دبئی :انڈیکس ایکسچینج کی ہنڈی کے خلاف مہم میں انعامات کی بارش ،2پاکستانی کار اور گولڈ جیتنے میں کامیاب
اشاعت کی تاریخ: 26th, February 2025 GMT
دبئی :رمضان المبارک کی بابرکت ساعتوں میں انڈیکس ایکسچینج نے قانونی ذرائع سے رقوم کی منتقلی کے فروغ کے لیے اپنی شاندار آگاہی مہم شانِ رمضان ’’سیزن فور کا آغاز کر دیا ہے۔ اس با رہنڈی پر وا ر‘‘ مہم کی زبردست کامیابی کے بعد، انڈیکس ایکسچینج ایک منفرد سلوگن “اب کی بار، بلڈوزر کا وار” کے ساتھ میدان میں اترا ہے۔
اس آگاہی مہم کے تحت قانونی ذرائع سے وطن رقوم بھیجنے والے صارفین کے لیے خصوصی خوشخبری ہے۔ انڈیکس ایکسچینج کی کسی بھی برانچ سے ترسیلات زر بھیجنے والے صارفین ہر 10 دن بعد قرعہ اندازی کے ذریعے شاندار انعامات جیتنے کا موقع حاصل کر سکتے ہیں۔ انعامات میں اپنے وطن میں گھر، ایک چوتھائی کلو سونا، 50 ہزار درہم نقد، اور چار ایس یو وی (SUV) کاریں شامل ہیں۔ یہ مہم 29 مارچ تک جاری رہے گی۔
اب تک ہونے والی دو قرعہ اندازیوں میں دو پاکستانی شہری انعامات جیتنے میں کامیاب ہو چکے ہیں۔ العین میں منعقدہ قرعہ اندازی میں پاکستان کے محمد ذوالفقار رازق نے ایس یو وی کار جبکہ الجرف، عجمان میں ہونے والی قرعہ اندازی میں پاکستان کے سید نعیم الحسن نے سونا جیت لیا۔ اس کے علاوہ، بنگلہ دیش، فلپائن، بھارت اور نیپال کے شہری بھی قرعہ اندازی کے ذریعے سونا اور نقد انعامات جیت چکے ہیں۔
“شانِ رمضان” کا چوتھا سیزن اپنی پوری آب و تاب کے ساتھ جاری ہے، جو سخاوت کی ایک نئی جہت کو فروغ دے رہا ہے۔ انڈیکس ایکسچینج اپنے ان صارفین کو شاندار انعامات سے نواز رہا ہے جو اپنی محنت کی کمائی اپنے پیاروں کو بھیجتے ہیں۔ جیسے بلڈوزر راستہ ہموار کرتا ہے، ویسے ہی انڈیکس ایکسچینج بھی ترقی اور خوشحالی کے لیے راہیں کھولتے ہوئے قانونی ترسیلات زر کے ایک نئے دور کا آغاز کر رہا ہے۔
محمد ذوالفقار رزاق، سید نعیم الحسن، عبیر حسین، ذاکر یاسین خان، ایم ڈی افسر الدین، سوراج تمانگ، سکانہ مخلص اور دیسی گراٹے سبونگا جیسے خوش نصیب افراد شاندار کامیابیاں حاصل کر چکے ہیں، جنہوں نے ایس یو وی کار، سونا اور نقد انعامات جیتے ہیں۔ ان کی یہ جیت اس مہم کی زبردست کامیابی کا واضح ثبوت ہے، جو متحدہ عرب امارات میں مقیم تارکین وطن کی زندگیوں میں خوشی اور خوشحالی لا رہی ہے۔
انڈیکس ایکسچینج کے چیف آپریٹنگ آفیسر (COO) سیدعبدالسلام اور چیف بزنس آفیسر میر کے رسول نے اپنے خیالات کا اظہار کرتے ہوئے کہا، “ہماری شانِ رمضان مہم کو ملنے والا زبردست جوش و خروش غیرمعمولی ہے، اور یہ تو محض ایک آغاز ہے۔ مزید قرعہ اندازیاں ہونے والی ہیں اور ہم اپنے صارفین کے لیے مزید خوشیاں اور انعامات لانے کے لیے پُرعزم ہیں۔ جس طرح ہمارے تارکین وطن مشکلات کا سامنا کرنے کے باوجود ثابت قدم رہتے ہیں، ویسے ہی یہ مہم بھی قوت، عزم اور مسلسل کامیابی کے تعاقب کی علامت ہے۔ ان کی ہمت فولاد سے زیادہ مضبوط اور بلڈوزر سے بھی طاقتور ہے، اور ان کی جدوجہد کی کہانیاں ہمیں مسلسل متاثر کرتی ہیں۔”
رمضان المبارک کے اس بابرکت مہینے میں یہ مہم مزید جوش و خروش کے ساتھ جاری رہے گی، اور “بلڈوزر کا وار!” کی قوت مزید حیران کن انعامات کے ساتھ سامنے آئے گی۔
ذریعہ: Daily Mumtaz
کلیدی لفظ: انڈیکس ایکسچینج کے ساتھ کے لیے
پڑھیں:
کراچی: رینجرز ریکروٹس کی پاسنگ آؤٹ پریڈ، کارکردگی کا مظاہرہ کرنے والوں میں انعامات تقسیم
رینجرز ٹریننگ سینٹر اینڈ اسکول کراچی میں رینجرز ریکروٹس کی 32ویں پاسنگ آؤٹ پریڈ کی تقریب کا انعقاد کیا گیا، جس میں اعلیٰ کارکردگی کا مظاہرہ کرنے والوں میں انعامات بھی تقسیم کیے گئے۔
کور کمانڈر کراچی لیفٹیننٹ جنرل اویس دستگیر نے تقریب میں بطور مہمان خصوصی شرکت کی۔ ڈائریکٹر جنرل پاکستان رینجرز (سندھ) میجر جنرل محمد شمریز نے کور کمانڈر کراچی لیفٹیننٹ جنرل اویس دستگیر کا استقبال کیا۔
یہ بھی پڑھیں پاکستان رینجرز اور پولیس کی مشترکہ کارروائی، سنگین جرائم میں ملوث ملزمان گرفتار
مہمان خصوصی کور کمانڈر کراچی لیفٹیننٹ جنرل اویس دستگیر کو چاق وچوبند پریڈ کے دستوں نے سلامی پیش کی۔ جبکہ انہوں نے دوران ٹریننگ اعلیٰ کارکردگی کا مظاہرہ کرنے والے ریکروٹس میں انعامات تقسیم کیے۔
کور کمانڈر کراچی لیفٹیننٹ جنرل اویس دستگیر نے اپنے خطاب میں کہاکہ آج کی پریڈ کا اعلیٰ معیار دیکھ کر مجھے دلی خوشی ہوئی۔
مہمان خصوصی نے اعلیٰ معیار اور پیشہ ورانہ صلاحیتوں کے حصول اور کا میابی سے ٹریننگ مکمل کرنے پر پریڈ کے شرکا اور اہل خانہ کو مبارکباد پیش کی۔
انہوں نے کہاکہ یہ دن ان کے مستقبل میں سنگ میل کی حیثیت رکھتا ہے۔ پاکستان رینجرز (سندھ) ملک بھر میں اعلیٰ اقدار کی حامل ایک نہایت جری اور قابل ستائش فورس کے طور پر جانی اور مانی جاتی ہے۔ سندھ رینجرز نے ہر میدان میں نہایت اعلیٰ کارکردگی، شجاعت اور جوش و جذبے کا مظاہرہ کیا۔
ان کا کہنا تھا کہ بین الاقوامی سرحد کی حفاظت، کراچی میں دہشت گردوں اور جرائم پیشہ افراد کے خلاف کامیاب آپریشن اور مختلف قومی و صوبائی سطح کی تقریبات پر مؤثر ترین سیکیورٹی کی فراہمی جیسی ذمہ داریوں کو مکمل پیشہ ورانہ مہارت کے ساتھ پایہ تکمیل تک پہنچایا گیا۔
مہمان خصوصی نے مزید کہاکہ موجودہ دور میں پاکستان کے دشمنوں نے ملک میں اندرونی خلفشار پیدا کرنے کے لیے ہائبرڈ وار اور ففتھ جنریشن وار کا سہارا لیا۔
واضح رہے کہ پاکستان رینجرز (سندھ) نے بالخصوص شہرِ کراچی میں امن کی بحالی کے لیے گزشتہ سالوں میں نمایاں کامیابیاں حاصل کی ہیں۔
پا کستان رینجرز(سندھ) نے دیگر اداروں کے ساتھ مل کر کامیاب آپریشنز کرکے متعدد جرائم پیشہ افراد کو گرفتار کرکے پولیس کے حوالے کیا۔
سندھ رینجرز نے کامیاب آپریشنز کرتے ہوئے بڑی مقدار میں ہتھیار، گولہ بارود اور ایمونیشن بھی برآمد کیا۔
پاکستان رینجرز (سندھ) نے اسپیشل آپریشن جن میں بالخصوص کچے کے ایریا میں آپریشن کے ساتھ ساتھ اسمگلنگ کی روک تھام، مردم شماری، مذہبی تقریبات، چوتھی بین الاقوامی ٹیکسٹائل نمائش، آئیڈیاز 2024، پہلی بین الاقوامی خوراک اور زرعی نمائش، ٹرائی نیشنل کرکٹ سیریز، حالیہ منعقدہ آئی سی سی چیمپیئنز ٹرافی، پاکستان نیوی بین الاقوامی امن مشق اور اقلیتوں کی تقریبات میں کلیدی کردار ادا کیا ہے۔
پاکستان رینجرز (سندھ) کا ہی سرمایہ افتخار ہے اور اس کے ثمرات صوبے بھر میں بحالی امن کی صورت میں واضح نظر آتے ہیں۔
اس موقع پر تقریب میں قانون نافذ کرنے والے اداروں کے اعلیٰ افسران اور مختلف شعبوں سے تعلق رکھنے والے معزز مہمانوں کے ساتھ ساتھ پاس آوٹ ہونے والے جوانوں کے عزیز و اقارب بھی شریک تھے۔
یہ بھی پڑھیں پاکستان رینجرز کی سندھ میں ذخیرہ اندوزوں کے خلاف کارروائیاں، کئی ملزمان گرفتار کر لیے
تقریب میں پاکستان رینجرز (سندھ) کے کیمل اسکواڈ کے چاق و چوبند دستے نے بھی پریڈ میں عملی مظاہرہ پیش کیا جسے حاضرین نے بے حد سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انعامات تقسیم پاسنگ آؤٹ پاکستان رینجرز ریکروٹس رینجرز سندھ وی نیوز
ایسا بھارتی اداکار جس کا ریکارڈ رجنی کانت، عامر، شاہ رخ اور سلمان خان بھی نہیں توڑ سکے