا ہے کہ ہم پتلی گلی سے نکلنے کی کوشش کررہے ہیں تو ایسا نہیں۔(جاری ہے)
اعظم سواتی کے بیانات پر تبصرہ کرتے ہوئے انہوں نے کہا کہ اسٹبلشمنٹ سے مذاکرات کا میرے علم میں نہیں ہے، اعظم سواتی اپنی ذاتی حیثیت میں بات کر رہے ہیں، پارٹی کی جانب سے کوئی ایسا اقدام نہیں کیا گیا، عمران خان سے ملاقات کے بعد پتہ چلے گا کہ انہوں نے کسی کو مذکرات کا کہا ہے یا نہیں۔
سلمان اکرم راجہ نے کہا کہ بانی پی ٹی آئی عمران خان سے ملاقاتوں میں رکاوٹیں ڈالی جا رہی ہیں تاکہ صورتحال میں ابہام پیدا ہو۔
ترجمان سندھ حکومت کا مریم اورنگزیب کے بیان پر ردعمل