چیمپئنز ٹرافی: گروپ بی سے سیمی فائنلسٹ کون ہوگا؟ صورتحال دلچسپ ہوگئی
اشاعت کی تاریخ: 25th, February 2025 GMT
آئی سی سی چیمپئنز ٹرافی 2025 دلچسپ مرحلے میں داخل ہو گئی ہے۔گروپ اے میں نیوزی لینڈ اور بھارت نے اپنے دونوں میچز جیت کر سیمی فائنل میں جگہ بنا لی ہے، گروپ بی میں سیمی فائنلسٹ ٹیموں کا فیصلہ 28 فروری اور یکم مارچ کو ہونے والے میچز کے بعد ہوگا۔
پاکستان کی میزبانی میں ہونے والے آئی سی سی کے میگا ایونٹ میں گروپ اے میں نیوزی لینڈ اور بھارت نے اپنی حریف ٹیموں پاکستان اور بنگلادیش کو شکست دے کر دو، دو فتوحات کے ساتھ سیمی فائنل میں جگہ بنا لی ہے۔
میزبان اور دفاعی چیمپئن پاکستان اور بنگلادیش اپنے دونوں میچز ہار کر ناک اؤٹ راؤنڈ میں جگہ نہ بنا سکے اور ایونٹ سے باہر ہو چکے ہیں۔ اب دونوں ٹیمیں جمعرات کو پنڈی اسٹیڈیم میں رسمی مقابلے میں شرکت کریں گی جس میں گروپ میں تیسری اور چوتھی پوزیشن کا بھی فیصلہ ہو جائے گا۔
گروپ اے میں ہی2 مارچ کو دبئی میں بھارت اور نیوزی لینڈ کے درمیان میچ میں پہلی اور دوسری پوزیشن کا فیصلہ ہوگا۔
دوسری جانب گروپ بی میں دلچسپ صورتحال ہے۔منگل کو پنڈی اسٹیڈیم میں کھیلا جانے والا میچ بارش کی نذر ہو جانے کے بعد آسٹریلیا اور جنوبی افریقا کوایک، ایک پوائنٹ مل گیا ہے اور دونوں ٹیموں نے اپنے دونوں میچز کھیل کر تین، تین پوائنٹس جوڑ لیے ہیں۔ جنوبی افریقا نے اپنے پہلے میچ میں افغانستان اور آسٹریلیا نے انگلینڈ کو شکست دی تھی۔
بدھ کو اسی گروپ میں لاہور کے قذافی اسٹیڈیم میں انگلینڈ اور افغانستان کا مقابلہ ہوگا۔اپنے پہلے میچز میں ناکامی سے دوچار ہونے والی یہ ٹیمیں اگلے مرحلے میں رسائی پانے کے لیے جدوجہد کرتے ہوئے ایک دوسرے کو ہرانے کی کوشش کریں گی۔
تاہم،28 فروری کو آسٹریلیا اور افغانستان کے درمیان لاہور ہی میں اہم میچ ہوگا۔ کامیابی کی صورت میں 5 پوائنٹس کے ساتھ آسٹریلیا سیمی فائنل میں جگہ بنا لے گا۔
اس گروپ کی دوسری سیمی فائنلسٹ ٹیم کا فیصلہ یکم مارچ کو کراچی میں جنوبی افریقا اور انگلینڈ کے درمیان میچ میں ہوگا۔
واضح رہے کہ چیمپئنز ٹرافی کا پہلا سیمی فائنل 4 مارچ کو دبئی اور دوسرا سیمی فائنل5 مارچ کو لاہور میں کھیلا جائے گا۔
سیمی فائنل میں بھارت کی کامیابی کی صورت میں فائنل 9 مارچ کو دبئی میں ورنہ لاہور میں ہوگا۔
.ذریعہ: Express News
کلیدی لفظ: سیمی فائنل میں میں جگہ مارچ کو
پڑھیں:
چیمپئنز ٹرافی کا سب سے بڑا مقابلہ: بھارت کیخلاف پاکستان کے دونوں اوپنرز آؤٹ
چیمپئنز ٹرافی کا سب سے بڑا مقابلہ پاک بھارت ٹاکرا جاری ہے پاکستان ٹیم کی نصف سنچری مکمل ہونے سے قبل دونوں اوپنرز آؤٹ ہوچکے ہیں۔
آئی سی سی چیمپئنز ٹرافی میں سب سے بڑے مقابلہ دبئی کرکٹ اسٹیڈیم میں جاری ہے۔ پاکستان نے ٹاس جیت کر پہلے بیٹنگ کا فیصلہ کیا تاہم ٹیم کی نصف سنچری سے قبل ہی دونوں اوپنرز آؤٹ ہو کر پویلین لوٹ چکے ہیں۔پاکستان کی جانب سے بابر اعظم اور امام الحق نے اننگ کا آغاز کیا اور 8 اوورز میں 41 رنز کا آغاز فراہم کیا۔ اس موقع پر بابر اعظم جو بڑی اننگ کھیلنے کے موڈ میں دکھائی دے رہے تھے وہ ہاردک پانڈیا کی گیند پر وکٹ کیپر کے ہاتھوں کاٹ بی ہائینڈ ہوگئے۔بابر اعظم نے 26 گیندوں پر 23 رنز کی اننگ کھیلی۔ ان کی مختصر اننگ میں پانچ چوکے شامل تھے اس کے فوری بعد امام الحق ایک غیر ضروری رن لینے کی کوشش میں رن آؤٹ ہو گئے۔ انہوں نے 26 گیندوں پر 10 رنز بنائے۔پاکستان کا مجموعی اسکور 10 اوورز میں 52 رنز ہوچکا ہے۔ کریز پر کپتان محمد رضوان (4) اور سعود شکیل (3) رنز کے ساتھ موجود ہیں۔آج کے میچ کے لیے پاکستان ٹیم میں ایک تبدیلی کی گئی ہے اور نیوزی لینڈ کیخلاف میچ میں زخمی ہوکر ٹورنامنٹ سے باہر ہونے والے فخر زمان کی جگہ امام الحق کو فائنل الیون میں شامل کیا گیا ہے جب کہ بھارت کی ٹیم میں کوئی تبدیلی نہیں کی گئی ہے۔ٹاس کے بعد گفتگو کرتے ہوئے پاکستانی کپتان محمد رضوان نے کہا کہ آج کا میچ ہمارے لیے بہت اہم ہے۔ کھلاڑی دبئی کی کنڈیشنز سے اچھی طرح واقف ہیں۔محمد رضوان نے مزید کہا کہ کوشش کریں گے کہ اچھا کھیل کر اسکور بورڈ پر اچھا ٹوٹل سجائیں۔بھارتی کپتان روہت شرما نے کہا کہ اس پچ پر ہدف کا تعاقب آسان نہیں۔ گزشتہ میچ میں بنگلہ دیش کے خلاف ہمیں بھی ہدف کے تعاقب میں مشکل پیش آئی تھی۔آج کے میچ کے لیے دونوں ٹیمیں ان کھلاڑیوں پر مشتمل ہیں۔
پاکستان:
محمد رضوان (کپتان)، سلمان علی آغا (نائب کپتان)، امام الحق، بابر اعظم، سعود شکیل، طیب طاہر، خوشدل شاہ، شاہین شاہ آفریدی، نسیم شاہ، حارث رؤف، ابرار احمد۔
بھارت:
روہت شرما (کپتان)، شبھمن گل (نائب کپتان)، ویرات کوہلی، شریاس ائیر، اکشر پٹیل، کے ایل راہول، ہاردک پانڈیا، رویندرا جڈیجا، ہرشتھ رانا، محمد شامی، کلدیپ یادیو۔واضح رہے کہ پاکستان کو افتتاحی میچ میں نیوزی لینڈ کے خلاف 60 رنز سے شکست ہوئی تھی جب کہ بھارت نے میگا ایونٹ کے اپنے پہلے میچ میں بنگلہ دیش کو ہرا چکی ہے۔پاکستان جو ٹورنامنٹ کا دفاعی چیمپئن ہے۔ اس کو اپنے اعزاز کے دفاع کی مہم جاری رکھنے کے لیے اس کو آج کا میچ جیتنا لازمی ہے۔چیمپئنز ٹرافی میں روایتی حریفوں کے باہمی مقابلے میں پاکستان کا ریکارڈ بھارت سے بہتر ہے۔ دونوں ٹیموں نے میگا ایونٹ میں اب تک پانچ میچز کھیل رکھے ہیں۔ تین میچز میں گرین شرٹس جب کہ دو میچز میں بلیو شرٹس کامیاب رہی ہے۔2017 کی چیمپئنز ٹرافی کے فائنل میں پاکستان نے سرفراز احمد کی قیادت میں بھارت کو 180 رنز کے بھاری مارجن سے ہرا کر پہلی بار چیمپئن بننے کا اعزاز حاصل کیا تھا۔
اڈیالہ جیل میں بانی پی ٹی آئی کی اہلیہ سے ملاقات کرادی گئی