افغانستان میں ژالہ باری اور بارشوں کے باعث 29 افراد ہلاک
اشاعت کی تاریخ: 26th, February 2025 GMT
افغانستان کے 2 صوبوں میں ژالہ باری اور شدید بارشوں کی وجہ سے 29 افراد ہلاک ہوگئے ہیں۔
محمد اسرائیل سیار، صوبہ فراہ کے ڈیزاسٹر مینجمنٹ ڈیپارٹمنٹ کے سربراہ کے مطابق مغربی صوبہ فراہ میں ژالہ باری کی وجہ سے 21 افراد ہلاک اور 6 دیگر زخمی ہوئے۔ ہلاک ہونے والے افراد 2 خاندانوں کے ارکان تھے جو پکنک پر گئے تھے۔
جنوبی صوبہ قندھار میں مقامی ڈیزاسٹر مینجمنٹ ڈیپارٹمنٹ نے ایک بیان میں کہا ہے کہ شدید بارشوں کی وجہ سے 8 افراد جن میں خواتین اور بچے شامل ہیں مختلف مقامات پر ہلاک ہو گئے ہیں۔ 4 خواتین جو کپڑے دھو رہی تھیں سیلابی پانی میں بہہ گئیں اور صرف ایک خاتون بچ پائی۔ ایک بچہ قندھار میں ڈوب کر ہلاک ہوا جبکہ ایک چھت گرنے سے ایک خاتون اور 3 بچے ہلاک ہو گئے۔
مزید پڑھیں: وفاق نے سیلاب متاثرین کے 400 ملین ڈالر اپنی جیب میں رکھ لیے، بلاول بھٹو
دنیا کے سب سے غریب ممالک میں سے ایک افغانستان جنگ کے کئی دہائیوں بعد خاص طور پر موسمیاتی تبدیلیوں کے اثرات سے متاثر ہے، جسے سائنسدانوں کا کہنا ہے کہ یہ انتہائی موسموں کے باعث ہے۔ یہ ملک موسمیاتی تبدیلیوں سے سب سے زیادہ متاثر ہونے والے ممالک میں چھٹے نمبر پر ہے۔
اقوام متحدہ کے ترقیاتی ادارے کے نمائندے اسٹیفن روڈریگس نے 2023 میں کہا تھا کہ افغانستان خشک سالی، سیلاب، زمین کی تباہی اور زرعی پیداوار میں کمی جیسے اہم خطرات سے دوچار ہے۔
مئی 2024 میں سیلابوں نے سینکڑوں افراد کی جان لی تھی اور افغانستان کی زرعی اراضی کے وسیع حصے کو تباہ کردیا تھا، جہاں 80 فیصد افراد اپنی زندگی گزارنے کے لیے زراعت پر انحصار کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان سیلاب صوبہ فراہ قندھار ہلاکتیں.ذریعہ: WE News
کلیدی لفظ: افغانستان سیلاب صوبہ فراہ قندھار ہلاکتیں
پڑھیں:
اسلام آباد میں گذشتہ روز ژالہ باری سے گاڑیوں کو شدید نقصان پہنچا، شیشے اور ونڈ اسکرین ٹوٹ گئے
بدھ کو اسلام آباد میں شدید ژالہ باری کے باعث سب سے زیادہ نقصان گاڑیوں کو پہنچا، گاڑیوں کی ونڈ اسکرین ٹوٹ گئیں، ڈینٹ بھی پڑے۔
کئی گھروں کی کھڑکیاں، سولر پینلز اور ائیر کنڈیشنرز کے آؤٹرز ٹوٹ گئے۔ سڑکوں پر موجود شہریوں کو چوٹیں بھی آئیں۔ درختوں کے پتے جھڑگئے اور پرندے بھی جان سے گئے۔
وفاقی دارالحکومت اسلام آباد میں گزشتہ روز یکایک ہونے والی ژالہ باری کے باعث شہریوں کے نقصانات ہوئے۔ بڑے سائز کے اولوں نے کئی گاڑیوں کی ونڈ اسکرینز، شیشے، بمپرز اور سائیڈمررز توڑ دیے۔
زیادہ تر نقصانات سیکٹرز ایف سکس، ایف سیون، ایف ٹین، جی الیون اور ای الیون میں ہوئے۔ شدید ژالہ باری سے سولر پینلز بھی شدید متاثر ہوئے، جس سے لاکھوں روپے کا نقصان ہوا۔
موسلا دھار بارش اور ژالہ باری سے درختوں کے پتے جھڑ گئے۔ شدید ژالہ باری سے بڑی تعداد میں پرندے بھی جان سے ہاتھ دھو بیٹھے۔ ژالہ باری سے دروازوں اور کھڑکیوں کے شیشے ٹوٹ گئے۔
طوفانی بارش اور شدید ژالہ باری سے گندم کی تیار فصل کو بھی نقصان پہنچا۔ ژالہ باری کے باعث کئی علاقوں میں بجلی کی فراہمی معطل رہی۔
موسلا دھاربارش اور تیز ہوا سے درخت گرنے سے ٹریفک کی روانی متاثر ہوئی۔ وفاقی ترقیاتی ادارے سی ڈی اے کی ٹیمیں متاثرہ علاقوں میں بحالی کے کاموں میں مصروف ہیں۔
ماہرین نے اسے گزشتہ دہائی کی بدترین ژالہ باری قرار دیا ہے۔ محکمہ موسمیات کے مطابق اپریل میں ژالہ باری معمول کی بات ہے، لیکن اسلام آباد میں پڑے اولوں کے سائز کافی زیادہ بڑے تھے۔
پی ٹی آئی سوشل میڈیا ایکٹوسٹ ایک روز کے جسمانی ریمانڈ پر پولیس کے حوالے