پاک بھارت ٹاکرے میں محمد شامی نے بدترین ریکارڈ اپنے نام کرلیا
اشاعت کی تاریخ: 24th, February 2025 GMT
کراچی:
چیمپئنز ٹرافی میں روایتی حریفوں بھارت اور پاکستان کے درمیان میچ میں بھارتی فاسٹ بولر محمد شامی نے ایک ناپسندیدہ ریکارڈ اپنے نام کر لیا۔
پہلے ہی اوور میں 5 وائیڈ گیندیں پھینک کر شامی کو اپنا پہلا اوور مکمل کرنے میں 11 گیندیں لگیں، جس کے ساتھ ہی انہوں نے چیمپئنز ٹرافی میں کسی بھارتی بولر کے سب سے طویل اوور کا نیا ریکارڈ قائم کیا۔
اس سے قبل 2017 کے چیمپئنز ٹرافی فائنل میں جسپریت بمراہ نے پاکستان کے خلاف 9 گیندوں کا اوور کرایا تھا۔ دلچسپ بات یہ ہے کہ اس میچ میں بھارت کو 180 رنز کی بھاری شکست کا سامنا کرنا پڑا تھا۔
چیمپئنز ٹرافی کے کسی بھی میچ کے پہلے اوور میں سب سے زیادہ وائیڈ گیندیں کرانے کا ریکارڈ بھی اب شامی کے نام ہو چکا ہے تاہم اس ٹورنامنٹ میں ایک اوور میں سب سے زیادہ وائیڈ گیندیں (7) کروانے کا ریکارڈ زمبابوے کے تیناشے پنیانگارا کے پاس ہے۔
محمد شامی اپنی بھرپور فارم میں نظر نہیں آئے اور تیسرے اوور کے دوران ٹیم کے فزیو کو ان کی دیکھ بھال کے لیے میدان میں آنا پڑا، جس کے بعد وہ مختصر وقت کے لیے گراؤنڈ سے باہر چلے گئے لیکن بعد میں دوبارہ میدان میں واپس آئے۔
بھارت کے مرکزی فاسٹ بولرز محمد شامی اور ہرشت رانا اپنی ابتدائی اسپیل میں کوئی وکٹ لینے میں ناکام رہے۔ تاہم ہاردک پانڈیا نے بابر اعظم کو آؤٹ کر کے بھارت کو پہلی کامیابی دلائی۔
چیمپئنز ٹرافی میں بھارت کے پہلے میچ میں محمد شامی نے بنگلہ دیش کے خلاف شاندار بولنگ کرتے ہوئے 53 رنز کے عوض 5 وکٹیں حاصل کی تھیں۔
.ذریعہ: Express News
کلیدی لفظ: چیمپئنز ٹرافی
پڑھیں:
بہارہ کہو میں نجی سکول کی سالانہ تقریب تقسیم انعامات غزہ کے مظلوم بچوں کے نام
اسلام آباد:بہارہ کہو میں لندن اکیڈمک پلانز سکول “لیپس” کی سالانہ تقریب تقسیم انعامات ہوئی جس میں سکول کے ہونہار طلبہ و طالبات اور اساتذہ کو شاندار کارکردگی پر شیلڈز اور انعامات سے نوازا گیا۔ ننبھے منے طلبہ طلبہ نے خوبصورت ٹیبلوز پیش کرکے نا صرف تقریب کو چار چاند لگا دیئے بلکہ شرکا سے بھی خوب داد سمیٹی۔ تقریب میں بڑی تعداد میں سکول کے طلبہ وطالبات، تدریسی و معاون سٹاف، والدین، اہل علاقہ اور مختلف طبقہ فکر متعلق شخصیات نے بڑی تعداد میں شرکت کی۔ تقریب سے خطاب کرتے ہوئے سکول ہذا کے ڈائریکٹر غوری کیمپس سردارمحمد زبیر نے کہا کہ بہترین ٹیم ورک اور بچوں و والدین کی محنت کی بدولے آج ادارہ پانچویں کامیاب تقریب تقسیم انعامات کرا رہا ہے، ہم فروغ تعلیم اور معاشرے سے جہالت کے اندھیرے مٹانے کیلئے اپنے حصے کا دیا جلاتے رہیں گے۔ انہوں اس تقریب کوں اپنے مظلوم محکوم فلسطینی بہن بھائیوں خاص کر غزہ کے معصوم بچوں کے نام کرتے ہوئے کہا کہ فلسطین اور غزہ کے دربدر مکین عالمی برادری کی بے حسی، مسلم امہ کی بے اعتنائی اور ستاون اسلامی ممالک کے حکمرانوں کی بے حمیت قیادت پر نوحہ کناں ہیں، ہم اہل فلسطین سے دورضرور ہیں لیکن ہمارے دل ان مجبوراور لاچار بہن بھائیوں کیساتھ دھڑکتے ہیں۔ سردار محمد زبیر نے اس عزم کا اظہار کیا کہ لیپس سکول جلد اپنے تعلیمی و تدریسی سسٹم کو اے آئی روبوٹک اور جدید خطوط پراستوار کرتے ہوئے نسل نو کی بہترین تعلیم و تربیت کا فریضہ سرانجام دینے کے تسلسل کو برقرار رکھےگا۔ انھوں نے ادارےمیں دینی اور جدید علوم کی ترویج کااعادہ کرتےہوئے والدین کے تعاون کو بھی سراہا۔ تقریب کے آخر میں دار ارقم اسکولز کے ریجنل ڈائریکٹر زاہد بشیرڈار ایڈووکیٹ، پی ایس ایم اے کے مرکزی و زونل صدر راجہ محمد ارشد اور محمدصدیق سڈل، پی ای ایس کے زونل صدر راجہ خالدمحمود، معروف ماہرتعلیم عبدالسلام خان، پروفیسر قاری وقاراحمد عباسی، سینئرصحافی محمدادریس عباسی، ڈائریکٹر غزالی کالج محمد عامر نواز، سکالرزسکول سٹم کے محمد نظار عباسی، سماجی شخصیات محمداکرام عباسی، محمد نفیس عباسی، مختلف تعلیمی اداروں کے سربراہان محمد کفایت اللہ خان، سوشل میڈیاایکٹیوسٹ محمد زعفران چیچی، لیپس سکول غوری کیمپس شبنم خلیل اور دیگر نے امتیازی پوزیشنز لینے والے بچوں اور قابل اساتذہ میں انعامات تقسیم کئے۔
Post Views: 8
ڈاکٹرز کا صدرآصف علی زرداری کو مزید ایک دو روز ہسپتال میں گزارنے کا مشور ہ