نارتھ ساؤتھ راہداری کاروباری سرگرمیوں میں معاون ثابت ہوگی، شہباز شریف
اشاعت کی تاریخ: 24th, February 2025 GMT
باکو میں آذربائیجان کے صدر کے ساتھ مشترکہ پریس کانفرنس کرتے ہوئے وزیراعظم کا کہنا تھا کہ دفاعی پیداوار کے شعبے میں تعاون کو فروغ دیا جائے گا، پاکستان میں سرمایہ کاری کے بڑے مواقع ہیں، مختلف شعبوں میں تعاون پر آذربائیجان کی قیادت کے مشکور ہیں۔ اسلام ٹائمز۔ وزیراعظم شہباز شریف نے کہا ہے کہ نارتھ ساؤتھ راہداری کاروباری سرگرمیوں اور روابط میں معاون ثابت ہوگی۔ وزیراعظم نے باکو میں نگورنو کاراباخ کی جنگ کے ہیروز اور شہدا کی یادگار فتح کا دورہ کیا، شہباز شریف نے یادگار پر پھول رکھے۔
بعد ازیں صدر آذربائیجان الہام علیوف کے ساتھ مشترکہ پریس کانفرنس کرتے ہوئے انہوں نے کہا کہ 2 ارب ڈالر سرمایہ کاری کے معاہدوں کو ایک ماہ میں حتمی شکل دینے پر اتفاق ہوا ہے۔
شہباز شریف کا کہنا تھا کہ دفاعی پیداوار کے شعبے میں تعاون کو فروغ دیا جائے گا، پاکستان میں سرمایہ کاری کے بڑے مواقع ہیں، مختلف شعبوں میں تعاون پر آذربائیجان کی قیادت کے مشکور ہیں۔ وزیراعظم نے کہا کہ دونوں ملکوں کے درمیان معاشی سرگرمیوں سے معیشت میں استحکام آئے گا، پاکستان میں غیرملکی سرمایہ کاروں کوسہولیات فراہم کر رہے ہیں، نارتھ ساؤتھ راہداری کاروباری سرگرمیوں اور روابط میں معاون ثابت ہوگی۔
ان کا کہنا تھا کہ راہداری مستقبل میں گیم چینجرثابت ہوگی، سرمایہ کاروں کو تجارتی سہولیات سےکاروباری سرگرمیوں میں اضافہ ہو گا، آخر میں انہوں نے پاکستان آذربائیجان دوستی زندہ باد کا نعرہ بھی لگایا۔ دوسری جانب صدر آذربائیجان الہام علیوف کا اپنی گفتگو میں کہنا تھا کہ دونوں ملکوں کی تاجربرادری کو پرکشش مواقع سے فائدہ اٹھانا چاہیے، گزشتہ دورہ پاکستان کے دوران مختلف شعبوں میں تعاون پربات ہوئی۔
ذریعہ: Islam Times
کلیدی لفظ: کہنا تھا کہ شہباز شریف میں تعاون
پڑھیں:
وزیراعظم شہباز شریف 2 روزہ سرکاری دورے پر آذربائیجان روانہ
وزیراعظم پاکستان شہباز شریف 2 روزہ دورے پر آذربائیجان روانہ ہوگئے۔
آذربائیجان کے صدر الہام علیوف کی دعوت پر وزیراعظم شہباز شریف 24 سے 25 فروری 2025 تک جمہوریہ آذربائیجان کا 2 روزہ سرکاری دورہ کریں گے۔
یہ بھی پڑھیں وزیراعظم شہباز شریف کا آئندہ ہفتے وسطی ایشیا کا اہم دورہ، تیاری آخری مراحل میں داخل
وزیراعظم شہباز شریف کا مارچ 2024 میں وزارت عظمیٰ کا منصب سنبھالنے کے بعد آذربائیجان کا یہ دوسرا دورہ ہے۔
نائب وزیراعظم و وزیر خارجہ محمد اسحاق ڈار، وفاقی وزرا جام کمال خان، عبدالعلیم خان، چوہدری سالک حسین، عطااللہ تارڑ اور معاون خصوصی طارق فاطمی بھی دورے کے دوران وزیرِاعظم کے ہمراہ ہوں گے۔
دورے کے دوران وزیراعظم شہباز شریف آذربائیجان کے صدر کے ساتھ ملاقات کے علاوہ بزنس فورم سے بھی خطاب کریں گے۔ ملاقات میں باہمی دلچسپی کے شعبوں پر بات چیت ہوگی تاکہ توانائی، تجارت، دفاع، تعلیم اور موسمیاتی شعبوں میں دوطرفہ تعاون بڑھایا جاسکے۔
اس دورے کے دوران دونوں ممالک کے مابین تعاون کے متعدد شعبوں میں مفاہمتی یادداشتوں و معاہدوں پر دستخط کیے جائیں گے۔
یہ بھی پڑھیں وزیراعظم شہباز شریف کا ٹرمپ انتظامیہ کے ساتھ مل کر کام کرنے کی خواہش کا اعادہ
وزیراعظم کا دورہ آذربائیجان کے ساتھ پاکستان کے تعلقات کو مزید مستحکم کرنے، وسیع تر اقتصادی تعاون کو فروغ دینے اور مشترکہ ترقی کے لیے شراکت داری کی نئی راہیں تلاش کرنے کے لیے پاکستان کے عزم کی عکاسی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آذربائیجان سرکاری دورہ شہباز شریف وزیراعظم پاکستان وی نیوز
بارکھان میں مسلح افراد نے 7 مسافروں کو بس سے اتار کر قتل کردیا