شہید مقاومت کی یاد میں گلگت اور استور میں شمعیں روشن
اشاعت کی تاریخ: 24th, February 2025 GMT
استور میں ایم ڈبلیو ایم کے کوارڈینیٹر شیخ قمر شاکری اور دیگر شرکاء نے شمعیں روشن کی، شہدائے مقاومت کی بلندی درجات کیلئے فاتحہ خوانی بھی کی گئی۔ ادھر گلگت میں ایم ڈبلیو ایم کے زیر اہتمام ہسپتال چوک میں شمعیں روشن کی گئیں اور شہدائے مقاومت کو خراج عقیدت پیش کیا گیا۔ چھوٹی تصاویر تصاویر کی فہرست سلائیڈ شو
گلگت میں ہسپتال چوک پر شمعیں روشن کی گئیں
گلگت میں شمعیں روشن کرتے ہوئے
گلگت ہسپتال چوک
گلگت ہسپتال چوک
ایم ڈبلیو ایم کے مقامی رہنماوں نے شمعیں روشن کیں
گلگت ہسپتال چوک پر شمعیں روشن کی گئیں
گلگت
استور میں شہدائے مقاومت کی یاد میں شمعیں روشن کرتے ہوئے
استور میں بھی ایم ڈبلیو ایم کی جانب سے شمعیں روشن کی گئیں
ایم ڈبلیو ایم کے کوارڈنیٹر شیخ قمر شاکری شرکاء کے ساتھ
اسلام ٹائمز۔ شہید مقاومت سید حسن نصر اللہ و سید ہاشم صفی الدین کی یاد میں اور انہیں خراج عقیدت پیش کرنے کیلئے گلگت اور استور میں شمعیں روشن کی گئیں۔ استور میں ایم ڈبلیو ایم کے کوارڈینیٹر شیخ قمر شاکری اور دیگر شرکاء نے شمعیں روشن کی، شہدائے مقاومت کی بلندی درجات کیلئے فاتحہ خوانی بھی کی گئی۔ ادھر گلگت میں ایم ڈبلیو ایم کے زیر اہتمام ہسپتال چوک میں شمعیں روشن کی گئیں اور شہدائے مقاومت کو خراج عقیدت پیش کیا گیا۔.ذریعہ: Islam Times
کلیدی لفظ: میں ایم ڈبلیو ایم کے شمعیں روشن کی گئیں شہدائے مقاومت استور میں مقاومت کی گلگت میں
پڑھیں:
پوری دنیا شہید مقاومت کو سلام عقیدت پیش کر رہی ہے، علامہ مقصود ڈومکی
جیکب آباد میں منعقدہ تقریب سے خطاب کرتے ہوئے علامہ مقصود ڈومکی نے کہا کہ سید مقاومت کی تدفین کے موقع پر دنیا بھر کے شیعہ اور سنی مسلمان امریکہ اور اسرائیل کیخلاف اپنے غم اور غصے کا اظہار کرکے شہدائے مقاومت کو سلام عقیدت پیش کر رہے ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا کہ سید مقاومت کی شہادت پر پورا عالم اسلام سوگوار ہے۔ پاکستان کے شیعہ سنی عوام متحد ہو کر قبلہ اول کی آزادی کی تحریک میں حماس اور حزب اللہ کے ساتھ کھڑے ہیں۔ ان خیالات کا اظہار انہوں نے سید مقاومت شہید علامہ سید حسن نصراللہ اور شہید سید ہاشم صفی الدین کی تشییع جنازہ کے موقع پر ڈی سی چوک جیکب آباد میں شہداء سے تجدید عہد کے عنوان سے منعقدہ تقریب سے خطاب کرتے ہوئے کیا۔ اس موقع پر تقریب سے خطاب کرتے ہوئے علامہ مقصود ڈومکی نے کہا کہ آج سید مقاومت کی تدفین کے موقع پر دنیا بھر کے شیعہ اور سنی مسلمان امریکہ اور اسرائیل کے خلاف اپنے غم اور غصے کا اظہار کرکے شہدائے مقاومت کو سلام عقیدت پیش کر رہے ہیں۔
انہوں نے کہا کہ بانی پاکستان حضرت قائداعظم محمد علی جناح رحمت اللہ علیہ اور حکیم الامت مصور پاکستان حضرت علامہ ڈاکٹر محمد اقبال رحمۃ اللہ علیہ نے اس وقت اسرائیل غاصب کی مخالفت کی جب برطانیہ اور عالمی سامراجی قوتیں غاصب ریاست کے ناجائز وجود کا اعلان کر رہی تھیں۔ لہٰذا پاکستان کے غیرت مند عوام اور سیاسی مذہبی و قوم پرست جماعتوں نے ہمیشہ تحریک آزادی فلسطین کی غیر مشروط حمایت کی ہے۔ ہم کسی بھی غدار کو یہ اجازت ہرگز نہیں دیں گے کہ وہ غاصب اسرائیل کو تسلیم کرے اور قبلہ اول اور فلسطین کے ساتھ خیانت کرے۔ تقریب میں شہداء کی یاد میں شمع روشن کرکے شہداء کی تصاویر پر پھول نچھاور کئے گئے۔
تقریب سے پ ٹ الف سندھ کے سابقہ صدر انتظار حسین چھلگری، شہری اتحاد جیکب آباد کے رہنماء اور مہران سوشل فورم کے چیئرمین ایڈوکیٹ عبدالحئی سومرو، جماعت اسلامی کے ضلعی امیر محمد ابوبکر سومرو، پیپلز پارٹی شہید بھٹو کے ضلعی صدر منجھو انجمن سپاہ علی اکبر، جیکب آباد کے چیئرمین سید احسان علی شاہ بخاری، مجلس وحدت مسلمین عزاداری ونگ کے صوبائی نائب صدر سید غلام شبیر نقوی، آئی ایس او کے صدر اظہار الحسن، ڈومکی اتحاد کے جنرل سیکرٹری استاد عبدالفتاح ڈومکی، احمد علی ٹالانی، میرالی اتحاد کے صدر علی بخش میرالی، نثار احمد ابڑو اور ایم ڈبلیو ایم عزاداری ونگ کے ضلعی صدر نور الدین گولاٹو و دیگر نے خطاب کیا۔ اس موقع پر پیام ولایت اسکاؤٹس کے رہنماء سید گلزار علی شاہ، امداد حسین جعفری و دیگر شہدائے راہ حق کو اسکاؤٹس سلامی پیش کی۔
بارکھان میں مسلح افراد نے 7 مسافروں کو بس سے اتار کر قتل کردیا