وزیر اعظم کے دورۂ آذربائیجان پر ترجمان دفتر خارجہ کا اہم بیان
اشاعت کی تاریخ: 25th, February 2025 GMT
انور عباس: ترجمان دفتر خارجہ شفقت علی خان نے اپنے بیان میں کہا وزیر اعظم شہباز شریف نے 24 سے 25 فروری تک آذربائیجان کا سرکاری دورہ کیا, انہوں نے یہ دورہ صدر الہام علیئیو کی دعوت پر کیا,ملاقات کے دوران دونوں راہنماؤں نے باہمی دلچسپی کے امور اور دوطرفہ تعاون پر تفصیلی تبادلہ خیال کیا۔
ترجمان دفتر خارجہ شفقت علی خان کی طرف سے جاری بیان میں کہا گیا کہ آزربائیجانی صدر الہام علیئیو نے24 فروری کو وزیر اعظم کا زوگلبہ پیلس میں استقبال کیا, انہوں نے مختلف شعبوں میں تعاون کے مزید فروغ کی خواہش کا اظہار کیا, آذربائیجان کے صدر نے وزیر اعظم کی دعوت قبول کرتے ہوئے اپریل 2025 میں پاکستان کے دورے اور اہم معاہدوں پر دستخط کرنے پر آمادگی ظاہر کی۔
پاک سعودی تجارتی تعلقات مزید مضبوط؛ حجم 700 ملین ڈالر تک پہنچ گیا
دونوں راہنماؤں نے پاکستان اور آذربائیجان کے درمیان اسٹریٹجک شراکت داری کے عزم کا اعادہ کیا,فریقین نے دوستی اور مضبوط تعلقات میں مسلسل بہتری پر اطمینان کا اظہار کیا,انہوں نے دوطرفہ تجارت اور سرمایہ کاری کو مزید بڑھانے پر زور دیا۔
انہوں نے توانائی، بنیادی ڈھانچے، سرمایہ کاری اور روابط کے شعبوں میں مشترکہ منصوبوں کو تلاش کرنے کی اہمیت پر زور دیا,وزیر اعظم نے آذربائیجان کی ایکسپورٹ اینڈ انویسٹمنٹ پروموشن ایجنسی (AZPROMO) کے تعاون سے منعقدہ بزنس فورم میں شرکت کی۔
ویڈیو؛ بھارت سے شکست، مداح نے پاکستانی جرسی کے اوپر بھارتی شرٹ پہن لی
انہوں نے ترجیحی تجارتی معاہدے (PTA) اور ٹرانزٹ ٹریڈ معاہدے (TTA) کے نفاذ پر روشنی ڈالی,آذربائیجان-پاکستان چیمبر آف کامرس اینڈ انڈسٹری کا 12 فروری کو پاکستان میں افتتاح ہو چکا ہے،دونوں راہنماؤں نے اقوام متحدہ اور او آئی سی سمیت کثیر الجہتی فورمز پر دونوں ممالک کے درمیان فعال تعاون پر اطمینان کا اظہار کیا۔
وزیر اعظم شہباز شریف نے جموں و کشمیر کے مسئلے پر آذربائیجان کے اصولی موقف اور کشمیری عوام کے حق خودارادیت کی حمایت کو سراہا، وزیر اعظم شہباز شریف اور صدر الہام علئیو نے مختلف شعبوں میں تعاون کو فروغ دینے کے لیے دونوں ممالک کے درمیان متعدد معاہدوں اور مفاہمتی یادداشتوں پر دستخط کی تقریب میں شرکت کی۔
پی آئی اے ملازمین کی تنخواہوں میں اضافے کا ایڈمن آرڈر جاری نہ ہوسکا
وزیر اعظم نے دوسری کراباخ جنگ کے شہداء کی یادگار الے آف آنرز پر بھی پھولوں کی چادر چڑھائی, انہوں نے جنوبی قفقاز میں امن و استحکام کو فروغ دینے کے لیے آذربائیجان کی کوششوں کی پاکستان کی غیر متزلزل حمایت کا اعادہ کیا۔
ترجمان دفتر خارجہ کا مزید کہنا تھا کہ یہ دورہ پاکستان اور آذربائیجان کے درمیان گہرے تاریخی، برادرانہ تعلقات کی عکاسی کرتا ہے،دورہ دونوں ممالک کی قیادت کے باہمی تعلقات کو مزید مضبوط بنانے کے عزم کو ظاہر کرتا ہے۔
باکو: وزیراعظم شہباز شریف کی زوولبا محل آمد، گارڈ آف آنر پیش
.ذریعہ: City 42
کلیدی لفظ: ترجمان دفتر خارجہ اعظم شہباز شریف ا ذربای یجان کے کے درمیان انہوں نے
پڑھیں:
2 روزہ دورہ: وزیراعظم آذربائیجان پہنچ گئے، متعدد معاہدوں پر دستخط ہونگے
اسلام آباد ( نوائے و قت رپورٹ) وزیراعظم شہباز شریف 2 روزہ دورہ پر آذربائیجان پہنچ گئے۔ وزیراعظم شہباز شریف آذربائیجان کے صدر الہام علیوف کی دعوت پر 24 سے 25 فروری 2025ء تک جمہوریہ آذربائیجان کے 2 روزہ سرکاری دورے پر پہنچ گئے۔ باکو ایئر پورٹ پرآذر بائیجان کے اول نائب وزیر اعظم اور نائب وزیر خارجہ نے وزیر اعظم شہباز شریف کا استقبال کیا، اس موقع پر دونوں ملکوں کے سفیر بھی موجود تھے۔ترجمان دفتر خارجہ کی جانب سے جاری بیان کے مطابق وزیر اعظم محمد شہباز شریف کا مارچ 2024ء میں عہدہ سنبھالنے کے بعد سے آذربائیجان کا یہ دوسرا دورہ ہے۔ دورے کے دوران نائب وزیر اعظم اور وزیر خارجہ سینیٹر محمد اسحاق ڈار اور کابینہ کے دیگر اہم ارکان سمیت ایک اعلیٰ سطحی وفد بھی وزیراعظم کے ہمراہ ہے۔ بیان کے مطابق دورے کے دوران دونوں فریقین توانائی، تجارت، دفاع، تعلیم اور موسمیاتی شعبوں میں دوطرفہ تعاون کو مزید مضبوط کرنے کے لیے باہمی دلچسپی کے شعبوں میں وسیع تر بات چیت کریں گے۔ اس دورے کے دوران دونوں فریقین کے درمیان تعاون کے کئی شعبوں میں متعدد مفاہمت کی یادداشتوں، معاہدوں پر دستخط کیے جانے کی توقع ہے۔ توقع ہے کہ وزیر اعظم جمہوریہ آذربائیجان کی ایکسپورٹ اینڈ انویسٹمنٹ پروموشن ایجنسی کے تعاون سے منعقد ہونے والے بزنس فورم کے دوران ایک کلیدی خطاب بھی کریں گے۔ وزیر اعظم آذربائیجان کے صدر کے ساتھ آزاد کرائے گئے علاقوں کاراباخ کے خصوصی دورے کے ایک حصے کے طور پر فزولی (کاراباخ) بھی جائیں گے۔ آذربائیجان کے دو روزہ دورے پر یہاں پہنچنے کے بعد سماجی رابطے کے پلیٹ فارم "ایکس" پر اپنی پوسٹ میں وزیراعظم نے کہا کہ باکو کے خوبصورت شہر میں اترا ہوں جو ماضی اور مستقبل کا حسین امتزاج ہے۔ انہوں نے کہا کہ یہ شہر برف کی چادر تلے اور بھی دلکش لگتا ہے ۔ انہوں نے کہا کہ وہ پاکستان اور آذربائیجان کے درمیان گہرے تعلقات کو مزید مضبوط بنانے کیلئے مفید بات چیت کے منتظر ہیں۔ انہوں نے کہا کہ ہم اپنے تجارتی اور سرمایہ کاری تعلقات کو مزید فروغ دینے کے بھی خواہاں ہے۔
سکیورٹی فورسز کی جنوبی وزیرستان میں کارروائی، 30 خوارجی جہنم واصل