نگراں حکومت کی سانحہ 9 مئی سے متعلق رپورٹ میں پرویز الہیٰ اور شاہ محمود قریشی بری الذمہ قرار؟
اشاعت کی تاریخ: 25th, February 2025 GMT
سابق وزیر اعظم عمران خان کی گرفتاری کے پس منظر میں 9 مئی 2023 کو مبینہ طور پر تشدد کے لیے اکسانے کے معاملے پر نگراں حکومت کی کابینہ کمیٹی کی رپورٹ میں پی ٹی آئی کے صدر چوہدری پرویز الہیٰ اور ڈپٹی چیئرمین شاہ محمود قریشی کو ان واقعات سے ایک طرح سے بری الذمہ قرار دیا گیا ہے۔
سینیئرصحافی انصار عباسی کی رپورٹ کے مطابق موجودہ وفاقی کابینہ کو پیش کی گئی اس رپورٹ میں فوجی تنصیبات پر حملوں میں پی ٹی آئی کے متعدد رہنمائوں کے مبینہ کردار کی تفصیلات سے آگاہ کیا گیا ہے۔
یہ بھی پڑھیں: 9 مئی جی ایچ کیو حملہ کیس: بانی پی ٹی آئی عمران خان کی بریت کی درخواست خارج
مذکورہ رپورٹ میں پی ٹی آئی کے بانی چیئرمین عمران خان کیخلاف سرگرم انداز سے 9 مئی کے واقعات کی منصوبہ بندی کرنے کا الزام تو عائد کیا گیا ہے لیکن حیران کن طور پر پرویز الہیٰ اور شاہ محمود قریشی کا اس ضمن میں کوئی ذکر نہیں ہے۔
تاہم مذکورہ رپورٹ کے برعکس عمران خان کے بعد پی ٹی آئی دونوں رہنما 9 مئی کے پرتشدد واقعات کے تناظر میں متعدد مقدمات میں ملوث کیے جاتے رہے ہیں،
9 مئی کے پرتشدد واقعات کو ریاستی اداروں پر ایک غیر معمولی حملہ قرار دیتے ہوئے رپورٹ میں بتایا گیا ہے کہ کس طرح پی ٹی آئی کے درجنوں رہنماؤں نے مبینہ طور پر تشدد کو ہوا دی۔
مزید پڑھیں: 9 مئی کے جن سزا یافتگان کو معافی مل گئی ان کے مقدمات دوبارہ نہیں کھل سکتے، ماہرین
صحافی اںصار عباسی کی رپورٹ کے مطابق نگراں حکومت کی جانب سے جمع کرائی گئی اس رپورٹ میں پرویز الہیٰ اور شاہ محمود قریشی کے ناموں سے درگزر کے باعث کئی سوال اٹھتے ہیں، خاص طور پر اس وقت کہ جب دونوں رہنماؤں کو 9 مئی سے جڑے مقدمات میں قانونی جدوجہد کرنا پڑ رہی ہے۔
عمران خان کے علاوہ 9 مئی کے پرتشدد واقعات میں پی ٹی آئی کے جن دیگررہنماؤں کو نامزد کیا گیا ہے ان میں حماد اظہر، زرتاج، مراد سعید، فرخ حبیب، علی امین گنڈاپور، علی زیدی، انعم شیخ، شاندانہ گلزار خان، کنول شوزب، سینیٹر اعجاز چوہدری، فیصل جاوید اور شہریار آفریدی شامل ہیں۔
مزید پڑھیں:آئینی بینچ نے 9 مئی کے مخصوص ملزمان کے ملٹری ٹرائل پر سوالات اٹھا دیے
اسی طرح عمر ملک، ڈاکٹر یاسمین راشد، میاں محمود الرشید، جمشید اقبال چیمہ، زبیر نیازی، عمر چیمہ، حسان نیازی، عائشہ اقبال، عالیہ حمزہ، منزہ حسن، مسرت چیمہ، علیمہ خان، نوشین حامد، صداقت عباسی، واثق قیوم، عمر بٹ، جہانگیر بٹ، راجہ عثمان، عاطف قریشی، مسلم خان، ذیشان ممتاز، قیصر خان، ذکی بٹ، ملک عابد، سیمابیہ طاہر، آصف محمود، طیبہ ابراہیم، شبانہ فیاض اور اظہر میر کے نام بھی مذکورہ رپورٹ میں شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی انصار عباسی بری الذمہ پرتشدد واقعات پرویز الہی پی ٹی آئی شاہ محمود قریشی کابینہ کمیٹی نگراں حکومت.ذریعہ: WE News
کلیدی لفظ: بری الذمہ پرتشدد واقعات پرویز الہی پی ٹی ا ئی شاہ محمود قریشی کابینہ کمیٹی نگراں حکومت میں پی ٹی ا ئی کے شاہ محمود قریشی پرتشدد واقعات نگراں حکومت رپورٹ میں گیا ہے مئی کے
پڑھیں:
عوام خیبرپختونخوا حکومت سے مایوس، عام انتخابات میں لوگ اندھے بہرے ہوگئے تھے، پرویز خٹک
سابق وزیراعلیٰ خیبرپختونخوا پرویز خٹک نے کہا ہے کہ خیبرپختونخوا کے عوام صوبائی حکومت سے مایوس ہوچکے ہیں، عام انتخابات میں لوگ اندھے بہرے ہوگئے تھے۔
عام انتخابات کے بعد منظر نامے سے غائب ہو جانے والے پرویز خٹک قریباً ایک سال بعد سامنے آئے ہیں اور نوشہرہ میں جلسہ عام سے خطاب کیا ہے۔
یہ بھی پڑھیں پرویز خٹک کا پاکستان تحریک انصاف پارلیمنٹیرینز سے کوئی تعلق نہیں، چیئرمین میں ہوں، محمود خان
پرویز خٹک نے کہاکہ نوشہرہ کے عوام نے ہمارے ساتھ نہیں اپنے ساتھ زیادتی کی، میں نے اپنی پوری زندگی سیاست میں تباہ کردی ہے۔ تحریک انصاف والے سب سے زیادہ جھوٹ بولتے ہیں، آج سے ان کے خلاف جہاد شروع کررہا ہوں۔ پاکستان کا سب سے جھوٹا شخص عمران خان ہے۔
انہوں نے کہاکہ گزشتہ انتخابات میں لوگ اندھے بہرے ہوگئے تھے، میں نے بحیثیت وزیراعلیٰ خیبرپختونخوا کے لیے جو کچھ کیا وہ اپنے دم پر کیا۔
پرویز خٹک نے کہاکہ خیبرپختونخوا کے عوام ایک سال میں صوبائی حکومت سے نالاں ہوچکے ہیں، میں نے اپنے دور میں صحت کارڈ شروع کیا، اس کے علاوہ تعلیم اور پولیس میں اصلاحات کیں۔
انہں نے کہاکہ میں بہت جلد ایک کتاب لکھنے جارہا ہوں، جس میں سب کچھ کھل کر بیان کروں گا۔
سابق وزیراعلیٰ نے کہاکہ مولانا فضل الرحمان سے ملاقات کے بعد لوگوں نے جھوٹ بولنا شروع کردیا کہ میں جے یو آئی میں شامل ہورہا ہوں، حالانکہ ایسی کوئی بات نہیں، میں نے کسی پارٹی میں شمولیت کا اعلان نہیں کیا۔
انہوں نے کہاکہ آج کا جلسہ میں نے خاندان کے اختلافات کو ختم کرنے کے لیے کیا ہے، بلکہ یہ ایک جلسہ نہیں عوامی جرگہ ہے۔
جلسہ سے خطاب کرتے ہوئے پرویز خٹک کے بھائی لیاقت خٹک نے کہاکہ ہم بھائیوں کے درمیان جو غلط فہمیاں تھیں وہ ختم ہوگئی ہیں۔
یہ بھی پڑھیں پرویز خٹک پھر سرگرم، 22 فروری کو مستقبل کا اعلان متوقع، کیا ناراضی ختم ہوگئی؟
واضح رہے کہ پرویز خٹک نے عام انتخابات 2024 سے قبل پی ٹی آئی سے علیحدگی اختیار کرتے ہوئے پی ٹی آئی پارلیمنٹیرینز کے نام سے سیاسی جماعت بنائی تھی، تاہم وہ اپنی نشست بھی ہار گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اندھے بہرے پرویز خٹک پی ٹی آئی پی ٹی آئی پارلیمنٹیرینز تحریک انصاف جھوٹ سابق وزیراعلیٰ صوبائی حکومت عام انتخابات عمران خان محمود خان وی نیوز
کرم، شہید سیکورٹی اہلکاروں کی نماز جنازہ