مفت علاج ہر مریض بچے کا حق ہے ،جلد بون میرو ٹرانسپلانٹ کارڈ کا اجرا کیا جائے گا،وزیراعلی پنجاب
اشاعت کی تاریخ: 25th, February 2025 GMT
لاہور (اُردو پوائنٹ اخبارتازہ ترین - اے پی پی۔ 25 فروری2025ء) وزیراعلی مریم نوازکی کاوش نے معصو م بچوں کے چہروں پر مسکراہٹیں بکھیر دیں۔لاہور چلڈرن ہسپتال پاکستان بھر میں بون میروٹرانسپلانٹ آپریشن کرنے والا پہلا سرکاری ادارہ بن گیا ہے۔ لاہور کے چلڈرن ہسپتال میں بون میرو ٹرانسپلانٹ کے 150کامیاب آپریشن کیے گئے۔ بون میروٹرانسپلانٹ آپریشن پر 42لاکھ سے زائد اخراجات حکومت پنجاب نے ادا کیے۔
چلڈرن ہسپتال کے کینسر وارڈ میں ایک سال میں 2000مریضوں کا علاج کیا گیا۔ چلڈرن ہسپتال کی کینسر وارڈ او پی ڈی میں 25ہزار سے زائد کینسر کے مریض بچے مستفید ہوئے۔ چلڈرن ہسپتال میں بون میرو ٹرانسپلانٹ آپریشن میں کامیابی کا تناسب عالمی معیار کے مطابق89 فیصدسے زائدرہاہے۔ سندھ، بلوچستان اور دیگر صوبوں کے مریض بچے بھی بون میرو ٹرانسپلانٹ کرانے والوں میں شامل ہیں۔(جاری ہے)
افغانستان سے آنے والے مریض بچوں کی چلڈرن ہسپتال لاہور میں فری بون میروٹرانسپلانٹیشن کی گئی۔ وائس چانسلر یونیورسٹی آف چائلڈ ہیلتھ سائنسز ڈاکٹر مسعود صادق نے بتایا کہ وزیراعلی کی ہدایت پربون میروٹرانسپلانٹ کے کسی مریض کو علاج کے لئے انکار نہیں کیا جاتا۔ بون میرو ٹرانسپلانٹ کے مریض بچوں کو آپریشن کے بعد ادویات بھی مفت دی جاتی ہے۔بون میروٹرانسپلانٹ کے ہر بچے کاہر 15دن کے بعد فالو اپ چیک بھی کیا جاتا ہے۔ وزیراعلی پنجاب کا کہنا ہے کہ جلد بون میرو ٹرانسپلانٹ کارڈ کا اجرا کر دیا جائے گا۔ہر بچہ میرے لئے اپنے بچوں سے بھی بڑھ کر ہے۔مفت علاج ہر مریض بچے کا حق ہے، ریاست اپنا فرض ضرور نبھائے گی۔ وزیراعلی نے کہا کہ ٹرانسپلانٹیشن کارڈ کے بعد مریض بچوں کے والدین اخراجات سے بے نیاز ہوجائیں گے۔ بچوں کی صحت پر کوئی سمجھوتہ نہیں،تمام وسائل مہیا کریں گے۔.ذریعہ: UrduPoint
کلیدی لفظ: تلاش کیجئے بون میرو ٹرانسپلانٹ بون میروٹرانسپلانٹ ٹرانسپلانٹ کے مریض بچے
پڑھیں:
وزیراعلیٰ پنجاب کا کاروباری افراد کیلئے بڑا ریلیف
وزیراعلیٰ پنجاب مریم نواز شریف کی زیر صدارت ایک اہم اجلاس منعقد ہوا جس میں آسان کاروبار فنانس اور آسان کاروبار کارڈ کے منصوبوں پر تفصیلی جائزہ لیا گیا اجلاس کے دوران وزیراعلیٰ نے سکیم کو مزید سادہ بنانے اور ضرورت مند کاروباری افراد کو ان کی ضروریات کے مطابق قرض فراہم کرنے کی ہدایت کی تاکہ چھوٹے کاروباروں کو فروغ ملے اور روزگار کے مواقع پیدا ہوں اجلاس میں بریفنگ دیتے ہوئے بتایا گیا کہ اب تک اسی ہزار سے زائد درخواست دہندگان کی قرض کی درخواستیں منظور کی جا چکی ہیں جن میں ٹرانسپورٹ فارماسوٹیکل اور چھوٹے کاروبار سے وابستہ افراد شامل ہیں اس سکیم کے تحت چونتیس ہزار سے زائد کاروباری افراد کو قرض کی رقم جاری کی جا چکی ہے وزیراعلیٰ نے ان افراد سے براہ راست فیڈ بیک لینے اور سکیم میں مزید بہتری لانے کے احکامات بھی جاری کیے ہیں وزیراعلیٰ مریم نواز شریف نے اجلاس کے دوران خود بھی قرض حاصل کرنے والے افراد سے فون پر رابطہ کیا اور ان کے تجربات دریافت کیے کریانہ سٹور چلانے والے عدنان علی نے وزیراعلیٰ سے بات کرتے ہوئے بتایا کہ اسے تین لاکھ پچپن ہزار روپے کا قرض ملا جس سے اس نے اپنی دکان میں سامان کا اضافہ کیا اور کاروبار میں نمایاں بہتری آئی اسی طرح تونسہ سے زرعی مداخل کے کاروبار سے وابستہ معین الدین نے بتایا کہ اسے ایک لاکھ چھپن ہزار روپے کا قرض ملا جس سے اس نے کھل بنولہ چوکر اور ونڈا خریدا اور اس کا کاروبار بہتر ہو گیا معین الدین نے وزیراعلیٰ اور محمد نواز شریف کا شکریہ ادا کیا کہ انہوں نے دیہی کاروباری افراد کی سہولت کے لیے ایسی اسکیم شروع کی علاوہ ازیں لودھراں کے نواحی علاقے کے رہائشی ندیم احمد نے بھی وزیراعلیٰ سے گفتگو کی اور بتایا کہ اسے آٹھ لاکھ روپے کی رقم عید سے پہلے ملی جس سے اس نے اپنی دکان میں مزید مال ڈال کر کاروبار کو وسعت دی اور آمدن میں اضافہ ہوا وزیراعلیٰ مریم نواز شریف نے کاروباری افراد کی کامیابی کے لیے نیک خواہشات کا اظہار کیا اور کہا کہ حکومت پنجاب اس اسکیم کے ذریعے خود روزگار کے مواقع بڑھانے کے لیے پرعزم ہے تاکہ عوام کو معاشی طور پر خودمختار بنایا جا سکے
دہشتگردی کا خاتمہ… ترقی وخوشحالی کا ضامن