یورپی یونین نے شام پر سے متعدد اقتصادی پابندیاں ہٹالیں
اشاعت کی تاریخ: 24th, February 2025 GMT
یورپی یونین نے ملک کی سیاسی منتقلی کے دوران جمہوری ترقی کی حمایت کرنے کی کوشش کے طور پر شام پر سے متعدد اقتصادی پابندیاں ہٹا دیں۔
تنظیم نے پیر کے روز اعلان کیا کہ اس نے تیل، گیس اور بجلی، ہوا بازی سمیت ٹرانسپورٹ سیکٹر پر بھی پابندیاں معطل کردی ہیں۔
تاہم یورپی یونین نے خبردار کیا کہ اگر شام کی ڈی فیکٹو قیادت متوقع اصلاحات پر عمل درآمد نہیں کرتی ہے تو اس فیصلے کو تبدیل کیا جا سکتا ہے۔
یہ بھی پڑھیں: شام، اسد دور حکومت میں لاپتا افراد کے لواحقین کو اپنے پیاروں کی تلاش
یورپی یونین نے 5 بینکوں کو فنڈ دینے اور بعض اقتصادی وسائل فراہم کرنے کا امکان بھی بحال کردیا جبکہ شام کو ذاتی استعمال کے لیے پرتعیش اشیا کی ایکسپورٹ پر پابندیوں میں بھی نرمی کی جائے گی۔
تاہم یورپی یونین نے شام میں تمام اقتصادی شعبوں اور افراد پر پابندیوں کو برقرار رکھا ہے جو معزول صدر بشار الاسد کے دور میں لگائی گئی تھیں۔ ملک کی نئی قیادت نے مغرب پر زور دیا ہے کہ وہ پابندیوں میں نرمی کرے تاکہ شام کو برسوں کی ظالم حکمرانی اور خانہ جنگی سے نکالنے میں مدد مل سکے۔
یورپی یونین نے ایک بیان میں کہا کہ اس کے وزرائے خارجہ نے منتخب پابندیوں کو معطل کرنے کا فیصلہ شام میں ایک جامع سیاسی منتقلی اور اس کی تیزی سے اقتصادی بحالی، تعمیر نو اور استحکام کی کوششوں کے حصے کے طور پر کیا گیا ہے۔
یورپی یونین نے مزید کہا کہ اگر شام کے عبوری حکمران غلط سمت میں آگے بڑھتے ہیں تو پابندیاں دوبارہ عائد کردی جائیں گی۔
مزید پڑھیے: بشار الاسد حکومت کا خاتمہ: شام نے روس کے ساتھ طویل المدتی فوجی معاہدہ ختم کردیا
یاد رہے کہ حیات تحریر الشام (ایچ ٹی ایس) مسلح گروپ کے رہنما احمد الشارع کو گزشتہ ماہ ملک کے بیشتر سابق باغی دھڑوں کے اجلاس کے بعد عبوری صدر نامزد کیا گیا تھا۔ ان کی تنظیم نے اسد خاندان کی 5 دہائیوں کی حکمرانی کا تختہ الٹ دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شام شام پر اقتصادی پابندیاں یورپی یونین.ذریعہ: WE News
کلیدی لفظ: شام پر اقتصادی پابندیاں یورپی یونین یورپی یونین نے
پڑھیں:
مودی کے مقبوضہ کشمیر کے دورے سے قبل پابندیاں مزید سخت
نریندر مودی کے دورے سے قبل علاقے میں بھارتی فوجیوں کی نفری بڑھا دی گئی ہے اور کشمیریوں کی جبری گرفتاریوں کی اطلاعات بھی ہیں۔ نگرانی اور گشت بڑھا دیا گیا ہے۔ اسلام ٹائمز۔ بھارتی وزیراعظم نریندر مودی کے 19 اپریل کو مقبوضہ جموں و کشمیر کے دورے سے قبل پورے مقبوضہ علاقے میں پابندیاں مزید سخت کر دی گئی ہیں۔ ذرائع کے مطابق بھارتی وزیراعظم نریندر مودی کے کشمیر کے دورے کے موقع پر قابض حکام نے پورے مقبوضہ علاقے میں پابندیاں مزید سخت کر دی ہیں جس سے مقامی لوگوں کی مشکلات میں اضافہ ہو گیا ہے۔کئی اضلاع بالخصوص جموں خطے میں عوامی نقل و حرکت پر سخت پابندی عائد ہے۔ نریندر مودی کے دورے سے قبل علاقے میں بھارتی فوجیوں کی نفری بڑھا دی گئی ہے اور کشمیریوں کی جبری گرفتاریوں کی اطلاعات بھی ہیں۔ نگرانی اور گشت بڑھا دیا گیا ہے جبکہ حفاظتی چوکیوں قائم اور تلاشیوں کا سلسلہ تیز کر دیا گیا ہے، جس سے کشمیریوں کی روزمرہ کی زندگی بڑی حد تک متاثرہ ہوئی ہے اور کشمیریوں میں محرومی اور بیگانگی کا احساس مزید بڑھ گئی ہے۔ کشمیری نریندر مودی کے دورے کو مقبوضہ علاقے میں ٹرین یا پل کے افتتاح کے بجائے بھارت کے غیر قانونی قبضے کی علامتی تقویت کے طور پر دیکھتے ہیں۔ مودی کی سکیورٹی کے ذمہ دار اسپیشل پروٹیکشن گروپ نے ضلع ریاسی کے علاقے کٹرا میں پنڈال کا کنٹرول سنبھال لیا ہے۔ مودی 19 اپریل کو کشمیر کے لیے پہلی ٹرین کا افتتاح کریں گریں گے۔
کراچی، تیز رفتار ڈمپر نے متعدد موٹر سائیکل افراد کو روند ڈالا، تین افراد زخمی، 4 ڈمپرز نذر آتش