کراچی؛ پسند کی شادی کرنے والے شخص نے سسرال میں خودکشی کرلی
اشاعت کی تاریخ: 25th, February 2025 GMT
کراچی:
اتحاد ٹاؤن بلدیہ سیکٹر 9 بی فاروق اعظم مسجد کے قریب بیوی کے خلع لینے پر ایک شخص نے سسرال کے سامنے خود کو گولی مارلی جسے شدید زخمی حالت میں سول اسپتال لے جایا گیا جہاں وہ دوران علاج دم توڑ گیا۔
اس حوالے سے ایس ایچ او اتحاد ٹاؤن چوہدری جاوید نے بتایا کہ خود کو گولی مار کر خودکشی کرنے والے کے شناخت 25 سالہ وقار ولد عبدالواحد کے نام سے کی گئی جبکہ ابتدائی تحقیقات کے مطابق وقار جناح اسپتال میں سیکیورٹی گارڈ تھا جس نے اسپتال میں زیر علاج والدہ کی تیمار داری کرنے والی لڑکی سے 5 ماہ قبل پسند کی شادی کی تھی اور اسے بھگا کر سانگھڑ لے گیا تھا۔
وقار کے اہلخانہ نے ناپسندگی کا اظہار کیا جبکہ وہ اپنی بیوی پر تشدد بھی کرتا تھا جس کے باعث وہ اپنے گھر اتحاد ٹاؤن آگئی تھی اور اس نے شوہر سے علیحدگی کے لیے 3 ماہ قبل خلع کی درخواست دائر کردی تھی جس کی (آج) بروز بدھ کو کورٹ میں تاریخ بھی مقرر تھی۔
وقار نے خلع کی درخواست واپس لینے کیلیے اپنی اہلیہ پر بھی زور دیا اور نہ ماننے پر وہ سانگھڑ سے 12 بور کی گن سمیت بیوی کو منانے اس کے گھر پہنچ گیا اور ناکامی پر گھر کے باہر ہی خود کو قریب سے کاندھے پر فائر کر کے شدید زخمی کرلیا جو بعدازاں دوران علاج زخموں کی تاب نہ لاتے ہوئے دم توڑ گیا۔
پولیس نے متوفی وقار کا اسلحہ اور استعمال کیے جانے والا کارتوس قبضے میں لے لیا ہے اور اس حوالے سے مزید تحقیقات کی جا رہی ہے ۔
.
ذریعہ: Express News
کلیدی لفظ: اور اس
پڑھیں:
اسرائیلی فوج کا غزہ میں اسپتال پر حملہ، عمارت خالی کرنے کا حکم
اسرائیلی فوج کا غزہ میں اسپتال پر حملہ، عمارت خالی کرنے کا حکم GAZA CITY, GAZA - APRIL 13: Flames rise after the Israeli army launches an airstrike on the Al-Ahli Baptist Hospital in the Gaza Strip on April 13, 2025. The hospital's reception and emergency room building was targeted with 2 missiles and completely destroyed the area. (Photo by Hamza Z. H. Qraiqea/Anadolu via Getty Images) WhatsAppFacebookTwitter 0 13 April, 2025 سب نیوز
غزہ: اسرائیلی فوج نے غزہ کے ال اہلی اسپتال پر بمباری کی جس سے اسپتال کے متعدد بلاک تباہ ہوگئے۔
عرب میڈیا کے مطابق اسرائیلی فوج نے غزہ کے ال اہلی اسپتال پر حملہ کیا ہے اور مریضوں سمیت اسپتال میں پناہ لیے ہوئے دیگر افراد کو اسپتال چھوڑنے کا حکم دیا ہے۔
رپورٹ کے مطابق اسرائیلی فوج کی جانب سے کیے گئے حملے میں اسپتال کا استقبالیہ، ایمرجنسی یونٹ اور انتہائی نگہداشت میں رہنے والے مریضوں کے میڈیکل آکسیجن رکھنے والے بلاک کو تباہ کیا گیا ہے۔
عرب میڈیا کے مطابق حملے کے باعث اسپتال میں زیر علاج مریض اور دیگرافراد اسپتال کی عمارت چھورڑنے پر مجبور ہوئے اور اب آس پاس کی گلیوں میں پناہ لیے ہوئے ہیں۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق