مجھے پتہ ہے کھمبوں کے کس کی جیب میں کتنے پیسے جاتے ہیں: جنید اکبر خان
اشاعت کی تاریخ: 25th, February 2025 GMT
---فائل فوٹو
چیئرمین پی اے سی جنید اکبر خان کہا ہے کہ بجلی کے کھمبوں کی مد میں اربوں روپے مختص ہوتے ہیں، مجھے یہ بھی پتہ ہے کہ کس کی جیب میں کھمبوں کے کتنے پیسے جاتے ہیں۔
پبلک اکاؤنٹس کمیٹی (پی اے سی) میں چیئرمین ایف بی آر راشد لنگڑیال کا تذکرہ ہوا۔
شاہدہ اختر نے سوال اٹھایا کہ بلوں کی ریکوری کے لیے سابق سیکریٹری پاور راشد لنگڑیال نے کیا کیا؟
چیئرمین ایف بی آر راشد لنگڑیال نے افسران کے لیے گاڑیوں کی خریداری پر اہم بیان دیتے ہوئے کہا ہے کہ نوجوان افسران کے لیے کاریں خریدی جائیں گی۔
چیئرمین پی اے سی جنید اکبر خان نے کہا کہ وہ صاحب ایف بی آر میں چلے گئے اور اتنی گاڑیوں کا آرڈر دے دیا، یہ کیا طریقہ ہے؟ ان کو اگلی میٹنگ میں بلاتے ہیں۔
جنید اکبر خان نے کہا کہ خیبر پختون خوا میں کمپنیوں والے ایک بھی کھمبا نہیں لگاتے، وہاں بجلی کے کھمبے ہم خود لگاتے ہیں۔
سیکریٹری پاور ڈویژن محمد فخر عالم عرفان نے کمیٹی کو بتایا کہ ہم ایف بی آر اور وزارتِ خزانہ کو بلوں پر ٹیکسز کم کرنے کا کہیں گے، ٹیکسز کم ہوں گے تو بجلی کے بل قابلِ برداشت ہو جائیں گے، جن علاقوں میں ریکوری کا مسئلہ ہے ڈسکوز سپورٹ یونٹ دیا ہے، پشاور میں بھی جَلد ڈسکوز سپورٹ یونٹ فراہم کریں گے، ڈسکوز سپورٹ یونٹ میں لاء انفورسمنٹ ایجنسیز ہوتی ہیں، پنجاب میں ڈسکوز سپورٹ یونٹ میں رینجرز اور پولیس ساتھ ہوتی ہے۔
چیئرمین فیڈرل بورڈ آف ریونیو (ایف بی آر) راشد لنگڑیال نے اعتراف کیا ہے کہ ہم غلط سائیڈ پر جاچکے ہیں، ٹیکس شرح کم کرنی چاہیے۔
محمد فخر عالم عرفان نے کہا کہ پشاور میں سول آرمڈ فورسز کے ساتھ ایف سی بھی ہو گی، اگلے ماہ تک ہم بلوں کی ریکوری پر پیش رفت دکھائیں گے، کمپنیوں سے بلوں کی ریکوری ویریفائی کرائیں گے۔
چیئرمین کمیٹی جنید اکبر خان نے ہدایت دیتے کہا کہ ہر ماہ پبلک اکاؤنٹس کمیٹی کو ریکوریوں کے بارے میں آگاہ کریں، اگلے ماہ ذمے دار افسران کے خلاف ایکشن کی تفصیلات بھی بتائیں۔
بعد ازاں کمیٹی نے ڈسکوز سے ڈیفالٹرز کی گرفتاریوں اور دیگر ایکشنز کی تفصیلات طلب کر لیں۔
.ذریعہ: Jang News
پڑھیں:
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا نائیجیریا کا سرکاری دورہ
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا نائیجیریا کا سرکاری دورہ نائیجرین وزیر دفاع محمد بدارو ابوبکر، چیف آف ڈیفنس اسٹاف جنرل کرسٹوفر گوابن موسی سمیت مسلح افواج کی قیادت سے ملاقاتیں، فوجی تعاون پر بات چیت کی گئی ۔
پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا کی نائیجرین چیف آف آرمی اسٹاف لیفٹیننٹ جنرل اولوفیمی اولاٹوبوسم اولیوید، چیف آف نیول اسٹاف وائس ایڈمرل ایمانوئل اکیچکو اوگالا اور چیف آف ایئر اسٹاف ایئر مارشل حسن بالا ابوبکر سے بھی ملاقاتیں ہوئیں۔
ملاقاتوں کے دوران دونوں ممالک کو درپیش چیلنجوں پر بات چیت کی گئی، جبکہ انسداد دہشت گردی اور باہمی دلچسپی کے امور بشمول سلامتی، دفاعی تعاون، اور بین الاقوامی، علاقائی صورتحال پر بھی بات چیت کی گئی۔
آئی ایس پی آر کے مزید کہنا تھا کہ دونوں اطراف سے دونوں افواج کے درمیان دفاعی اور فوجی تعاون کو مزید بڑھانے کے عزم کا اعادہ کیا گیا، نائجیریا کی سول اورعسکری قیادت نے پاکستان کی مسلح افواج کی پیشہ وارانہ مہارت کو سراہا، اور دہشت گردی کے خلاف جنگ میں ان کی قربانیوں کا بھی اعتراف کیا ہے۔
ترجمان سندھ حکومت کا مریم اورنگزیب کے بیان پر ردعمل