فلسطینی بھائیوں کی مدد، مولانا فضل الرحمان نے حماس رہنماؤں کو ہر ممکن تعاون کی یقین دہانی کرادی
اشاعت کی تاریخ: 25th, February 2025 GMT
جمعیت علما اسلام (جے یو آئی) کے سربراہ مولانا فضل الرحمان نے حماس رہنماؤں کو ہر قسم کے تعاون کی یقین دہانی کراتے ہوئے جماعتی کارکنوں اور پاکستانی عوام سے اپیل کی ہے کہ وہ مشکل وقت میں فلسطینی بھائیوں کے ساتھ بھرپور تعاون کریں۔
ترجمان جے یو آئی کے مطابق جےیوآئی سربراہ مولانا فضل الرحمان کی قطر میں حماس رہنماؤں سے اہم ملاقاتیں جاری ہیں، آج ان کی حماس کے سابق سربراہ ڈاکٹر خالد مشعل سے ملاقات ہوئی ہے۔
یہ بھی پڑھیں مولانا فضل الرحمان نے بے گھر فلسطینیوں کی مدد کے لیے ہم وطنوں سے بھرپور تعاون کی اپیل کردی
ترجمان نے کہاکہ مولانا فضل الرحمان نے حماس رہنماؤں کو پاکستانی عوام کے جذبات سے آگاہ کیا، اور کہاکہ پاکستانی عوام کے دل اپنے فلسطینی بھائیوں کے ساتھ دھڑکتے ہیں۔
مولانا فضل الرحمان نے شہدا کی تعزیت اور زخمیوں کی جلد صحتیابی کی دعا کی اور کہاکہ اسرائیل کی جانب سے انسانی حقوق کی خلاف ورزی کی جارہی ہے۔
انہوں نے کہاکہ فلسطینی مسلمان اپنے مسلمان بھائیوں کی امداد کے منتظر ہیں، ان کو دوائیوں، خیموں اور راشن کی اشد ضرورت ہے۔
ترجمان نے بتایا کہ مولانا فضل الرحمان کی جانب سے حماس رہنماؤں کو ہر قسم کے تعاون کی یقین دہانی کرائی گئی۔
مولانا فضل الرحمان نے اپیل کی کہ جے یو آئی کارکنان اور عوام مشکل وقت میں فلسطینی بھائیوں کے ساتھ بھرپور تعاون کریں۔
یہ بھی پڑھیں اسرائیل نے 602 فلسطینیوں کی رہائی مؤخر کردی، حماس کا شدید ردعمل
واضح رہے کہ گذشتہ روز مولانا فضل الرحمان کی حماس کی مرکزی مجلس شوری کے سربراہ ابو عمر سے ملاقات ہوئی تھی۔ ملاقات میں علامہ راشد محمود سومرو، مفتی ابرار احمد اور حماس رہنما ڈاکٹر ظہیر ناجی بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپیل بھرپور تعاون جے یو آئی حماس خالد مشعل فلسطینی مدد مولانا فضل الرحمان وی نیوز یقین دہانی.ذریعہ: WE News
کلیدی لفظ: اپیل بھرپور تعاون جے یو ا ئی خالد مشعل فلسطینی مولانا فضل الرحمان وی نیوز یقین دہانی مولانا فضل الرحمان نے فلسطینی بھائیوں حماس رہنماؤں کو بھرپور تعاون یقین دہانی جے یو ا ئی تعاون کی
پڑھیں:
سینیٹر فیصل واوڈا کی یقین دہانی پر کسٹمز ایجنٹس نے ہڑتال کی کال واپس لے لی
سینیٹر فیصل واوڈا کی یقین دہانی کے بعد پاکستان کسٹم ایجنٹس ایسوسی ایشن نے غیرمعینہ مدت کی ہڑتال کی کال واپس لینے کا اعلان کردیا۔
ایکسپریس نیوز کے مطابق کسٹم ایجنٹس نے آج کراچی میں پریس کانفرنس کرتے ہوئے اپنے مطالبات کے لیے غیر معینہ مدت تک ہڑتال کا اعلان کیا تھا تاہم سینیٹ قائمہ کمیٹی برائے بحری امور کے چیئرمین سینیٹر فیصل واوڈا پریس کانفرنس میں پہنچ گئے اور ان کی یقین دہانی پر کسٹم ایجنٹس نے ہڑتال کی کال واپس لے لی۔
فیصل واوڈا نے کسٹم ایجنٹس سے تشکر کا اظہار کرتے ہوئے کہا کہ میرے کہنے پر کسٹمز ایجنٹس نے ہڑتال ختم کردی ہے، کسٹم ایجنٹس کے توسط سے ماہانہ 400 ارب روپے مالیت کی کسٹم ڈیوٹی ادائیگیاں ہوتی ہیں اس لیے ان کی ہڑتال سے ملک و معیشت کو ناقابل تلافی نقصان ہوسکتا ہے جس کے باعث مہنگائی بڑھنے کا بھی خدشہ ہے۔
فیصل واوڈا نے کسٹم ایجنٹس کو بدھ کے دن سینٹ کی قائمہ کمیٹی برائے خزانہ کے اجلاس میں طلب کیا ہے۔
سینیٹر فیصل واوڈا نے کہا کہ کسٹمز ایجنٹس کا مسئلہ حل کریں گے۔ انہوں ںے کسٹم ایجنٹس سے کرپٹ افسران کی فہرست مانگتے ہوئے کہا کہ ہمارے ملک کا المیہ یہ ہے کہ چھوٹے چوروں کو پکڑلیا جاتا ہے اور بڑے چوروں کو چھوڑ دیا جاتا ہے۔
ان کا کہنا تھا کہ میری ٹائم کا شعبہ انتہائی اہم ہے اور یہ شعبہ پورا ملک کا قرضہ اتارنے کی صلاحیت رکھتا ہے، پورٹ قاسم پر اربوں روپے کی قبضے کی زمینوں کو ریکور کرائیں گے۔
قبل ازیں آل پاکستان اور کراچی کسٹم ایجنٹس کے سربراہان سیف اللہ خان اور محمد عامر نے پریس کانفرنس میں 25 فروری سے غیر معینہ مدت کے لیے کام بند کرنے کا اعلان کردیا تھا جس سے اجناس خوردنی تیل سمیت دیگر اشیاء کی درآمدی سرگرمیاں معطل ہونے کا اندیشہ پیدا ہوگیا تھا۔
انکا کہنا تھا کہ کسٹم ایجنٹس کے توسط سے حکومت ماہانہ 400ارب روپے کی ڈیوٹی کی مد میں وصولیاں ہوتی ہیں لہٰذا ہمارا کام بند ہونے سے ریونیو شارٹ فال ہوگا، تاہم البتہ قومی مفاد میں ایجنٹس نے ایکسپورٹ کنسائمنٹس کی گڈز ڈیکلیریشنز جمع کرانے اور برآمد کنندگان کو خدمات جاری رکھنے کا اعلان کیا تھا۔
ان کا کہنا تھا کہ رمضان المبارک میں اشیائے خوردونوش اور خوردنی تیل کی قلت ہوتی ہے تو ہم ذمہ دار نہیں ہوں گے، ہمارا مطالبہ ہے کہ 45 کسٹم ایجنٹس کے لائسنس معطل کیے جائیں اس کی تحقیقات کے لیے جے آئی ٹی بنائی جائے۔ 45ایجنٹس کے لائسنس اگرچہ عدالت سے بحال ہوگئے ہیں لیکن ہم چاہتے ہیں کسٹم نے جو شوکاز جاری کیا ہے اس پر فیصلہ جاری کیا جائے۔
سیف اللہ خان کا کہنا تھا کہ چیئرمین ایف بی آر نے مڈل مین کا کردار ختم کرنے کا عندیہ دیا تھا لہذا ہمیں شک ہے کہ 45 کے بعد 450 ایجنٹس کے لائسنس بھی معطل کردیئے جائیں گے۔
فیصل واوڈا نے کہا کہ کسٹم ایجنٹس بروز بدھ سینیٹ کی فنانس کمیٹی میں تشریف لائیں سلیم مانڈوی والا اس کے چیئرمین ہیں، ہر مسئلے کے حل کیلئے فوج کو پکارا جارہا ہے جب اکثریت مسئلے فوج نے حل کرنے ہیں تو اس کی تعریف تو کیا کریں، آرمی چیف نے کہا ہے کہ پاکستان پہلے ہے باقی سب کچھ بعد میں۔
فیصل واوڈا نے کہا کہ سالانہ 4800 ارب روپے کا نقصان انتہائی قابلِ تشویش ہے، میڈیا کا کردار انتہائی اہم رہا ہے میڈیا اس طرز کے مسائل حل کرنے کی اہلیت رکھتا ہے، کسٹم ایجنٹس کے معاملے پر وزیرِ خزانہ اور وزیر مملکت سے اس مسئلے سے متعلق بات کروں گا ہم اس میں ملوث افسر پر بھی کارروائی کریں گے، ابھی تو میری ٹائم کی صرف فائل کو ہاتھ لگا کر 60 سے 70ارب روپے بدعنوانی پکڑی ہے ہوم ورک مکمل کرکے نام بھی سامنے لائیں گے۔
Tagsپاکستان
حیران کن طور پر 400 زبانوں پر عبور رکھنے والے 19 سالہ محمود اکرم کی کہانی