قیصر شیخ کی پورٹس پر تقرریوں سے متعلق دہائی
اشاعت کی تاریخ: 25th, February 2025 GMT
وفاقی وزیر بحری امور قیصر احمد شیخ نے پورٹس پر تقرریوں سے متعلق دہائی دے دی۔
قومی اسمبلی کی قائمہ کمیٹی برائے بحری امور کے اجلاس میں قیصر احمد شیخ نے کہا کہ سیکیورٹی کلیئرنس نہ ہونے کے باعث پورٹس میں تقرریاں رکی ہوئی ہیں۔
وفاقی وزیر بحری امور قیصر شیخ نے کابینہ ارکان کی تنخواہ اور مراعات سے متعلق بڑا انکشاف کردیا۔
انہوں نے دہائی دی کہ وزیراعظم شہباز شریف کو اس بارے میں کہہ کہہ کر تنگ آگئے ہیں، اب انہیں نہیں کہیں گے۔
وفاقی وزیر نے مزید کہا کہ پورٹ قاسم کے سی ای او سمیت اہم تقرریوں میں تاخیر سے پورٹس کا کام رکا ہوا ہے، اداروں کے سربراہان کا تقرر کردیا جائے تو کئی گنا اضافی منافع کمایا جاسکتا ہے۔
اس دوران کمیٹی رکن نبیل گبول نے کہا کہ ہم اداروں کوبراہ راست درخواست کرتے ہیں کہ تقرریاں جلد کردیں۔
کمیٹی کے چیئرمین عبد القادر پٹیل کا کہنا تھا کہ کے پی ٹی میں اربوں کھربوں کی زمینوں پر قبضہ ہے، قبضہ مافیا کرایہ بھی لے رہا ہے۔
انہوں نے مزید کہا کہ کے پی ٹی خود کیس کراتی اور خود ہار جاتی ہے، لوگ اربوں روپے ہڑپ کررہے ہیں۔
وفاقی وزیر قیصر شیخ نے کہا کہ اس معاملے پر وزیر یا سیکریٹری کچھ نہیں کرسکتے۔
عبدالقادر پٹیل نے کہا کہ کے پی ٹی کے وکلا جان بوجھ کر مقدمات ہار جاتے ہیں، قبضہ مافیا کو مستقل کیا جارہا ہے۔
.ذریعہ: Jang News
کلیدی لفظ: نے کہا کہ
پڑھیں:
جوڈیشل کمیشن کے رکن اختر حسین نے عدالتی تقرریوں میں تنازعات پر عہدے سے استعفیٰ دے دیا
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔24 فروری ۔2025 )جوڈیشل کمیشن آف پاکستان کے رکن ایڈووکیٹ اختر حسین نے حالیہ عدالتی تقرریوں میں تنازعات پر عہدے سے استعفیٰ دے دیا ہے اخترحسین پاکستان بارکونسل کی جانب سے جوڈیشل کمیشن کے نامزدرکن تھے رپورٹ کے مطابق جوڈیشل کمیشن آف پاکستان کے رکن ایڈووکیٹ اختر حسین نے چیئرمین جوڈیشل کمیشن جسٹس یحییٰ آفریدی کو بھجوادیا.(جاری ہے)
اختر حسین نے استعفے میں موقف اپنایا ہے کہ جوڈیشل کمیشن آف پاکستان کی رکنیت سے مستعفیٰ ہورہا ہوں پاکستان بار کونسل نے مجھے 3مرتبہ جوڈیشل کمیشن آف پاکستان کا رکن نامزد کیااپنی ذمہ داریاں اپنی بہترین صلاحیتوں کےمطابق انجام دیتا رہا انہوں نے اپنے فیصلے کی وجہ بیان کرتے ہوئے لکھا کہ حالیہ عدالتی تقرریوں سے متعلق تنازعات کی بنا پر مزیدکام جاری نہیں رکھ سکتا، جوڈیشل کمیشن آف پاکستان کی رکنیت سے مستعفی ہوتا ہوں. انہوں نے لکھا کہ عدلیہ کی ترقی،خودمختاری کے لیے اپنی کوششیں جاری رکھوں گا،چیئرمین پاکستان بار کونسل کا شکریہ ادا کرتا ہوں ذرائع کے مطابق جوڈیشل کمیشن میں نئے ممبر کے تقرر کے لیے پاکستان بار کونسل نے اہم اجلاس بدھ کو طلب کرلیا ممبر جوڈیشل کمیشن کے لیے سینئر وکیل احسن بھون کو نامزد کیے جانے کا امکان ہے خیال رہے کہ گزشتہ سال اکتوبر میں چیئرمین سینیٹ یوسف رضا گیلانی اور اسپیکر قومی اسمبلی سردار ایاز صادق نے 26ویں آئینی ترمیم کے تحت جوڈیشل کمیشن آف پاکستان کی تشکیل کے لیے حکومت اور اپوزیشن سے نام طلب کیے تھے. سپریم کورٹ کے ججز کی تعیناتی کے لیے 13 رکنی جوڈیشل کمیشن تشکیل دیا جائے گا جس کے سربراہ چیف جسٹس ہوں گے 26ویں آئینی ترمیم کے مطابق 13 رکنی جوڈیشل کمیشن کے سربراہ چیف جسٹس پاکستان ہوں گے جب کہ عدالت عظمیٰ کے 3 سینیئر ترین ججز بھی کمیشن کا حصہ ہوں گے اور آئینی بینچ کا سینیر ترین جج بھی جوڈیشل کمیشن کا رکن ہوگا. کمیشن کے ارکان میں وزیر قانون، اٹارنی جنرل اور کم از کم 15 سالہ تجربے کا حامل پاکستان بار کونسل کا ایک نمائندہ بھی شامل ہوگا قومی اسمبلی اور سینیٹ سے 2 حکومتی اور 2 اپوزیشن ارکان بھی رکن ہوں گے جب کہ سینیٹ میں ٹیکنوکریٹ الیکشن لڑنے کے لیے اہل خاتون یا غیر مسلم کو بھی 2 سال کے لیے جوڈیشل کمیشن کاحصہ بنایا جائے گا، اس رکن کا تقرر چیئرمین سینیٹ کریں گے.
آرمی چیف کی وجہ سے دشمن کو 1 انچ ٹکڑے پر بھی قبضے کی ہمت نہیں، گورنر سندھ