کانپور: چچا بھتیجی کی محبت کا المناک انجام، لاشیں خستہ حال مکان سے برآمد
اشاعت کی تاریخ: 24th, February 2025 GMT
کانپور (نیوز ڈیسک) کانپور کے سجیتی علاقے کے ڈوہرو گاؤں میں اس وقت سنسنی پھیل گئی جب ایک جوڑے کی لاشیں ایک خستہ حال مکان سے برآمد ہوئیں۔ مرنے والوں کی شناخت 21 سالہ سونی اور انکت کے طور پر ہوئی، جو گھاٹم پور کے رہائشی اور چچا بھتیجی تھے۔ دونوں کے درمیان محبت کا تعلق تھا، لیکن خاندان والے اس رشتے کے خلاف تھے، جس کی وجہ سے تنازعہ شدت اختیار کر گیا۔
سونی کی شادی 15 فروری کو طے تھی، لیکن وہ ایک دن قبل 14 فروری کو دوپہر کے وقت بیوٹی پارلر جانے کے بہانے گھر سے نکلی اور پھر واپس نہیں آئی۔ اہل خانہ نے اس کی گمشدگی کی رپورٹ درج کرائی اور انکت کے گھر والوں پر اسے اغوا کرنے کا الزام لگایا۔ پولیس نے انکت کے والد اور دیگر رشتہ داروں سے تفتیش کی، لیکن سونی کا کوئی سراغ نہ ملا۔ اس دوران انکت بھی لاپتہ ہو گیا، جس سے معاملہ مزید پیچیدہ ہو گیا۔
پانچ دن بعد، دونوں کی لاشیں گھاٹم پور سے کئی کلومیٹر دور سجیتی کے ایک خستہ حال مکان سے برآمد ہوئیں۔ پولیس نے لاشوں کا پنچنامہ کر کے انہیں پوسٹ مارٹم کے لیے بھجوا دیا اور معاملے کی ہر زاویے سے تحقیقات جاری ہیں۔
انکت کی بہن سروجنی کے مطابق، اس کا بھائی سورت میں ایک فیکٹری میں کام کرتا تھا اور شادی سے چند روز قبل ہی اچانک گھر واپس آیا تھا۔ اہل خانہ کے مطابق، سونی کی ماں نے انکت کو واپس بلایا اور اس کے اکاؤنٹ میں 5000 روپے بھیجے تھے تاکہ وہ گاؤں آ سکے۔ دوسری طرف، پولیس کا کہنا ہے کہ دونوں اپنی مرضی سے گھر سے فرار ہوئے تھے۔
ڈی سی پی مہیش کمار کے مطابق، دونوں کے درمیان چچا بھتیجی کا رشتہ تھا اور وہ شادی کے دن سے قبل ہی گھر چھوڑ کر چلے گئے تھے۔ کیس کی ہر پہلو سے تفتیش جاری ہے، تاہم لواحقین کی جانب سے تاحال کوئی شکایت درج نہیں کرائی گئی۔
مزیدپڑھیں:عوام کیلئے اچھی خبر ، مفت سولر پینلز کیسےحاصل کریں ؟درخواست کا طریقہ کار اوردیگر تفصیلات جانیں
ذریعہ: Daily Ausaf
پڑھیں:
ایف آئی اے کی کراچی میں کارروائیاں، حوالہ ہنڈی کے 2 ملزمان گرفتار
تصاویر بشکریہ ایف آئی اےایف آئی اے نے کراچی کے علاقے گارڈن اور بولٹن مارکیٹ میں کارروائیاں کرتے ہوئے حوالہ ہنڈی میں ملوث 2 ملزمان کو گرفتار کر لیا۔
ترجمان کا کہنا ہے کہ گرفتار ملزم کے قبضے سے 15 ہزار امریکی ڈالرز اور 19 ہزار درہم برآمد کیے گئے ہیں۔
گارڈن سے گرفتار ملزم عبدالمجید کے قبضے سے 15 ہزار امریکی ڈالرز اور 19 ہزار درہم برآمد کیے گئے۔
ذرائع کا کہنا ہے کہ اداکارہ نادیہ حسین نےایف آئی اے کارپوریٹ کرائم سرکل میں بیان ریکارڈ کروا دیا، ایف آئی اے کارپوریٹ کرائم سرکل کی جانب سے دو گھنٹے بیان ریکارڈ کیا گیا۔
بولٹن مارکیٹ سے گرفتار ملزم محمد عمران کے قبضے سے 37 لاکھ 68 ہزار روپے برآمد ہوئے ہیں۔
حکام کے مطابق ملزمان کے موبائل فون سے حوالہ ہنڈی اور دیگر مجرمانہ شواہد بھی برآمد کر لیے گئے ہیں۔
ملزمان کو برآمد شدہ رقوم سمیت کارپوریٹ کرائم سرکل منتقل کر کے مقدمات درج کر لیے گئے ہیں۔
یہ کارروائیاں ایف آئی اے کارپوریٹ کرائم سرکل کے عملے نے خفیہ اطلاع پر کیں۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار