اڈیالہ جیل میں عمران اور بشریٰ کے ماہانہ اخراجات میں اضافہ
اشاعت کی تاریخ: 25th, February 2025 GMT
راولپنڈی(ڈیلی پاکستان آن لائن) اڈیالہ جیل میں بانی پی ٹی آئی اور ان کی اہلیہ کے ماہانہ اخراجات میں اضافہ ہوگیا۔
نجی ٹی وی چینل جیو نیوز کے مطابق جیل ذرائع کاکہنا ہے اب تک صرف ان کے کھانے پینے پر ایک کروڑروپے سے زیادہ رقم خرچ کی جاچکی ہے اور اب بشریٰ بی بی کے جیل میں آنے کے بعد اس مد میں مزید اضافہ ہوگیا ہے جوکہ ماہانہ 6 لاکھ سے بڑھ کر 8 لاکھ روپے تک پہنچ گیا ہے۔
ذرائع کے مطابق جیل میں کھانے پینے کیلئے ان کی فیملی کی جانب سے ادائیگی کی جاتی ہے، سابق وزیراعظم اور ان کی اہلیہ کے پی پی اکاؤنٹ میں رقم جمع کروائی جاتی ہے۔
کراچی: تیز رفتار ٹریلر نے صنعتکار باپ بیٹے کی جان لے لی
مزید :.ذریعہ: Daily Pakistan
کلیدی لفظ: جیل میں
پڑھیں:
توشہ خانہ 2 کیس، اڈیالہ جیل میں آج ہونے والی سماعت منسوخ کر دی گئی
سپیشل جج سینٹرل نے توشہ خانہ 2 کیس کی اڈیالہ جیل میں آج ہونے والی سماعت منسوخ کر دی ،عدالتی عملے نے سپیشل جج سینٹرل کی جانب سے سماعت منسوخی سے متعلق فیصلے سے وکیل بانی پی ٹی آئی عمران خان خالد یوسف چوہدری کو آگاہ کردیا ہے،اسلام آباد کے سپیشل سینٹرل جج کے سماعت منسوخی کے فیصلے پر اپنے ردعمل میں وکیل پی ٹی آئی کا کہنا ہے کہ جب سزا سنانی ہوتو آدھی رات تک ٹرائل چلایا جاتا ہے۔
پی ٹی آئی وکیل نے شکوہ کرتے ہوئے کہا کہ کبھی مقدمات کوتیزی سے چلایا جاتاہے تو کبھی سست کردیاجاتاہے۔خالد یوسف چودھری کا کہنا تھا کہ توشہ خانہ کیس کی آخری باری جیل میں سماعت 17 فروری کو ہوئی تھی۔وکیل بانی پی ٹی آئی کا مزید کہنا تھا کہ توشہ خانہ کیس کی سماعت کل جوڈیشل کمپلیکس اسلام آباد میں ہوگی اور سماعت کے بعد نئی تاریخ دی جائے گی۔ قبل ازیں بانی پی ٹی آئی عمران خان اور بشریٰ بی بی نے 190 ملین پاونڈ کیس میں اپیلیں جلد سماعت کیلئے مقرر کرنے کی درخواست دائر کی تھی۔بانی پی ٹی آئی عمران خان اور بشریٰ بی بی کی جانب سے خالد یوسف چوہدری نے درخواستیں اسلام آباد ہائی کورٹ میں دائر کیں جس میں اپیلیں جلد سماعت کے لیے مقرر کرنے کی استدعا کی گئی تھی۔دوسری جانب بانی پی ٹی آئی عمران خان 9مئی کے جلاﺅ گھیراو کے حوالے سے درج آٹھ مقدمات میں ضمانتوں کی درخواستوں پر سماعت آج ہوگی۔
لاہور ہائیکورٹ کا دورکنی بینچ مقدمات کی سماعت کریگا۔لاہور ہائیکورٹ کے دو رکنی بینچ کی سربراہی جسٹس شہباز رضوی کریں گے۔ عدالت نے پراسکیوشن کو دلائل دینے کیلئے طلب کر لیا ہے۔ گزشتہ سماعت پر بانی پی ٹی آئی کے وکیل نے اپنے دلائل مکمل کئے تھے۔بانی پی ٹی آئی عمران خان نے جناح ہاوس سمیت جلاو گھیراو کے آٹھ مقدمات میں ضمانتوں کیلئے ہائیکورٹ سے رجوع کر رکھا ہے۔ اس حوالے سے عدالت کی جانب سے گزشتہ سماعتوں میں مختلف قانونی نکات پر بحث کی گئی تھی اور آج کی سماعت میں مزید دلائل متوقع ہیں
شمالی وزیرستان میں تیل و گیس کا نیا ذخیرہ دریافت