کیا تاجکستان سے پانی بلوچستان لانا ممکن ہے؟
اشاعت کی تاریخ: 25th, February 2025 GMT
صدر پاکستان آصف علی زرداری نے تاجکستان سے پانی لاکر بلوچستان کو سرسبز بنانے کی خوشخبری تو سنا دی ہے لیکن پانی اور واخان کوریڈور پر گہری نظر رکھنے والے ماہرین اسے زمینی حقائق کے برعکس کہہ کر سیاسی بیان قرار دے رہے ہیں۔
کچھ روز قبل پاک چائنا انسٹی ٹیوٹ میں تقریب سے خطاب کرتے ہوئے صدر مملکت آصف علی زرداری نے گوادر کو صاف پانی فراہم کرنے کی خوشخبری سنائی جو ان کے مطابق تاجکستان سے چترال لا کر پھر گوادر پہنچایا جائےگا۔
یہ بھی پڑھیں صدر مملکت آصف علی زرداری کی چین کو واخان کوریڈور میں شمولیت کی دعوت
آصف علی زرداری نے شرکا کو بتایا کہ اس حوالے سے ایک فزیبلٹی رپورٹ بھی تیار کی گئی ہے، جس میں متحدہ عرب امارات کا تعاون بھی شامل ہے، اور پھر اسے چین سے بھی شیئر کیا گیا ہے۔
’تاجکستان سے پائپ لائن سے پانی لایا جائے گا‘صدر آصف علی زرداری نے اس حوالے سے کچھ زیادہ تفصیلات تو نہیں بتائیں تاہم ان کا کہنا تھا کہ گوادر تک صاف پانی کی پائپ لائن بچھائی جائے گی۔ آصف علی زرداری نے اشارہ دیا کہ اس منصوبے میں چین کی مدد ہوگی اور رپورٹ کو چین کے ساتھ شیئر کیا جا چکا ہے۔
پشاور زرعی یونیورسٹی کے شعبہ واٹر ریسورس مینجمنٹ کے پروفیسر ڈاکٹر محمد زبیر کے مطابق تاجکستان سے پانی لانا ایک خیالی منصوبہ ہے۔
وی نیوز سے گفتگو کرتے ہوئے انہوں نے بتایا کہ انہیں فزیبلٹی کے حوالے معلومات نہیں تاہم تاجکستان سے پانی پاکستان لانا کئی لحاظ سے ممکن نہیں۔ ’ایک تو تاجکستان سے بلوچستان کا فاصلہ بہت زیادہ ہے، اور اس صورت حال میں پانی لانا ممکن نہیں لگ رہا۔‘
’یہ ایک سیاسی بیان ہے‘آبی امور کے ماہر محمد زبیر کے مطابق تاجکستان سے بلوچستان تک پانی واخان کوریڈور سے لانا ہوگا جو افغانستان کا حصہ ہونے کے ساتھ ساتھ انتہائی سرد اور پسماندہ علاقہ ہے۔ ان کے مطابق کسی دوسرے ملک سے باضابطہ معاہدے کے بغیر پانی نہیں لایا جا سکتا۔
ڈان سے وابستہ سینیئر صحافی منظور علی کے نزدیک بھی تاجکستان سے پانی لانے کا منصوبہ محض خیالی ہے، جو زمینی حقائق کے مطابق ممکن نہیں۔ ’شاید صدر زرداری واخان کوریڈور میں زمینی حقائق سے واقف نہیں ہیں۔ واخان میں ابھی تک روڈ رسائی نہیں ہے آپ اتنا بڑا منصوبہ وہاں کیسے شروع کریں گے۔‘
منظور علی نے کہاکہ واخان کوریڈور سے پاکستان پانی لانے کے لیے افغانستان کی رضامندی ضروری ہے، جسے اعتراض ہو سکتا ہے کیوں کہ تاجکستان کے دریاؤں سے افغانستان بھی استفادہ کرتا ہے۔
منظور علی نے بتایا کہ بغیر معاہدے کے کسی ملک سے پانی نہیں لایا جا سکتا اور کوئی ملک آسانی سے راضی بھی نہیں ہوتا۔ ’اگر تاجکستان سے پانی لائیں گے تو پنچ دریا کا رخ موڑنا ہوگا جو آسان نہیں ہے۔‘
انہوں نے بتایا کہ دریا کا رخ موڑنا سب سے مہنگا اور مشکل ترین کام ہے اور اس کے لیے بلین ڈالرز درکار ہوں گے۔ ’دریا کابل کا رخ اٹک کی طرف ہے جو چینتر سے شروع ہوتا ہے، آپ اس کا رخ پنجکوڑہ کی طرف نہیں موڑ سکتے، اور اگر ممکن بھی ہوا تو بلین ڈالرز کا خرچہ آئے گا۔‘
2 ہزار کلومیٹر پانی کی پائپ لائنتاجکستان سے بلوچستان تک 2 ہزار کلومیٹر سے زیادہ کا فاصلہ ہے، اور آصف علی زرداری کے مطابق پانی پائپ لائن کے ذریعے لایا جائےگا۔ محمد زبیر اور منظور علی دونوں کا خیال ہے کہ پاکستان جیسے غریب ملک کے لیے اس منصوبے کو مکمل کرنا ممکن نہیں لگ رہا۔
محمد زبیر نے بتایا کہ پاکستان نے بڑی مشکل سے 8 کلو میٹر طویل لواری ٹنل بنایا ہے جس پر اب بھی کام مکمل نہیں ہوا جبکہ تاجکستان سے پانی لانے کے لیے ایسے کئی ٹنل بنانے ہوں گے۔
ان کے مطابق گوادر کو پانی پاکستان کے کسی اور حصے سے بھی فراہم کیا جا سکتا ہے جو تاجکستان سے لانے کے مقابلے میں سستا ہوگا۔
یہ بھی پڑھیں گلیشیئرز کا تیزی سے پگھلنا تشویش کا باعث، تحفظ کے لیے سنجیدہ اقدامات کرنا ہوں گے، وزیراعظم شہباز شریف
کیا پائپ لائن سے پانی لاکر گوادر میں پانی کا مسئلہ حل کیا جا سکتا ہے؟آبادی کے تناسب سے گوادر کو اس وقت 40 لاکھ گیلن پانی کی ضرورت ہے، جبکہ آنے والے سالوں میں اس میں کئی گنا اضافہ ہو سکتا ہے۔ گوادر میں پانی کی ضرورت کو پورا کرنے کی خاطر سمندر کے پانی کو صاف کرنے کے لیے پلانٹ بھی لگایا گیا ہے جبکہ سمال ڈیم کے ذریعے 151 کلومیٹر طویل پائپ لائن بچھائی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف علی زرداری افغانستان بلوچستان پانی پانی کی ضروریات تاجکستان چین سیاسی بیان صدر مملکت فزیبلٹی رپورٹ گوادر متحدہ عرب امارات واخان کوریڈور وی نیوز.ذریعہ: WE News
کلیدی لفظ: ا صف علی زرداری افغانستان بلوچستان پانی پانی کی ضروریات تاجکستان چین سیاسی بیان صدر مملکت گوادر متحدہ عرب امارات واخان کوریڈور وی نیوز آصف علی زرداری نے تاجکستان سے پانی صف علی زرداری نے ا صف علی زرداری واخان کوریڈور نے بتایا کہ پائپ لائن ممکن نہیں منظور علی کے مطابق جا سکتا لایا جا پانی کی سکتا ہے کے لیے
پڑھیں:
اپوزیشن اتحاد میں توسیع، پی ٹی آئی کی چیف جسٹس سے ملاقات کے بعد صدر، وزیراعظم کی اہم ملاقات متوقع
اپوزیشن اتحاد میں توسیع، پی ٹی آئی کی چیف جسٹس سے ملاقات کے بعد صدر، وزیراعظم کی اہم ملاقات متوقع WhatsAppFacebookTwitter 0 22 February, 2025 سب نیوز
اپوزیشن کی جماعتوں کے حکومت مخالف اتحاد کو مزید وسعت دینے کے فیصلے اور پی ٹی آئی کے وفد کی چیف جسٹس پاکستان سے ملاقات کے بعد صدر مملکت آصف علی زرداری اور وزیراعظم شہباز شریف کے درمیان اہم ملاقات متوقع ہے جس میں ملک کی سیاسی صورتحال پر تبادلہ خیال کیا جائے گا۔ رپورٹ کے مطابق صدر مملکت آصف علی زرداری آج 2 روزہ دورے پر لاہور پہنچیں گے۔
رپورٹ کے مطابق آصف علی زرداری اس دوران سیاسی ملاقاتیں کریں گے اور دربی ریس میں شرکت کریں گے۔ رپورٹ کے مطابق ذرائع نے کہا کہ صدر آصف علی زرداری کی لاہور میں قیام کے دوران وزیراعظم شہباز شریف سے ملاقات متوقع ہے۔ذرائع کا کہنا ہے کہ صدر مملکت اور وزیر اعظم پاکستان کی ملاقات کے دوران حکمران اتحادیوں کے درمیان پاور شیئرنگ فاومولا اور دیگر سیاسی صورتحال پر تبادلہ خیال کیا جائے گا۔
ذرائع کے مطابق آصف علی زرداری گورنر ہاوس میں سردار سلیم حیدر پنجاب کی صورتحال پر بھی بات چیت کریں گے، صدر آصف علی زرداری جنوبی پنجاب کے صدر سابق گورنرمخدوم احمد محمود کے گھر بھی جائیں گے۔ذرائع نے کہا کہا صدر مملکت اتوار کو لاہور ریس کلب میں ہونے والی ڈربی ریس میں مہمان خصوصی شرکت کریں گے۔
فتنہ خوارج اور پاک فوج