پنجاب کے تمام منصوبے جعلی وزیرِ اعلیٰ کی طرح جعلی ثابت ہو رہے ہیں: بیرسٹر محمد علی سیف
اشاعت کی تاریخ: 24th, February 2025 GMT
مشیراطلاعات خیبرپختونخوا بیرسٹر محمد علی سیف نے پنجاب حکومت اور وزیرِ اعلیٰ مریم نواز کو شدید تنقید کا نشانہ بناتے ہوئے کہا ہے کہ عوام کے ٹیکسوں کا پیسہ مریم نواز اپنی نااہلی کی نذر کر رہی ہیں ، جعلی وزیرِ اعلیٰ نے سڑک کو چونا لگانے کی کوشش میں قومی خزانے کو چونا لگا دیا ۔انہوں نے بیان میں کہا کہ لاہور کا گرین لائن منصوبہ مریم نواز کے تمام ترقیاتی منصوبوں کی عکاسی کرتا ہے جبکہ پہلی ہی بارش نے بائیکرز کے لئے بنائے گئے کروڑوں روپے کے منصوبے کا پول کھول دیا۔بیرسٹر سیف نے کہا کہ مریم نواز کو معیاری ترقیاتی منصوبے بنانے کے لیے علی امین گنڈا پور سے خصوصی تربیت لینے کی ضرورت ہے۔ انہوں نے شریف خاندان پر الزام عائد کرتے ہوئے کہا کہ ترقیاتی منصوبوں میں کام سے زیادہ کمیشن لینا ان کا پرانا وطیرہ ہے،مشیر اطلاعات خیبرپختونخوا نے کہا کہ صرف ٹک ٹاک بنانے کی غرض سے بنائے گئے منصوبوں کا یہی حال ہوتا ہے، اور عوام کے ٹیکسوں کا پیسہ راج کماری مریم نواز اپنی نااہلی کی نذر کر رہی ہیں ، پنجاب کے تمام منصوبے جعلی وزیرِ اعلیٰ کی طرح جعلی ثابت ہو رہے ہیں۔
.ذریعہ: Nawaiwaqt
پڑھیں:
ن لیگ کا پنجاب میں جلسے کرنے کا مقصد کیا ہے؟
ن لیگ کو وفاق اور پنجاب میں حکومتیں بنائے ہوئے ایک سال ہوگئے ہیں۔ ایک سال کے پورا ہوتے ہی ن لیگ نے پنجاب میں جلسے کرنے شروع کر دیے ہیں۔ پہلا جلسہ ضلع ناروال میں کیا گیا جس کے بارے وزیراعلیٰ پنجاب مریم نواز نے کہا کہ یہ ایک کامیاب جلسہ ہے، اور کہا جانے لگا کہ یہ مریم نواز کا پاور شو تھا جس کے بعد ن لیگ ن نے دوسرا جلسہ ڈی جی خان میں کیا اس جلسے میں وزیر اعظم شہباز شریف نے اپنا پاور شو کیا، ن لیگی کے مطابق دونوں جلسوں میں عوام کی بڑی تعداد نے شرکت کی۔
لیگی ذرائع کے مطابق اس وقت ن لیگ جو جلسے کر رہی ہے یہ بطور پارٹی جلسے کر رہی ہے نہ کہ حکومت جلسے کر رہی ہے، یہ جلسے عوامی مہم کا حصہ ہیں تاکہ عوام کو یہ باور کرایا جا سکے کہ ایک سال میں ملک نے کس قدر ترقی کی، مریم نواز نے پنجاب میں اپنا لوہا منوایا ہے اور شہباز شریف نے بطور وزیراعظم وفاق کو بحرانوں سے نکالا، ان جلسوں کا مقصد یہ بھی ہے کہ عمران خان کے بیانیے کو بھی جواب دیا جا سکے، دوسرا اپنی مقبولیت کا بھی اندازہ لگایا جاسکے۔
مزید پڑھیں: اڈیالہ جیل کے علاوہ ہر جگہ سے اچھی خبریں آرہی ہیں، مریم نواز کی عمران خان پر تنقید
ن لیگ اس تنقید کا بھی جواب دینا چاہتی ہے کہ وہ عوام میں جانے کی ہمت نہیں رکھتی۔ اس حکمت عملی کے تحت یہ ثابت کرنے کی کوشش کی جا رہی ہے کہ نون لیگ کی جڑیں عوام میں مضبوط ہیں اور ساتھ ہی یہ باور کرایا جا رہا ہے کہ ایک سال کے عرصے میں اس نے کئی اہم کامیابیاں حاصل کی ہیں۔
لیگی ذرائع نے بتایا ایک سال لیگی حکومت کے پورا ہونے پر جلسے کرنے کا مشورہ ،مسلم لیگ ن کے صدر نواز شریف کی طرف سے دیا گیا ہے کہ عوام کو دیکھایا جائے کہ ن لیگ آج بھی عوام میں مقبول ہے۔ خصوصاً پنجاب میں نواز شریف نے مریم نواز کو ناروال کامیاب جلسہ کرنے پر مبارکباد بھی دی اور کہا کہ اس طرح کے مزید جلسے پنجاب میں کیے جائیں۔
لیگی ذرائع نے بتایا کہ پارٹی مزید جلسے کہاں کہاں کرے گئی اس کو سیکیورٹی وجوہات کی بنیاد پر اعلان نہیں کیا جارہا لیکن پارٹی کے اندر جلسوں کے حوالے سے جو ترتیب بنائی جا رہی ہے اس میں اگلا جلسہ راولپنڈی میں ہوگا۔ اس کے بعد اوکاڑہ اور پھر سرگودھا میں ایک جلسہ کیے جانے کا امکان ہے۔ یہ الیکشن کی تیاریوں کے حوالے سے جلسے نہیں کیے جا رہے بلکہ عوامی رائے مسلم لیگ ن کی بہتر کرنے کے حوالے سے جلسوں کا اہتمام کیا جارہا ہے۔ تحریک انصاف کے بیانیہ کا جواب بھی دینا ان جلسوں کا مقصد ہے کیونکہ عمران خان کے مطابق ان کی جماعت عوام میں مقبول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پکستان مسلم لیگ ن جلسہ عام شہباز شریف مریم نواز مریم نواز شریف
خیبر پختونخوا اسمبلی میں جعلی اسناد پر ملازمین کی بھرتیوں کا انکشاف