خانہ فرہنگ ایران کراچی میں شہدائے قدس شہید حسن نصراللہ و شہید ہاشم صفی الدین کی یاد میں جلسہ
اشاعت کی تاریخ: 25th, February 2025 GMT
جلسے بیاد شہدائے قدس میں ایران سے آئے مجمع جہانی اہلبیتؑ کی مرکزی شوریٰ کے قائم مقام سربراہ آیت اللہ دری نجف آبادی نے خصوصی شرکت کی اور خطاب کیا۔ اسلام ٹائمز۔ سید مقاومت سید حسن نصراللہ شہید و سید ہاشم صفی الدین شہید کو خراج تحسین پیش کرنے کیلئے خانہ فرہنگ جمہوری اسلامی ایران کراچی میں عظیم الشان جلسہ بعنوان شہدائے قدس کا انعقاد کیا گیا۔ جلسے بیاد شہدائے قدس میں ایران سے آئے مجمع جہانی اہلبیتؑ کی مرکزی شوریٰ کے قائم مقام سربراہ آیت اللہ دری نجف آبادی نے خصوصی شرکت کی اور خطاب کیا، جبکہ اس موقع پر ایرانی قونصل جنرل حسن نوریان، ڈائریکٹر خانہ فرہنگ ڈاکٹر سعید طالبی نیا، شیعہ علماء کونسل پاکستان کے مرکزی سیکریٹری جنرل مولانا شبیر میثمی، جمعیت علمائے پاکستان کے مرکزی ڈپٹی سیکریٹری جنرل علامہ عقیل انجم قادری، متحدہ علماء محاذ پاکستان کے بانی و سیکریٹری جنرل علامہ امین انصاری نے بھی خطاب کیا۔ جلسہ بیاد شہدائے قدس میں شیعہ سنی علماء کرام، مذہبی، سیاسی و سماجی رہنما، مختلف شعبہ ہائے زندگی سے تعلق رکھنے والی شخصیات، خواتین سمیت کثیر تعداد میں شہریوں نے شرکت کی۔
آیت اللہ دری نجف آبادی نے خصوصی خطاب کرتے ہوئے کہا کہ شہید سید حسن نصراللہ کی یاد میں منعقدہ اس عظیم جلسہ میں ہم سب نے جمع ہو کر امریکا، اسرائیل، برطانیہ سمیت تمام سامراجی قوتوں سے اظہار نفرت و برأت کرکے یہ پیغام دیا ہے کہ یہ سامراجی قوتیں دراصل دشمنان اسلام، دشمانان انسانیت و آزادی ہیں۔ انہوں نے کہا کہ بیروت میں شہدائے قدس کی نماز جنازہ سمیت دنیا بھر میں تعزیتی اجتماعات میں عاشقان سید حسن نصراللہ نے شرکت کرکے واضح پیغام دیا ہے کہ امریکا و اسرائیل اور انکے حواریوں کے خلاف جاری معرکہ ایمان و کفر کو جاری رکھا جائیگا، سید مقاومت سید حسن نصراللہ سمیت مزاحمتی تحریکوں کے شہداء کی راہ کو ثابت قدمی کے ساتھ جاری و ساری رکھیں گے۔ انہوں نے کہا کہ شہادت زندگی کا اختتام نہیں بلکہ روشن ترین آغاز ہے، شہداء زندہ ہیں اور پروردگار عالم سے رزق پاتے ہیں، رسول خاتم (ص) کی جانب سے شہادت کی بشارت ملنے کے بعد امیرالمومنین حضرت علی ابن ابی طالب علیہ السلام نے انتہائی خوشی کا اظہار کرتے ہوئے شہادت مقام صبر نہیں بلکہ مقام شکر ہے۔
آیت اللہ دری نجف آبادی نے کہا کہ سید مقاومت سید حسن نصراللہ سمیت تمام مزاحمتی شہداء نے اپنی قیمتی جانوں کو اسلام، قرآن و امت پر قربان کر دیا اور ہم سب کو یہ پیغام دیا کہ آج ہماری باری تھی، کل تم لوگوں کی باری ہے، تم لوگ بھی اس امتحان میں سربلند رہنا اور پورے جوش و جذبے، استقامت و ثابت قدمی سے صہیونیت کے خلاف اس جنگ و معرکے کو بغیر خوف و ڈر کے جاری رکھنا، یقیناً سربلند رہوگے۔ انہوں نے کہا کہ ہم سب کی ذمہ داری ہے کہ اسلام و قرآن دشمنوں کو پہچانیں، انکے خلاف میدان عمل میں ڈٹے رہیں، ان سے کبھی دھوکا نہ کھائیں، شہادت مردان خدا کیلئے عظیم سعادت ہے، انہوں نے کہا کہ ہم سب کی ذمہ داری ہے کہ صہیونیت کے خلاف اپنے اسلامی مزاحمتی بھائیوں کی ہر طرح سے مدد و نصرت کو پہنچیں۔ انہوں نے کہا کہ ہم سب کی دعا ہے کہ خدایا ہم سب کو سید مقاومت سید حسن نصراللہ و دیگر مزاحمتی شہداء کی راہ پر گامزن و ثابت قدم رکھ اور ہمیں کافرین پر نصرت عطا کر۔
آیت اللہ دری نجف آبادی نے کہا کہ ہم تمام شیعہ و سنی علماء، سیاستدان سمیت ملک پاکستان کے تمام طبقات، جنہوں نے طوفان الاقصیٰ کے بعد سے ابتک ہر طرح سے کھل کر اہل غزہ و فلسطین کے ساتھ اپنی حمایت، قلبی جذبات و احساسات کا اظہار کیا، ان کا تہہ دل سے شکریہ ادا کرتے ہیں، ایک ایک فرد کی ذمہ داری ہے کہ وہ غزہ کی تعمیر نو کیلئے جس طرح بھی ممکن ہو بڑھ چڑھ کر حصہ لیں اور اس سلسلے میں امریکا و اسرائیل کی کسی بھی قسم کی دھمکیوں سے خوفزدہ نہ ہوں، کیونکہ جو اللہ تعالیٰ پر توکل و بھروسہ کریگا، بے شک وہ خداوندعالم کی ذات ہی اس کیلئے کافی و شافی ہے۔ کانفرنس میں گروہ سرود صبح ظہور و جامعہ المصطفیٰؐ کے طلاب نے تواشیح پیش کی۔ اس موقع پر سید مقاومت سید حسین نصراللہ شہید سے متعلق خصوصی ڈاکیومنٹریز بھی چلائی گئیں۔ جلسہ میں نظامت کے فرائض محمد علی نقوی، جبکہ اردو مترجم کے فرائض خاور عباس نے انجام دیئے۔
ذریعہ: Islam Times
کلیدی لفظ: سید مقاومت سید حسن نصراللہ آیت اللہ دری نجف آبادی نے انہوں نے کہا کہ نے کہا کہ ہم پاکستان کے کے خلاف
پڑھیں:
وقف املاک بل منظور؛ مکیش امبانی کا اربوں ڈالر مالیت کا بنگلا بھی خالی کرایا جائے گا؟
بھارت میں مودی سرکاری کے ایک اور سیاہ قانون سے ملک کے معروف بزنس مین میکشن امبانی بھی محفوظ نہیں رہ سکیں گے۔
بھارتی میڈیا کے مطابق وقف املاک بل پر تمام ہی مسلم رہنماؤں اور ارکان اسمبلی نے شدید مخالفت کی تھی جن کا ساتھ اپوزیشن جماعت کانگریس نے بھی دیا تھا۔
مسلم رہنما اسد الدین اویسی نے اس قانون کے نفاذ سے متعلق ایک اہم سوال اُٹھایا دیا۔ جس سے مودی سرکار کی نیندیں اُڑ گئی ہیں۔
اسد الدین اویسی نے بتایا کہ مکیش امبانی کا محل نما گھر جسے انٹیلیا کہا جاتا ہے دراصل وقف ٹرسٹ املاک ہے۔
مسلم رکن اسمبلی نے مزید کہا کہ انٹیلیا کو جس زمین پر بنایا گیا ہے وہ 1986ء میں کریم بھائی ابراہیم نے وقف بورڈ کو عطیہ کی تھی۔
انھوں نے مزید کہا کہ اس زمین پر ایک یتیم خانہ بھی بنایا تھا جو کافی عرصے کام بھی کرتا رہا تھا۔
اسد الدین اویسی کے بقول 2002ء میں مہاراشٹر حکومت نے زبردستی یہ زمین مکیش امبانی کو اونے پونے داموں میں بیچی تھی۔
مسلم رکن اسمبلی نے یاد دلایا کہ اسلامی قوانین کے تحت وقف جائیداد نہ فروخت ہو سکتی ہے نہ ٹرانسفر کی جا سکتی ہیں۔
اسد الدین اویسی نے سوال اُٹھایا کہ کیا وقف املاک کے قانون میں ترمیم کرکے اسے سخت بنانے کے بعد مودی سرکار مکیش امبانی سے گھر خالی کروا پائے گی۔
100 سے زائد فلموں میں کام کرنیوالے سینیئر بھارتی اداکار انتقال کر گئے