ن لیگ کا پنجاب میں جلسے کرنے کا مقصد کیا ہے؟
اشاعت کی تاریخ: 24th, February 2025 GMT
ن لیگ کو وفاق اور پنجاب میں حکومتیں بنائے ہوئے ایک سال ہوگئے ہیں۔ ایک سال کے پورا ہوتے ہی ن لیگ نے پنجاب میں جلسے کرنے شروع کر دیے ہیں۔ پہلا جلسہ ضلع ناروال میں کیا گیا جس کے بارے وزیراعلیٰ پنجاب مریم نواز نے کہا کہ یہ ایک کامیاب جلسہ ہے، اور کہا جانے لگا کہ یہ مریم نواز کا پاور شو تھا جس کے بعد ن لیگ ن نے دوسرا جلسہ ڈی جی خان میں کیا اس جلسے میں وزیر اعظم شہباز شریف نے اپنا پاور شو کیا، ن لیگی کے مطابق دونوں جلسوں میں عوام کی بڑی تعداد نے شرکت کی۔
لیگی ذرائع کے مطابق اس وقت ن لیگ جو جلسے کر رہی ہے یہ بطور پارٹی جلسے کر رہی ہے نہ کہ حکومت جلسے کر رہی ہے، یہ جلسے عوامی مہم کا حصہ ہیں تاکہ عوام کو یہ باور کرایا جا سکے کہ ایک سال میں ملک نے کس قدر ترقی کی، مریم نواز نے پنجاب میں اپنا لوہا منوایا ہے اور شہباز شریف نے بطور وزیراعظم وفاق کو بحرانوں سے نکالا، ان جلسوں کا مقصد یہ بھی ہے کہ عمران خان کے بیانیے کو بھی جواب دیا جا سکے، دوسرا اپنی مقبولیت کا بھی اندازہ لگایا جاسکے۔
مزید پڑھیں: اڈیالہ جیل کے علاوہ ہر جگہ سے اچھی خبریں آرہی ہیں، مریم نواز کی عمران خان پر تنقید
ن لیگ اس تنقید کا بھی جواب دینا چاہتی ہے کہ وہ عوام میں جانے کی ہمت نہیں رکھتی۔ اس حکمت عملی کے تحت یہ ثابت کرنے کی کوشش کی جا رہی ہے کہ نون لیگ کی جڑیں عوام میں مضبوط ہیں اور ساتھ ہی یہ باور کرایا جا رہا ہے کہ ایک سال کے عرصے میں اس نے کئی اہم کامیابیاں حاصل کی ہیں۔
لیگی ذرائع نے بتایا ایک سال لیگی حکومت کے پورا ہونے پر جلسے کرنے کا مشورہ ،مسلم لیگ ن کے صدر نواز شریف کی طرف سے دیا گیا ہے کہ عوام کو دیکھایا جائے کہ ن لیگ آج بھی عوام میں مقبول ہے۔ خصوصاً پنجاب میں نواز شریف نے مریم نواز کو ناروال کامیاب جلسہ کرنے پر مبارکباد بھی دی اور کہا کہ اس طرح کے مزید جلسے پنجاب میں کیے جائیں۔
لیگی ذرائع نے بتایا کہ پارٹی مزید جلسے کہاں کہاں کرے گئی اس کو سیکیورٹی وجوہات کی بنیاد پر اعلان نہیں کیا جارہا لیکن پارٹی کے اندر جلسوں کے حوالے سے جو ترتیب بنائی جا رہی ہے اس میں اگلا جلسہ راولپنڈی میں ہوگا۔ اس کے بعد اوکاڑہ اور پھر سرگودھا میں ایک جلسہ کیے جانے کا امکان ہے۔ یہ الیکشن کی تیاریوں کے حوالے سے جلسے نہیں کیے جا رہے بلکہ عوامی رائے مسلم لیگ ن کی بہتر کرنے کے حوالے سے جلسوں کا اہتمام کیا جارہا ہے۔ تحریک انصاف کے بیانیہ کا جواب بھی دینا ان جلسوں کا مقصد ہے کیونکہ عمران خان کے مطابق ان کی جماعت عوام میں مقبول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پکستان مسلم لیگ ن جلسہ عام شہباز شریف مریم نواز مریم نواز شریف.ذریعہ: WE News
کلیدی لفظ: شہباز شریف مریم نواز مریم نواز شریف مریم نواز عوام میں ایک سال شریف ن رہی ہے
پڑھیں:
غربت کا خاتمہ اولین ترجیح، آئی ٹی کے فروغ پر توجہ دی جارہی ہے، وزیراعلیٰ پنجاب مریم نواز
وزیراعلیٰ پنجاب مریم نواز نے کہا ہے کہ غربت کا خاتمہ میری اولین ترجیح ہے، پنجاب میں آئی ٹی کے فروغ پر بھرپور توجہ دی جارہی ہے۔
ترکیہ میں ڈپلومیسی فورم سے خطاب کرتے ہوئے مریم نواز نے کہاکہ ہم نے پنجاب میں تعلیم کے فروغ کے لیے اقدامات کیے، 30 ہزار اساتذہ کو میرٹ پر بھرتی کیا جارہا ہے۔
یہ بھی پڑھیں وزیراعلیٰ کا کام ٹانگ پر ٹانگ رکھ کر بیٹھے رہنا نہیں، مریم نواز کا سروسز اسپتال کا سرپرائز دورہ
وزیراعلیٰ نے کہاکہ خواتین کو تعلیم کو زیور سے آراستہ کرنے کے لیے مربوط کوششوں کی ضرورت ہے، آج ہمیں غزہ میں موجود فلسطینی ماؤں کو نہیں بھولنا چاہیے۔
مریم نواز نے کہاکہ تعلیم سماجی ترقی کا سب سے مؤثر ذریعہ ہے، لاہور میں نواز شریف کے نام سے انٹرنیٹ سٹی بنانے جارہے ہیں۔
وزیراعلیٰ نے کہاکہ عوام کو فوری انصاف کی فراہمی ہمارا ویژن ہے، پنجاب میں خواتین کو بااختیار بنانے کے لیے کام کررہے ہیں۔
انہوں نے کہاکہ پنجاب کے اسکولوں میں نیوٹریشن پروگرام شروع کیا گیا، جبکہ اعلیٰ تعلیم کے فروغ کے لیے اسکالر شپس پروگرام متعارف کرایا جس میں 50 فیصد اسکالر شپ طالبات کو دی جارہی ہے۔
یہ بھی پڑھیں وزیراعلیٰ مریم نواز شریف کی ایڈز سے متاثرہ بچوں کے مکمل فری علاج کی ہدایت
انہوں نے مزید کہاکہ پنجاب میں تعلیم کے شعبے میں اصلاحات کی جارہی ہیں، اور نصاب کو جدید تقاضوں کے مطابق بنایا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب تعلیم کا شعبہ غربت کا خاتمہ مریم نواز وزیراعلٰی پنجاب وی نیوز
100 سے زائد فلموں میں کام کرنیوالے سینیئر بھارتی اداکار انتقال کر گئے