وزیر اعظم محمد شہباز شریف منگل سے ازبکستان کا 2 روزہ سرکاری دورہ کریں گے
اشاعت کی تاریخ: 24th, February 2025 GMT
اسلام آباد :وزیر اعظم محمد شہباز شریف جمہوریہ ازبکستان کے صدر شوکت مرزیوئیف کی دعوت پر ( کل ) منگل سے ازبکستان کا 2 روزہ سرکاری دورہ کریں گے۔ پیر کو دفتر خارجہ سے جاری بیان کے مطابق وزیر اعظم محمد شہباز شریف جمہوریہ ازبکستان کے صدر شوکت مرزیوئیف کی دعوت پر 25 اور 26 فروری کو ازبکستان کا سرکاری دورہ کریں گے۔ وزیراعظم کے ہمراہ ایک اعلیٰ سطحی وفد بھی ہو گا جس میں نائب وزیر اعظم و وزیر خارجہ اور ان کی کابینہ کے دیگر اراکین بھی شامل ہوں گے۔ وزیراعظم پاکستان اور ازبکستان کے صدر دوطرفہ ملاقات کے دوران دوطرفہ تعاون کے تمام شعبوں بشمول روابط، اقتصادی، تجارت، سرمایہ کاری، توانائی، دفاع اور سلامتی، علاقائی استحکام اور تعلیم پر بات چیت کریں گے۔ دونوں رہنما باہمی دلچسپی کے علاقائی اور بین الاقوامی امور پر بھی تبادلہ خیال کریں گے۔ دورہ کے دوران کئی دوطرفہ معاہدوں/ایم او یوز پر بھی دستخط کئے جائیں گے۔وزیراعظم پاکستان ازبکستان بزنس فورم سے بھی خطاب کریں گے۔ دونوں ممالک کے سرکردہ تاجر بزنس فورم میں شرکت کریں گے اور دو طرفہ تجارت کو مزید بڑھانے کے لئے بی 2 بی ملاقاتیں کریں گے۔پاکستان اور ازبکستان تاریخ، ثقافت، مذہب اور امن اور ترقی کے لئے اپنی خواہشات کے مشترکہ بندھنوں میں بندھے ہوئے ہیں۔وزیر اعظم کا دورہ علاقائی انضمام اور اقتصادی خوشحالی کے تذویراتی وژن کے حصے کے طور پر زیادہ اقتصادی تعاون کو فروغ دینے اور شراکت داری کی نئی راہیں تلاش کرنے کے ذریعے ازبکستان کے ساتھ اپنے تعلقات کو مزید مستحکم کرنے کے پاکستان کے عزم کی نشاندہی کرتا ہے۔
.ذریعہ: Daily Mumtaz
کلیدی لفظ: ازبکستان کے کریں گے
پڑھیں:
وزیر اعظم شہباز شریف 2 روزہ سرکاری دورے پر آذربائیجان پہنچ گئے
باکو : وزیز اعظم شہباز شریف 2 روزہ دورے آذربائیجان پہنچ گئے ہیں، نائب وزیراعظم یعقوب عبداللہ اوعلوایوبوف اوردیگر اعلیٰ حکام نے ایئرپورٹ پر شاندار استقبال کیا۔
تفصیلات کے مطابق وزیراعظم شہباز شریف پاکستانی وفد کے ہمراہ اپنے 2 روزہ سرکاری دورے پر آذر بائیجان کے دارالحکومت باکو پہنچ گئے۔
حیدر علیوف بین الاقوامی ہوائی اڈے پر آذربائیجان کے اول نائب وزیراعظم یعقوب عبداللہ اوعلو ایوبوف، نائب وزیرخارجہ یالچین رفائیف، آذربائیجان میں پاکستان کے سفیرقاسم محی الدین اور دیگر سینئر حکام نے وزیرِ اعظم کا پرتپاک استقبال کیا۔
وزیراعظم، آذربائیجان کے صدر الہام علیوف اور دیگر اعلیٰ آذربائیجانی حکام کے ساتھ اعلیٰ سطحی ملاقاتیں کریں گے، اس کے علاوہ دو طرفہ تعلقات کی مضبوطی، تجارت اور سرمایہ کاری میں وسعت، توانائی و دفاعی تعاون کے فروغ، ماحولیاتی تبدیلی کے مضر اثرات سے نمٹنے کے لیے تعاون اور ثقافتی تبادلوں کو فروغ دینے پر تبادلہ خیال ہوگا۔
دونوں برادر ممالک کے درمیان شراکت داری کے لیے متعدد مفاہمتی یادداشتوں اورمعاہدوں پردستخط کیے جائیں گے، شہبازشریف اور آذربائیجان کی قیادت بزنس فورم سے بھی خطاب کریگی، فورم میں دونوں ممالک کی کاروباری شخصیات بھی شرکت کریںگی، تاکہ مشترکہ منصوبوں اور تجارت اور سرمایہ کاری کے مواقع تلاش کرنے کے لیے کاروبار سے کاروبارتعاون پر زور دیا جا سکے۔
نائب وزیراعظم و وزیر خارجہ اسحاق ڈار، وزرا جام کمال،عبدالعلیم خان، چوہدری سالک حسین،عطا تارڑ اورمعاون خصوصی طارق فاطمی وزیرِاعظم کے ہمراہ ہیں۔
سکھرمیں ن لیگ ورکرزکنونشن کی تیاریاں عروج پر