بانی پی ٹی آئی نے کہا ہے چیف جسٹس کو خط لکھوں گا، سلمان اکرم راجہ
اشاعت کی تاریخ: 25th, February 2025 GMT
پاکستان تحریک انصاف (پی ٹی آئی) کے سیکریٹری جنرل سلمان اکرم راجہ نے کہا ہے کہ جیل کا نظام نادیدہ قوتوں کے طابع ہے۔ چیف جسٹس کو جیل معاملات پر خط لکھوں گا۔
بانی پی ٹی آئی عمران خان سے ملاقات کے بعد راولپنڈی کی اڈیالہ جیل کے باہر میڈیا سے گفتگو کرتے ہوئے سیکریٹری جنرل پی ٹی آئی کا کہنا تھا کہ بانی پی ٹی آئی سے طویل وقفے کے بعد ملاقات ہوئی ہے ہے۔
انہوں نے بتایا کہ ہمیں تشویش تھی لیکن بانی پی ٹی آئی کی صحت بالکل ٹھیک ہے۔
سلمان اکرم راجہ کا کہنا تھا کہ بانی نے کہا ہے کہ جیل کا نظام نادیدہ قوتوں کے طابع ہے۔ بانی پی ٹی آئی نے کہا چھ ماہ میں چوتھی مرتبہ بچوں سے بات کرائی گئی۔
انہوں نے بتایا کہ بانی پی ٹی آئی نے کہا ہے چیف جسٹس کو خط لکھوں گا، انہیں خط جیل معاملات پر خط لکھوں گا۔
سلمان اکرم راجہ کا کہنا تھا کہ ہم نے سندھ کے دورے پر بانی پی ٹی آئی کو بریف کیا ہے، بانی پی ٹی آئی نے کہا ہے کہ سندھ کے حقوق کےلیے پی ٹی آئی لڑے گی۔
سیکریٹری جنرل پی ٹی آئی نے بتایا کہ بانی نے کہا ہے کہ ہم عوام کیلئے سیاست کر رہے ہیں، پنجاب میں ہر روز فسطائیت کا نیا واقعہ سامنے آرہا ہے، عوام کی ہم پر نظر ہے۔
سلمان اکرم راجا کا کہنا تھا کہ بانی پی ٹی آئی نے انتظامی معاملات پر کچھ ہدایات جاری کی ہیں، بانی نے کہا ہے کہ پارٹی کے جو لوگ حکومتی عہدوں پر ہیں وہ پارٹی عہدہ چھوڑ دیں۔
انہوں نے بتایا کہ بانی پی ٹی آئی کی اجازت سے ہی ہم چیف جسٹس سے ملے تھے، بانی پی ٹی آئی نے کہا ہے کہ چیف جسٹس کے سامنے صورتحال رکھی جائے۔
سلمان اکرم راجہ نے کہا کہ بانی پی ٹی آئی کرکٹ کی صورتحال پر افسردہ تھے، بانی پی ٹی آئی نے کہا ہے کرکٹ کو تباہ کردیا گیا ہے، کرکٹ ناتجربہ کار لوگوں کے حوالے کی گئی ہے۔
سلمان اکرم راجہ کا کہنا تھا کہ کرکٹ کے ساتھ پاکستان کے عوام کی وابستگی ہے، پچھلے چند سالوں میں کرکٹ کو مذاق بنا دیا گیا۔ ہم پاکستان کے اسٹیک ہولڈر ہیں ہم ہر ادارے کا دروازہ کھٹکھٹائیں گے۔
انکا کہنا تھا کہ جن لوگوں نے 26ویں ترمیم کے حق میں ووٹ ڈالا ان کی تو پارٹی میں کوئی گنجائش نہیں، جو لوگ 26ویں ترمیم میں غائب تھے یا رابطے میں نہیں تھے ان کے متعلق فرداً فرداً فیصلہ ہوگا۔
پی ٹی آئی سیکریٹری جنرل نے بتایا کہ شیر افضل مروت پارٹی سے باہر ہیں، یہ فیصلہ برقرار ہے۔
انہوں نے کہا کہ وزیراعلیٰ خیبر پختونخوا بانی پی ٹی آئی کی ہدایات کے مطابق فرائض انجام دے رہے ہیں۔ پاکستان تحریک انصاف متحد ہے۔
.ذریعہ: Jang News
کلیدی لفظ: بانی پی ٹی آئی نے کہا ہے کہ بانی پی ٹی آئی سلمان اکرم راجہ کا کہنا تھا کہ سیکریٹری جنرل نے کہا ہے کہ نے بتایا کہ چیف جسٹس انہوں نے
پڑھیں:
چھ بڑے ناموں کو ٹیم سے نکالیں، وسیم اکرم نے بڑا مطالبہ کر دیا
سابق کپتان وسیم اکرم نے چیمپئنز ٹرافی میں بھارت سے شکست کے بعد قومی ٹیم سے چھ بڑے کھلاڑیوں کو باہر کرنے کا مطالبہ کر دیا۔
سپورٹس چینل ٹین اسپورٹس میں گفتگو کرتے ہوئے انہوں نے کہا کہ چاہے ہمیں پانچ چھ بڑے ناموں کو ٹیم سے نکالنا ہی کیوں نہ پڑے اور بے شک ہم چھ مہینے ہاریں مگر نئے لڑکوں کو ٹیم میں لاکر انکو مکمل سپورٹ کریں۔
انہوں نے کہا کہ وسیم اکرم کا کہنا تھا کہ پاکستان کرکٹ ٹیم شکستوں کی عادی ہوچکی ہے۔ اب وقت آگیا ہے کہ ہم وائٹ بال ٹیم میں نئے نوجوان کرکٹرز لائیں جن کے اندر کوئی خوف نہ ہو۔وسیم اکرم نے کہا کہ 2026 ورلڈ کپ کیلئے ٹیم کی تیاری ابھی سے شروع کردیں، بس بہت ہوگیا، موجودہ کھلاڑیوں کو ہم نے بہت چانسز دیکر دیکھ لیا۔پاکستان کے پانچ میچوں میں سارے بولرز نے ملاکر 60 کی ایوریج سے 24 وکٹیں لی ہیں۔
سابق فاسٹ بولر کا کہنا تھا کہ ون ڈے کرکٹ میں اس سال 14 ممالک کی ٹیموں جن میں عمان اور امریکا بھی شامل ہیں، پاکستان کی بولنگ دوسری بدترین رہی ہے۔انہوں نے ٹیم مینجمنٹ کو بھی آڑے ہاتھوں لیتے ہوئے کہا کہ اب چیئرمین پی سی بی سلیکشن کمیٹی، کوچ اور پانچ لیجنڈز کو بلاکر پوچھیں کہ یہ سلیکشن کیا کی تھی تم لوگوں نے؟۔سابق کپتان کا کہنا تھا کہ ہم چیخیں مار رہے تھے کہ یہ اسکواڈ ٹھیک نہیں ہے۔ ہم بولتے رہے کہ ایک دن رہ گیا ہے اسکواڈ تبدیل کرلو مگر اُنہوں نے ایک گھنٹے کی میٹنگ کی اور اسی اسکواڈ کے ساتھ باہر آگئے۔
سویلینز ملٹری ٹرائل کیس میں سپریم کورٹ انڈر ٹرائل نہیں، جج کا لطیف کھوسہ سے مکالمہ