دنیا کی کوئی طاقت کشمیریوں اور فلسطینیوں کو بنیادی حقوق سے محروم نہیں کر سکتی، مظہر سعید
اشاعت کی تاریخ: 26th, February 2025 GMT
وزیر اطلاعات آزاد کشمیر نے تحریک آزادی کشمیر کے اس اہم مرحلے پر مقبوضہ جموں و کشمیر میں بھارتی ریاستی دہشت گردی کے مکروہ چہرے کو پوری دنیا کے سامنے بے نقاب کرنے کی ضرورت پر زور دیا۔ اسلام ٹائمز۔ آزاد جموں و کشمیر کے وزیر اطلاعات مولانا پیر مظہر سعید شاہ نے کہا ہے کہ دنیا کی کوئی طاقت کشمیریوں اور فلسطینیوں کو غیر ملکی قبضے سے آزادی حاصل کرنے سے نہیں روک سکتی۔ ذرائع کے مطابق پیر مظہر نے ان خیالات کا اظہار باغ آزاد جموں و کشمیر میں علامہ اقبال اسکول کی سالانہ تقریب تقسیم انعامات سے بطور مہمان خصوصی خطاب کرتے ہوئے کیا۔ پیر مظہر نے کہا کہ کشمیریوں اور فلسطینیوں نے طاقتور ملکوں کا مقابلہ کر کے ثابت کر دیا ہے کہ وہ آزادی کے بغیر کوئی حل قبول نہیں کریں گے۔ وزیر اطلاعات نے تحریک آزادی کشمیر کے اس اہم مرحلے پر مقبوضہ جموں و کشمیر میں بھارتی ریاستی دہشت گردی کے مکروہ چہرے کو پوری دنیا کے سامنے بے نقاب کرنے کی ضرورت پر زور دیا۔ انہوں نے کہا کہ آزاد جموں و کشمیر کی حکومت دنیا بھر میں انسانی حقوق کی مختلف تنظیموں کے سامنے مسئلہ کشمیر اٹھانے کے لیے انتھک محنت کر رہی ہے۔ انہوں نے کہا کہ ہم اپنے موقف پر ڈٹے ہوئے ہیں، کشمیر کی جدوجہد آزادی کشمیریوں کے پیدائشی حق یعنی حق خودارادیت کے حصول تک جاری رہے گی۔ وزیر اطلاعات نے نمایاں پوزیشن حاصل کرنے والے طلباء کو شیلڈز اور میڈلز پیش کیے اور بچوں کی حوصلہ افزائی کی۔
.ذریعہ: Islam Times
کلیدی لفظ: وزیر اطلاعات نے کہا
پڑھیں:
انمول بلوچ کا فلمی دنیا میں قدم رکھنے کا عندیہ شادی کی افواہوں کی بھی وضاحت کر دی
پاکستان شوبز انڈسٹری کی مقبول اداکارہ انمول بلوچ نے حالیہ انٹرویو میں اس بات کا اشارہ دیا ہے کہ اگر کوئی معیاری اور متاثر کن اسکرپٹ ملا تو وہ بہت جلد فلموں میں بھی اداکاری کرتی نظر آ سکتی ہیںنجی ویب سائٹ کو دیے گئے انٹرویو میں جب میزبان نے ان سے فلمی آفرز کے حوالے سے سوال کیا تو انمول بلوچ نے اعتراف کیا کہ ماضی میں انہیں فلموں کی آفرز ضرور ہوئی تھیں لیکن وہ اسکرپٹ اتنے مضبوط اور دلچسپ نہیں تھے جس کی وجہ سے انہوں نے انکار کر دیا اور اس وقت وہ خود کو فلم کے لیے تیار بھی محسوس نہیں کر رہی تھیں تاہم اب صورتحال مختلف ہے اور اداکارہ کے مطابق وہ فلموں کے لیے سنجیدگی سے سوچ رہی ہیں اور اگر کوئی اچھی کہانی اور معیاری فلم کی پیشکش ہوئی تو وہ ضرور کام کریں گیانمول بلوچ نے اس موقع پر اپنی شادی سے متعلق سوشل میڈیا پر گردش کرنے والی افواہوں کی بھی تردید کی ان کا کہنا تھا کہ ان کی شادی سے متعلق پھیلائی جانے والی خبریں بے بنیاد ہیں اور ان کا کسی قسم کا ایسا کوئی ارادہ فی الحال نہیں ہےیاد رہے کہ انمول بلوچ ان دنوں پاکستانی ڈرامہ انڈسٹری کی ان چند اداکاراؤں میں شامل ہیں جنہیں ناظرین کی جانب سے بے حد پسند کیا جاتا ہے اور وہ متعدد مشہور ڈراموں میں اپنی جاندار اداکاری سے مداحوں کے دل جیت چکی ہیں
100 سے زائد فلموں میں کام کرنیوالے سینیئر بھارتی اداکار انتقال کر گئے