وزیراعظم شہباز شریف کی زوولبا محل آمد: گارڈ آف آنر پیش
اشاعت کی تاریخ: 24th, February 2025 GMT
باکو: وزیرِ اعظم محمد شہباز شریف آذربائیجان کے صدر عزت مآب الہام علیوف سے ملاقات کیلئے زوولبا محل پہنچ گئے۔آذربائیجان کے زوولبا محل آمد پر آذربائیجان کے صدر الہام علیوف نے وزیراعظم شہباز شریف کا استقبال کیا. جس کے بعد ان کو گارڈ آف آنر بھی پیش کیا گیا۔اس موقع پر دونوں رہنماؤں نے پرجوش مصافحہ کیا جبکہ اس دوران دونوں ممالک کے ترانے بھی بجائے گئے۔
.ذریعہ: Nawaiwaqt
پڑھیں:
آذر بائیجان سے 2 ارب ڈالر کی سرمایہ کاری پر اتفاق ہوا ، وزیراعظم شہبازشریف
وزیراعظم شہباز شریف نے کہا ہے کہ پاکستان اور آذر بائیجان کے درمیان 2 ارب ڈالر کی سرمایہ کاری کے معاہدوں کو ایک ماہ میں حتمی شکل دینے پر اتفاق ہوا ہے، ہم مختلف شعبوں میں تعاون پر آذر بائیجان کے شکر گزار ہیں۔
وزیراعظم شہباز شریف نے آذربائیجان میں کاراباغ جنگ کے ہیروز کو خراج عقیدت پیش کرنے کے لیے منعقدہ تقریب میں شرکت کی اور شہدا کے یادگار پر پھول چڑھائے۔
بعد ازاں آذر بائیجان کے شہر باکو میں بزنس فورم سے خطاب کرتے ہوئے وزیراعظم شہباز شریف نے کہا کہ پاکستان اور آذربائیجان کے درمیان دیرینہ تعلقات ہیں، دونوں ممالک کی قیادت کے درمیان تعمیری بات چیت ہوئی ہے، دونوں کے درمیان تجارت کو مزید فروغ دیا جائے گا۔
وزیراعظم نے کہا کہ آذربائیجان اور پاکستان کے درمیان 2 ارب ڈالر سرمایہ کاری کے معاہدوں کو ایک ماہ میں حتمی شکل دینے پر اتفاق ہوا ہے جبکہ دفاعی پیداوار کے شعبے میں بھی تعاون بڑھایا جائے گا۔
انہوں نے مزید کہا کہ وہ مختلف شعبوں میں تعاون پر آذربائیجان کے مشکور ہیں، دونوں ممالک کے درمیان معاشی سرگرمیوں سے معیشت میں استحکام آئے گا۔
شہباز شریف نے کہا کہ پاکستان میں سرمایہ کاری کے بڑے مواقع ہیں، غیر ملکی سرمایہ کاروں کو سہولتیں فراہم کررہے ہیں اور نارتھ ساؤتھ راہداری کاروباری سرگرمیوں اور روابط میں معاون ثابت ہوگی۔
کراچی کے صارفین کیلیے بجلی 4روپے 95 پیسے فی یونٹ سستی کرنے کی درخواست