بھیگی ہوئی کشمش کےآپکی صحت پر ایسے حیران کن اور جادوئی اثرات ، جو آ پ اب تک نہیںجانتے
اشاعت کی تاریخ: 24th, February 2025 GMT
کشمش ایک ایسا خشک میوہ ہے جو ہمارے روزمرہ کے کھانوں کا حصہ بن چکا ہے، لیکن اگر اس کو پانی میں بھگو کر کھایا جائے تو اس کے فوائد میں کئی گنا اضافہ ہو جاتا ہے۔ماہرین کے مطابق بھیگی ہوئی کشمش صحت پر مثبت اثرات مرتب کرتی ہے۔جب کشمش کو رات بھر پانی میں بھگودیا جاتا ہے، تو اس میں موجود غذائی اجزاء دوگنے ہو جاتے ہیں اور جسم کے لیے زیادہ فائدہ مند بن جاتے ہیں۔
بھیگی ہوئی کشمش کے 8 اہم فوائد
ہاضمے میں بہتری
بھیگی ہوئی کشمش میں فائبر کی مقدار زیادہ ہوتی ہے جو قبض، گیس اور دیگر ہاضمے کی بیماریوں سے بچاتی ہے۔ یہ پیٹ کو صاف رکھتی ہے اور ہاضمے کو بہتر بناتی ہے۔
خون کی کمی کا حل
کشمش میں آئرن کی اچھی مقدار پائی جاتی ہے جو خون کی کمی کو دور کرنے میں مددگار ثابت ہوتی ہے۔ جب کشمش پانی میں بھگو کر کھائی جائے، تو آئرن بہتر طریقے سے جذب ہوتا ہے اور ہیموگلوبن کی سطح میں اضافہ ہوتا ہے۔
جلد کی چمک میں اضافہ
کشمش میں اینٹی آکسیڈنٹس، وٹامن سی اور ای کی مقدار زیادہ ہوتی ہے، جو جلد کی قدرتی چمک بڑھانے میں مدد دیتی ہیں۔ یہ جلد کو تروتازہ اور نکھرا ہوا بناتی ہے۔
ہڈیوں کی مضبوطی
کشمش میں کیلشیم اور میگنیشیم جیسے معدنیات پائے جاتے ہیں جو ہڈیوں کی مضبوطی کے لیے ضروری ہیں۔ یہ ہڈیوں کی کثافت بڑھانے اور فریکچر کے خطرے کو کم کرنے میں مددگار ثابت ہو سکتی ہے۔
دل کی صحت کے لیے فائدہ مند
کشمش میں پوٹاشیم موجود ہوتا ہے جو بلڈ پریشر کو کنٹرول کرتا ہے، جس سے دل کی بیماریوں کا خطرہ کم ہوتا ہے۔ اس میں موجود اینٹی آکسیڈنٹس دل کی رگوں کو صحت مند رکھنے میں بھی مدد کرتے ہیں۔
جسم سے زہریلے مادوں کو خارج کرتا ہے
بھیگی ہوئی کشمش جسم سے زہریلے مادوں کو خارج کرنے میں مدد دیتی ہے۔ اس کے ذریعے جسم کی صفائی ہوتی ہے اور اندرونی اعضاء صحت مند رہتے ہیں۔
توانائی کا بہترین ذریعہ
کشمش میں قدرتی شوگر کی موجودگی جسم کو فوری توانائی فراہم کرتی ہے۔ یہ تھکاوٹ اور کمزوری کے شکار افراد کے لیے بہترین توانائی کا ذریعہ ہے۔
وزن کم کرنے میں مدد
کشمش میں موجود فائبر زیادہ کھانے کی خواہش کو کم کرتا ہے، جس سے کیلوریز کم ہوتی ہیں اور وزن کم کرنے میں مدد ملتی ہے۔ اس میں موجود اینٹی آکسیڈنٹس میٹابولزم کو تیز کرتے ہیں، جو چربی جلانے میں مددگار ہیں۔
بھیگی ہوئی کشمش کھانے کا صحیح طریقہ
کشمش کو 8 سے 10 گھنٹے تک پانی میں بھگو دیں۔صبح اٹھ کر خالی پیٹ کھائیں۔اس کے بعد ایک گلاس نیم گرم پانی پی لیں۔بھیگی ہوئی کشمش کو اس طریقے سے کھانے سے آپ اس کے تمام صحت بخش فوائد حاصل کر سکتے ہیں۔یہ معلومات صرف عمومی صحت کے حوالے سے ہے۔ کسی بھی قسم کی بیماری یا حالت کے لیے اپنے معالج سے مشورہ کریں۔
.ذریعہ: Daily Ausaf
کلیدی لفظ: پانی میں ہوتی ہے ہوتا ہے کے لیے
پڑھیں:
ہانیہ عامر کی حسین لہنگا چولی میں تصاویر نے سوشل میڈیا پر دھوم مچا دی: قیمت جان کر صارفین حیران رہ گئے
پاکستانی شوبز انڈسٹری کی خوبرو اور ہر دلعزیز اداکارہ ہانیہ عامر ایک بار پھر اپنے منفرد انداز اور خوبصورت لباس کے باعث سوشل میڈیا کی توجہ کا مرکز بن گئی ہیں حال ہی میں اداکارہ نے انسٹاگرام پر ایک نئی پوسٹ شیئر کی ہے جس میں وہ حسین لہنگا چولی پہنے اپنی دلکش اداؤں کے ساتھ جلوہ گر ہوئیں جنہیں دیکھ کر نہ صرف ان کے مداح بلکہ فیشن کے دلدادہ افراد بھی داد دیے بغیر نہ رہ سکے اداکارہ ہانیہ عامر نجی زندگی میں بھی اپنی شوخی اور خوش مزاجی کے لیے جانی جاتی ہیں جس کا مظاہرہ وہ اکثر اوقات سوشل میڈیا پر تصویروں اور ویڈیوز کے ذریعے کرتی رہتی ہیں ان کا انسٹاگرام اکاؤنٹ ان کے دلکش انداز حسین شوٹس اور برانڈڈ فوٹوگرافی سے بھرا پڑا ہے جنہیں دیکھ کر مداحوں کے دل بے اختیار ہو جاتے ہیں اس بار ہانیہ نے جو لہنگا چولی زیب تن کی وہ بھارتی معروف کلاتھنگ برانڈ ماہیما ماہاجن کا شاہکار ہے جس کا رنگ روز ہے اور فیبرک میں اورگینزا استعمال کیا گیا ہے اس خوبصورت جوڑے پر فلورل پیٹرن کے ساتھ نفیس کام کیا گیا ہے جو اسے مزید حسین بناتا ہے دوپٹے سمیت پورا تھری پیس لباس سنہرے سمیت مختلف شیڈز میں رنگوں کی جھلک پیش کر رہا ہے جو ہانیہ کی شخصیت کے ساتھ مکمل ہم آہنگ دکھائی دیتا ہے مداح جہاں ہانیہ عامر کی کیوٹنس اور اسٹائل کو سراہ رہے ہیں وہیں اس جوڑے کی قیمت بھی توجہ کا مرکز بنی ہوئی ہے آج نیوز کے مطابق یہ جوڑا ماہیما ماہاجن کی آفیشل ویب سائٹ پر ایک لاکھ پچاس ہزار بھارتی روپے میں دستیاب ہے جسے پاکستانی کرنسی میں تبدیل کیا جائے تو یہ قیمت تقریباً چار لاکھ ستاسی ہزار چار سو بیاسی روپے بنتی ہے جو عام طبقے کے لیے کسی خواب سے کم نہیں ہانیہ عامر کا یہ انداز جہاں فیشن کی دنیا میں نیا رجحان لا رہا ہے وہیں یہ حقیقت بھی سامنے آ گئی ہے کہ خوبصورتی کے ساتھ مہنگائی کا امتزاج اب شوبز کا ایک لازمی حصہ بنتا جا رہا ہے مداحوں نے جہاں ان کے لباس اور اسٹائل کو سراہا وہیں کچھ صارفین نے قیمت پر حیرت کا اظہار بھی کیا
خلیل الرحمان ہنی ٹریپ کیس کی سماعت کل تک ملتوی