پاکستان، بھارت آل ٹائم ون ڈے الیون میں کون سے کھلاڑی جگہ بنا پائے؟
اشاعت کی تاریخ: 24th, February 2025 GMT
کراچی:
بھارت اور پاکستان کی آل ٹائم ون ڈے الیون میں ویرات کوہلی اور جسپریت بمراہ کی جگہ نہیں بن سکی جبکہ عمران خان کو بطور کپتان چنا گیا۔
چیمپیئنز ٹرافی سے قبل بھی دونوں ممالک کے درمیان آخری ون ڈے بھی اسی ایونٹ میں 8 برس قبل منعقد ہوا تھا۔
میڈیا کی جانب سے مرتب کردہ آل ٹائم الیون میں سچن ٹنڈولکر، سعید انور، سارو گنگولی، انضمام الحق، مہندرا سنگھ دھونی (وکٹ کیپر)، شاہد آفریدی، کپیل دیو، عمران خان (کپتان)، وسیم اکرم، انیل کمبلے اور شعیب اختر کو جگہ دی گئی ہے۔
مزید پڑھیں؛ وسیم اکرم قومی ٹیم پر سخت برہم، 6 بڑے نام فارغ کرنے کا مطالبہ
واضح رہے کہ گزشتہ روز چیمپیئنز ٹرافی کے میچ میں بھارت نے پاکستان کو 6 وکٹوں سے شکست دی تھی۔
ایونٹ میں مسلسل دوسری فتح سے بھارتی ٹیم کے سیمی فائنل میں پہنچنے کے امکانات روشن ہوگئے ہیں۔
.ذریعہ: Express News
پڑھیں:
‘شرمندہ کرنا بند کریں’، میچ کے بہترین کھلاڑی کو ہیئر ڈرائیر دینے پر کراچی کنگز انتظامیہ تنقید کی زد میں
ایچ بی ایل پاکستان سُپر لیگ (پی ایس ایل) 10 کے تیسرے میچ میں کراچی کنگز نے ملتان سلطانز کو شکست دے دی۔ کراچی کنگز نے 235 رنز کا ہدف آخری اوور میں 6 وکٹوں کے نقصان پر حاصل کرلیا اور ملتان سلطانز کو 4 وکٹوں سے ہرایا۔کراچی کنگز کی جانب سے جیمز ونس نے سنچری بناتے ہوئے 43 گیندوں پر 101 رنز کی جارحانہ اننگز کھیلی جس میں 4 چھکے اور 14 چوکے شامل تھے۔
میچ ختم ہوا تو کراچی کنگز کے آفیشل فیسبک پیج پر ایک ویڈیو شیئر کی گئی جس میں دیکھا جاسکتا ہے کہ میچ میں بہترین وننگ اننگز کھیلنے پر جمز ونس کو ’ ہیئر ڈریسر‘ انعام کے طور پر دیا جارہا ہے ،جس پر وہاں موجود باقی کھلاڑی تالیاں بجا کر ان کی حوصلہ افزائی کر رہے ہیں۔ ویڈیو سوشل میڈیا پر وائرل ہوئی تو کراچی کنگز کی مینیجمنٹ کو شدید تنقید کا سامنا کرنا پڑا، کسی نے اس عمل کو پاکستان کی بدنامی سے جوڑا تو کسی اس کو شرمناک کہا۔
ایک صارف نے کراچی کنگز کی پوسٹ کی نیچے تبصرہ کرتے ہوئے لکھا ’ونس نے اپنے ملک میں جا کر ہیئر سلون کھولنا ہے؟‘
ایک اور صارف نے لکھا ’خود کو ایسے شرمندہ کرنا بند کریں‘۔
بحث مزید آگے بڑھی تو کچھ صارفین مختلف فرنچائز اونرز کی جانب سے دییے گئے تحائف کے بارے میں تبصرہ کرتے نظر آئے۔ ایک صارف نے اسی حوالے سے لکھا ’پچھلے سیزن میں ثمرین رانا کھلاڑیوں کو آئی فون 15 دیتے تھے اور یہ بچےہیئر ڈریسر دے رہے ہیں۔‘
ایک صارف نے پی سی بی سے اپیل کی کہ اس پر سخت ایکشن لیا جائے۔ صارف نے لکھا کہ ’پی سی بی کو اس کا نوٹس لینا چاہیے! اس طرح آپ کھلاڑیوں کو ہیئر ڈریسر دے کر اپنے برانڈ کا معیار دکھارہے ہیں؟یہ پی ایس ایل میں کیا ہو رہا ہے؟‘
واضح رہے کہ پاکستان سپر لیگ کے دسویں ایڈیشن کا شاندار آغاز ہوچکا ہے ۔ 34 میچز پر مشتمل اس ٹورنامنٹ میں 12 اپریل، یکم مئی اور 10 مئی کو دو دو میچز کھیلے جائیں گے جبکہ دیگر تمام دن صرف ایک ایک میچ کھیلا جائے گا، یہ میچز کراچی، لاہور، ملتان اور راولپنڈی میں کھیلے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل ایکس جیمز ونس کراچی کنگز ہیئر ڈریسر
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن