عمر شہزاد شادی کے بندھن میں بندھ گئے، مسجد الحرام سے تصاویر وائرل
اشاعت کی تاریخ: 25th, February 2025 GMT
پاکستانی شوبز انڈسٹری کے معروف اداکار و ماڈل عمر شہزاد شادی کے بندھن میں بندھ گئے۔
عمر شہزاد نے فوٹو اینڈ ویڈیو شیئرنگ ایپ انسٹاگرام پر مداحوں کو اپنی شادی کی اطلاع دی اور مسجد الحرام سے تصاویر بھی جاری کیں۔
اداکار عمر شہزاد نے اپنی تصاویر کے ساتھ قرآن کی آیت پوسٹ کی جس کا مفہوم ہے کہ ’اور ہم نے تمہیں جوڑوں میں پیدا کیا‘۔انہوں نے مزید لکھا کہ ’مکہ کے بابرکت آسمانوں تلے ہماری نئی شروعات ہے۔ دعا ہے کہ ہماری زندگی محبت، ایمان اور اللہ کی رحمتوں سے بھرپور ہو‘۔
View this post on Instagram
A post shared by Omer Shahzad (@omer_shahzad)
اداکار نے اہلیہ کے ساتھ تصاویر بھی شیئر کیں لیکن اس میں دونوں کے چہرے واضح نہیں ہیں جبکہ دوسری تصویر میں دونوں نے غلافِ کعبہ پر ہاتھ رکھے ہوئے ہیں۔ عمر شہزاد کی پوسٹ پر مداحوں اور دیگر اداکاروں کی جانب سے مبارکباد دی جا رہی ہے۔
واضح رہے کہ اداکار عمر شہزاد سے قبل پاکستانی شوبز انڈسٹری کی مشہور جوڑی کبریٰ خان اور گوہر رشید نے بھی مکہ مکرمہ میں نکاح کیا تھا جس کی تصاویر اور ویڈیوز سوشل میڈیا پر شیئر ہوئی تھیں اور انہیں عوام کی جانب سے خوب سراہا گیا تھا۔
یہ بھی پڑھیں: ’70 ہزار فرشتے ہماری گواہی دے رہے ہیں‘، اداکارہ کبریٰ خان اور گوہر رشید کا مکہ مکرمہ میں نکاح، تصاویر وائرل
عمر شہزاد نے اپنے کیریئر کی شروعات 2016 میں فلم ’تیری میری لو اسٹوری‘ سے کی تھی، انہوں نے ’جوانی پھر نہیں آنی 2‘ جیسی بلاک بسٹر فلموں میں بھی اپنی اداکارانہ صلاحیتوں کا لوہا منوایا۔ اس کے علاوہ انہوں نے متعدد مقبول پاکستانی ڈراموں جیسے ’وہ پاگل سی‘، ’بھڑاس‘، ’میرے ہمسفر‘ اور ’اجنبی ہمسفر‘ میں بھی کام کیا۔
وہ آج کل نجی ٹی وی کے ڈرامہ سیریل ڈرامہ سیریل ’بھرم‘ میں ’سالار پاشا‘ کا کردار ادا کررہے ہیں جس کی دیگر کاسٹ میں حنا طارق، رابعہ کلثوم، زینب رضا، بابر علی، ارجمند رحیم، سلمیٰ حسن، رابعہ کلثوم ودیگر شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خانہ کعبہ سعودی عربیہ عمر شہزاد عمرہ کبریٰ خان گوہر رشید.ذریعہ: WE News
کلیدی لفظ: سعودی عربیہ گوہر رشید
پڑھیں:
کبریٰ خان کی مکہ میں رخصتی کی ویڈیو شیئر کردی گئی
ازدواجی بندھن میں بندھنے والے پاکستانی اداکارہ کی رخصتی کی ویڈیو سامنے آگئی۔
انسٹاگرام پر شیئر کی گئی ویڈیو مسجد الحرام میں نکاح کے بعد مکہ میں رخصتی کی ہے جس میں انہیں قرآن مجید کے سائے میں اہل خانہ نے گوہر رشید کے ساتھ رخصت کیا۔
رخصتی کی تقریب میں باقاعدہ اسٹیج بنا جبکہ رسومات بھی ادا کی گئی تھیں جس میں دونوں کے اہل خانہ اور قریبی رشتے داروں نے شرکت کی۔کبریٰ خان نے اپنی رخصتی میں دیگر دلہنوں کی طرح سرخ رنگ کا روایتی جوڑا پہنا اور نہ ہی گوہر رشید روایتی دلہا کے جوڑے میں نظر آئے۔
اس ویڈیو کو صارفین نے بہت پسند کیا ہے اور دونوں اداکاروں کی نئی زندگی کی شروعات پر نیک تمناؤں کا اظہار کیا ہے۔واضح رہے کہ نکاح اور رخصتی کے بعد گوہر اور کبریٰ کی شادی کے حوالے سے ایک روز قبل قوالی نائٹ کا انعقاد کیا گیا تھا جس میں رشتے داروں اور شوبز ستاروں نے شرکت کی تھی۔
پریانکا چوپڑا کی دریا دلی نے مداحوں کے دل جیت لیے