ایران کیخلاف کسی حملے میں سہولت فراہم کرنیوالے دشمن شمار ہونگے، ایرانی جنرل
اشاعت کی تاریخ: 24th, February 2025 GMT
مشترکہ فوجی مشقوں کے دوران خطاب میں جنرل غلام علی رشید نے کہا کہ ہمارے دشمن گزشتہ چار دہائیوں سے ایرانی قوم اور دشمن کے خلاف ہمارے عوام کی ہم آہنگی اور یکجہتی کے بارے میں غلط اندازوں اور ابہام میں مبتلا ہیں۔ اسلام ٹائمز۔ اسلامی جمہوریہ ایران کی مسلح افواج کے خاتم الانبیا (ص) سنٹرل ہیڈ کوارٹر کے کمانڈر میجر جنرل غلام علی رشید نے کنارک میں تیسری بحری کمانڈ میں ذوالفقار نامی مشترکہ مشقوں کے افسروں کے اجتماع سے خطاب کرتے ہوئے کہا ہے کہ تمام عسکری بازووں اور مسلح افواج کی سالانہ مشترکہ مشقوں کی منصوبہ بندی سپریم کمانڈر کی مدبرانہ ہدایات کی روشنی میں انجام پاتی ہے، جنرل اسٹاف اور جنرل ہیڈکوارٹر کی جانب سے بامقصد منصوبہ بندی کیساتھ سال میں اوسطاً 30 بڑی مشقوں اور درجنوں اسپیشل ایکسرسائزز کی ہدایات جاری کی جاتی ہیں۔
ان کا کہنا تھا کہ ایران کی فوج اور سپاہ پاسداران انقلاب اسلامی کی مشترکہ مشقوں کی میڈیا کوریج نہیں ہوتی، یہ دراصل آئس برگ حکمت عملی اپناتے ہوئے رازداری کو برقرار رکھنے کا اصول ہے، اس کا مطلب یہ ہے کہ افسران کو اپنے دستوں کی مکمل طاقت اور ہتھیاروں کا معمولی حصہ میڈیا اور عوام کے سامنے ظاہر کرنے کی اجازت ہے تاکہ وہ رازداری کو ملحوظ رکھیں، یہ مشقیں درحقیقت مسلح افواج کی جنگی تیاری کی سطح کا میزان ہیں، ہمارے کمانڈر جنگ سے پہلے میدانی مشقوں کے انعقاد کو ایک جنگ ہی سمجھتے ہیں اور اسی لئے مشقوں کی منصوبہ بندی میں درستگی اور اہداف کے تعین میں سنجیدگی اور تخلیقی صلاحیت کی ضرورت ہوتی ہے۔
ان کا کہنا تھا کہ مشقوں کے اہم مقاصد میں سے ایک دشمن کے اذہان، یقین اور ارادے کو متاثر کرنا ہے، ہمارے دشمن گزشتہ چار دہائیوں سے ایرانی قوم اور دشمن کے خلاف ہمارے عوام کی ہم آہنگی اور یکجہتی کے بارے میں غلط اندازوں اور ابہام میں مبتلا ہیں، صیہونی حکومت چار مہینوں سے امریکیوں، یورپیوں اور خطے کے بعض ممالک کو ایران کی طاقت کے بارے میں غلط اندازوں اور اعداو شمار کے ذریعے دھوکہ دینے کی کوشش کر رہی ہے، اپنے 70 سال کے شرمناک اور جارحانہ وجود کے دوران، صیہونی حکومت نے ہمیشہ اپنی طاقت کو اس طرح پیش کیا ہے جو مقبوضہ فلسطین میں اس کے حقیقی امیج سے کبھی میل نہیں کھاتا۔
انکا کہنا تھا کہ یہی وجہ ہے کہ صیہونی مزاحمتی محاذ کے خوف کیوجہ سے مسلسل اپنے وجود کو خطرے میں محسوس کرتے ہیں، وہ ان غلط اندازوں کی قیمت چکا رہیں ہیں۔ انہوں نے کہا کہ ہم امریکہ کو اسرائیل کے لئے ان کی جامع حمایت پر متنبہ کرتے ہیں، ایرانی قوم کے مفادات کے خلاف صیہونی حکومت کی طرف سے کسی بھی خطرے کو اسرائیل کے لئے امریکہ کی مکمل حمایت کے تناظر میں شمار کیا جائے گا، جس کے ردعمل میں فیصلہ کن کارروائی کے طور پر ان کے ٹھکانوں کو نشانہ بنایا جائے گا، کیونکہ یہ اڈے اسرائیل کو لاجسٹک اسپورٹ اور پورے راستے میں اپنی فضاووں کو استعمال کرنیکی اجازت دیکر مدد فراہم کرتے ہیں۔
ذریعہ: Islam Times
کلیدی لفظ: ایران کی مشقوں کے کہ مشقوں
پڑھیں:
ایف بی آرہمیں ڈیفالٹ قرار دینے کی کوشش نہ کرے، آمدنی پر ٹیکس کیخلاف مزاحمت کرتے ہیں،ظفر مسعود
پاکستان بینکس ایسوسی ایشن کے چئیرمین ظفرمسعود نے بینکنگ سمٹ سے خطاب کرتے ہوئے کہا کہ فیڈرل بورڈ آف ریونیو (ایف بی آر) اپنے اقدامات کے ذریعے ہمیں ڈیفالٹ قرار دینے کی کوشش نہ کرے، ہم اے ڈی آر یا اپنی آمدنی پر ٹیکس کے خلاف مزاحمت کرتے ہیں۔
ایف بی آرہمیں ڈیفالٹ قرار دینے کی کوشش نہ کرے، آمدنی پر ٹیکس کے خلاف مزاحمت کرتے ہیں،
پاکستان بینکس ایسوسی ایشن کے تحت پہلی پاکستان بینکنگ سمٹ 2025 جاری ہے جس میں وفاقی وزیرخزانہ سینیٹر محمد اورنگزیب سمیت بینکوں کے صدور اور غیرملکی مندوبین شریک ہیں۔
پاکستان بینکس ایسوسی ایشن کے چئیرمین ظفرمسعود نے بینکنگ سمٹ سے خطاب کرتے ہوئے کہا کہ ایف بی آر اپنے اقدامات کے ذریعے ہمیں ڈیفالٹ قرار دینے کی کوشش نہ کرے، ہم اے ڈی آر یا اپنی آمدنی پر ٹیکس کے خلاف مزاحمت کرتے ہیں، بینکنگ سیکٹر نے ایک دن میں حکومت کو 30ارب روپے کا ریونیو جمع کرکے دیے۔
انہوں نے کہا کہ سمٹ کامقصد انڈسٹریل لیڈر، انٹرنیشنل پلیئرز سے ہم آہنگ ہونا ہے، بینکنگ سیکٹر پاکستان کا سرفہرست ٹیکس دہندہ ہے، بینکنگ سیکٹر نے ٹیکسوں کی ادائیگیوں میں آئل اینڈ گیس سیکٹر کو پیچھے چھوڑ دیا ہے۔
شاہین آفریدی نے بیٹے کی تصویر شیئر کردی