کینیڈا فوری طور پراپنا غلط فیصلہ واپس لے، چینی وزارت خارجہ
اشاعت کی تاریخ: 25th, February 2025 GMT
کینیڈا فوری طور پراپنا غلط فیصلہ واپس لے، چینی وزارت خارجہ WhatsAppFacebookTwitter 0 25 February, 2025 سب نیوز
بیجنگ :کینیڈا نے روس کو دوہرے استعمال کی اشیاء فراہم کرنے والے 76 غیر ملکی اداروں اور افراد کے خلاف پابندیوں کا اعلان کیا ،جن میں 20 سے زائد چینی ادارے بھی شامل ہیں۔ منگل کے روز چینی وزارت خارجہ کے ترجمان لین جیئن نے یومیہ پریس کانفرنس میں کہا کہ چین نے ہمیشہ بین الاقوامی قانون کی بنیاد اور اقوام متحدہ کی سلامتی کونسل کے ضوابط سے مطابقت نہ رکھنے والی کسی بھی یکطرفہ پابندی کی مخالفت کی ہے ۔
چینی اداروں پر کینیڈا کی جانب سے عائد پابندیاں غیر معقول اور غلط ہیں اور چین ان کی سختی سے مخالفت کرتا ہے۔ ترجمان نے اس بات پر زور دیا کہ چین ہمیشہ مسئلہ یوکرین کے سیاسی حل کو فروغ دینے کے لئے پرعزم رہا ہے۔ چین تنازعہ کے فریقوں کو کبھی مہلک ہتھیار فراہم نہیں کرتا، دوہرے استعمال کی اشیاء کی برآمد کو سختی سے کنٹرول کرتا ہے، اور چین کی جانب سے ڈرونز پر برآمدی کنٹرول کا دائرہ کار اور اقدامات دنیا میں سب سے سخت ہیں۔
ترجمان کا کہنا تھا کہ روس کے ساتھ تجارت کرنے والے دوسرے ممالک کی طرح، چین اور روس کے درمیان مساوات اور باہمی فائدے کی بنیاد پر مبنی معمول کے اقتصادی اور تجارتی تعاون پر الزام لگانے کا کوئی جواز نہیں ہے۔ چین کینیڈا پر زور دیتا ہے کہ وہ فوری طور پر اپنا غلط فیصلہ واپس لے۔چین اپنے کاروباری اداروں کے جائز حقوق اور مفادات کے تحفظ کے لیے ضروری اقدامات اختیار کرےگا۔
.ذریعہ: Daily Sub News
پڑھیں:
اسرائیلی فوج مکمل طور پر لبنانی سرزمین سے نکلے، مصری وزیر خارجہ
سوڈانی وزیر خارجہ کے ساتھ اپنی ایک مشترکہ پریس کانفرنس میں بدر العاطی کا کہنا تھا کہ ہم شامی سرزمین کی خودمختاری کا احترام کرتے ہوئے وہاں کے جامع سیاسی عمل کی حمایت کریں گے۔ اسلام ٹائمز۔ مصر کے وزیر خارجہ "بدر العاطی" نے کہا کہ اسرائیل اقوام متحدہ کی سلامتی کونسل کی قرارداد 1701 پر عملدرآمد کرتے ہوئے لبنان کی سرزمین سے مکمل طور پر نکلے۔ انہوں نے ان خیالات کا اظہار سوڈانی وزیر خارجہ "علی یوسف الشریف" کے ساتھ مشترکہ پریس کانفرنس میں کیا۔ اس موقع پر انہوں نے قاھرہ میں غیر معمولی عرب سربراہی اجلاس کے انعقاد کے حوالے سے کہا کہ ہمیں امید ہے کہ یہ اجلاس مسئلہ فلسطین جیسے بحران کے لئے نتیجہ خیز ثابت ہو گا۔ بدر العاطی نے شام کے بارے میں کہا کہ ہم شامی سرزمین کی خودمختاری کا احترام کرتے ہوئے وہاں کے جامع سیاسی عمل کی حمایت کریں گے۔ واضح رہے کہ حال ہی میں مصر کی وزارت خارجہ نے اعلان کیا کہ 4 مارچ ء2025 کو قاہرہ میں عرب ممالک کا غیرمعمولی سربراہی اجلاس ہو گا۔ یہ اجلاس مسئلہ فلسطین میں تازہ پیشرفت کا جائزہ لینے کے لئے بلایا جا رہا ہے۔ اس اجلاس کی تاریخ کے اعلان کچھ دن بعد مذکورہ وزارت نے اس اجلاس کے ملتوی ہونے کی خبر دی۔ اس ضمن میں مصری وزارت خارجہ نے کہا کہ اس اجلاس کی تاریخ کا اعلان بحرینی حکام کے ساتھ ہم آہنگی اور عرب لیگ کی کونسل کے چئیرمین و دیگر عرب ممالک سے مشاورت کے بعد کیا جائے گا۔
سینیٹ کی قائمہ کمیٹی خزانہ نے انکم ٹیکس ترمیمی بل 2025 کی منظوری دے دی