وینا ملک اپنی والدہ سے صرف 10 سال چھوٹی ہے، حقیقت کیا ہے؟
اشاعت کی تاریخ: 25th, February 2025 GMT
معروف اداکارہ، ماڈل اور ٹی وی میزبان وینا ملک نے اپنی سالگرہ کے موقع پر میڈیا سے گفتگو کرتے ہوئے انٹرنیٹ پر اپنی عمر سے متعلق پھیلائی جانے والی غلط معلومات کی تردید کی ہے۔
انہوں نے کہا کہ گوگل پر ان کی عمر 48 سال درج ہے جو حقیقت کے برعکس ہے اور اس کے مطابق وہ اپنی والدہ سے صرف 10 سال چھوٹی ہیں۔ وینا ملک نے اپنی اصل عمر بتانے سے گریز کرتے ہوئے صرف یہ بتایا کہ ان کی سالگرہ 20 فروری کو ہوتی ہے۔
شادی کے حوالے سے وینا ملک نے واضح کیا کہ فی الحال ان کا کوئی ارادہ نہیں ہے لیکن اگر قسمت میں لکھا ہوا تو وہ اسے روک نہیں سکتیں۔ انہوں نے مزید بتایا کہ وہ گلوکاری اور نعت خوانی میں بھی قسمت آزما چکی ہیں لیکن زیادہ کامیابی حاصل نہیں ہوئی۔ سیاست کے بارے میں ان کا کہنا تھا کہ ان کا اس سے کوئی تعلق نہیں ہے اور وہ خود کو غیر سیاسی سمجھتی ہیں۔
کرکٹ کے بارے میں وینا ملک نے کہا کہ پاکستان میں ہر کوئی، چاہے کرکٹ کی بنیادی معلومات نہ بھی رکھتا ہو، اس کھیل کا شوقین ہے، اور وہ خود بھی کرکٹ کی بڑی مداح ہیں۔
حال ہی میں، وینا ملک نے انسٹاگرام پر ایک نامعلوم نوجوان کے ساتھ تصاویر شیئر کیں، جس پر مداحوں نے مختلف قیاس آرائیاں کیں۔ تاہم، اداکارہ نے ان تصاویر کے بارے میں کوئی وضاحت نہیں دی۔
واضح رہے کہ وینا ملک نے 2013 میں اسد بشیر خٹک سے شادی کی تھی، جس سے ان کے دو بچے ہیں۔ 2017 میں ان کی علیحدگی ہو گئی تھی، اور اس کے بعد سے ان کی ذاتی زندگی کے بارے میں مختلف افواہیں گردش کرتی رہی ہیں۔
وینا ملک نے مزید بتایا کہ انہیں تاحال شادی کے لیے متعدد پیشکشیں موصول ہوتی ہیں، لیکن ان کا فی الحال شادی کا کوئی ارادہ نہیں ہے۔ انہوں نے مزید کہا کہ وہ حسن پرست ہیں اور چاہتی ہیں کہ ان کا شریک حیات دراز قد اور خوبصورت ہو۔
ان تمام باتوں کے باوجود، وینا ملک نے اپنی اصل عمر بتانے سے گریز کیا اور انٹرنیٹ پر موجود معلومات کو غلط قرار دیا۔
.ذریعہ: Express News
کلیدی لفظ: کے بارے میں وینا ملک نے
پڑھیں:
ابراہیم علی خان اور پلک تیواری کا افیئر؛ حقیقت سامنے آگئی
معروف اداکار سیف علی خان کے بیٹے ابراہیم علی خان نے فلم نادانیاں سے شوبز کی دنیا میں قدم رکھ دیا ہے لیکن فلم سے زیادہ ان کا افیئر مارکیٹ میں چل پڑا ہے۔
بھارتی میڈیا کے مطابق ہر گزرتی دن کے ساتھ یہ خبر جڑ پکڑتی جا رہی ہے کہ نواب ابراہیم علی خان اپنی ساتھی اداکارہ کو دل دے بیٹھے ہیں۔
یہ بھی کہا جا رہا ہے کہ معاملہ یک طرفہ نہیں بلکہ پلک تیواری میں ابراہیم علی خان کو پسند کرتی ہیں۔
دونوں کے افیئرز کو اس وقت مزید شہرت ملی جب پاپا رازی فوٹوگرافرز نے دعویٰ کیا کہ ابراہیم علی خان اور پلک تیواری مالدیپ میں چھٹیاں منا رہے ہیں۔
تاہم اب ایک حالیہ انٹرویو میں ابراہیم علی خان نے ان خبروں پر خاموشی توڑ دی اور کہا کہ پلک میری صرف اچھی دوست ہیں اور ہاں وہ بہت پیاری ہے بس اتنا ہی کہوں گا۔
قبل ازیں پلک تیواری بھی اس معاملے پر یہی کچھ کہہ چکی ہیں کہ وہ اور ابراہیم صرف اچھے دوست ہیں۔
قبل ازیں پلک تیواری معروف اداکارہ شویتا تیواری کی بیٹی ہیں جنھوں نے ان افواہوں پر کہا تھا کہ افواہوں کے مطابق میری بیٹی ہر تیسرے لڑکے کو ڈیٹ کر رہی ہے اور میں ہر سال شادی کر رہی ہوں بلکہ میری تو پہلے ہی تین شادیاں کروائی جا چکی ہیں۔
امریکا کی جانب سے پاکستانیوں کے ویزوں کی منسوخی برین ڈرین میں کمی کا سبب بن سکتی ہے؟