غلطیاں ٹھیک کریں ورنہ بھوٹان سے بھی ہار جائیں گے، راشد لطیف کی پی سی بی سربراہوں پر تنقید
اشاعت کی تاریخ: 24th, February 2025 GMT
پاکستان کے سابق کرکٹر اور قومی ٹیم کے کوچ راشد لطیف نے پاکستان کی بھارت کے ہاتھوں شکست کے بعد تنقید کرتے ہوئے کہا ہے کہ پاکستان کرکٹ تباہی کے دھانے پر ایسے ہی نہیں پہنچی اس میں حکومت، پی سی بی چیئرمینز اور سابق لیجینڈز کا اہم کردار رہا ہے۔
سماجی رابطے کے پلیٹ فارم ایکس پر پوسٹ کرتے ہوئے انہوں نے لکھا کہ نجم سیٹھی ہوں یا احسان مانی، زکا اشرف یا محسن نقوی، سب اپنا پنا سیاسی اثر و رسوخ استعمال کرتے آئے ہیں اور آتے ہی لیجینڈز کو اپنے قریب رکھا اور کرکٹ ان کے حوالے کر دی گئی جہاں سے ہماری کرکٹ کی تباہی شروع ہوئی۔
یہ بھی پڑھیے: ’پنگا نہیں لینے کا اپن سے‘، راشد لطیف نے یہ دھمکی کس کو دی؟
انہوں نے فرنچائز کرکٹ پر بھی تنقید کی اور کہا کہ جو لوگ اس پی ایس ایل چلا رہے ہیں وہ پیشہ ور نہیں،کھلاڑیوں کو پیسہ چاہیے، چاہے پیسہ کمینٹری سے آئے یا ٹی وی پر ایکسپرٹ، کوچ یا مینٹور بننے سے آئے۔
راشد لطیف نے لکھا کہ پاکستان کرکٹ بورڈ (پی سی بی)نے اپنی ساکھ بچانے کے لیے اپنے ہی کھلاڑی دوسرے چینلز میں بٹھا دیے، پی سی بی نے اپنے اپنے کھلاڑی الگ الگ چینلز پر بیٹھا دیا ہے تا کہ یہ دھندوں پر پردہ ڈال سکیں۔
پاکستان کرکٹ تباہی کے دھانے پر ایسے ہی نہیں پہنچی اس میں حکومت اور سابق لیجینڈز کا اہم کردار رہا ہے ۔ سب اپنا پنا سیاسی اثر و رسوخ استعمال کرتے آئے ہیں چاہے نجم سیٹھی ہوں یا احسان مانی ، زکا اشرف یا محسن نقوی ہوں ۔
تمام چیئرمین نے آتے ہی اپنی سوچ کے مطابق لیجینڈز کو اپنے قریب… pic.
— Rashid Latif | ???????? (@iRashidLatif68) February 24, 2025
انہوں نے کہا کہ یہ بنی ہوئی ٹھیک ٹھاک ٹیم تھی لیکن کپتانی کا لالچ دے کر سابق چیئرمین نے بُری روایت ڈال دی، نجم سیٹھی آئے انہوں نے شاداب کو کپتان بنایا، پھر زکا اشرف صاحب آئے اور شاہین آفریدی کو کپتان بنادیا، پھر محسن نقوی آئے انہوں نے بابر اعظم کو دوبارہ کپتان بنا دیا۔
سابق کوچ نے پاکستانی ٹیم کی تنزلی کا ذمہ دار ٹھہراتے ہوئے کہا کہ احسان مانی نے جب سرفراز احمد کو کپتانی سے ہٹوایا تھا اس دن سے پاکستانی کرکٹ ٹیم کی بربادی کے دن شروع ہو گئے تھے۔
یہ بھی پڑھیے: چیمپیئنز ٹرافی کے اہم میچ میں بھارت سے شکست کی وجہ کون؟ کپتان رضوان نے بتادیا
انہوں نے تجویز دی کہ حکومت بورڈ میں سیاسی بھرتیاں بند اور پی سی بی کے دستور میں تبدیلی کرے، چئیرمین کرکٹ بورڈ کیوں سلیکشن کمیٹی بناتا ہے اور کیوں چیئرمین کے پاس کپتان بنانے کی طاقت ہوتی ہے؟ ان کا کہنا تھا کہ یہ بنیادی غلطیاں ہیں جن کو جلد از جلد ٹھیک کرنا ہو گا ورنہ ہم بھوٹان سے بھی ہارنے لگیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پی سی بی راشد لطیف کرکٹذریعہ: WE News
کلیدی لفظ: پاکستان پی سی بی راشد لطیف کرکٹ راشد لطیف انہوں نے پی سی بی
پڑھیں:
روئے زمین پر کوئی طاقت پاکستان کو ختم نہیں کر سکتی، قائد اعظم کا تاریخی خطاب
قائد اعظم محمد علی جناح نے 30 اکتوبر 1947 کو قوم سے اپنے تاریخی خطاب میں کہا تھا کہ ’روئے زمین پر کوئی طاقت پاکستان کو ختم نہیں کر سکتی۔‘ اپنے ولولہ انگیز پیغام میں بابائے قوم نے ایمان، قربانی اور حوصلے کا درس دیا اور قوم کو دشمن کے عزائم سے مرعوب نہ ہونے کی تلقین کی۔
اپنے خطاب میں قائد اعظم نے کہا تھا کہ اگر ہم قرآن پاک سے رہنمائی حاصل کریں تو فتح ہماری ہو گی۔ انہوں نے پاکستانیوں کو حوصلہ دیتے ہوئے کہا کہ ’ایک لمحے کے لیے بھی یہ تصور نہ کریں کہ آپ کے دشمن اپنے ارادوں میں کامیاب ہو سکتے ہیں۔‘
قائد اعظم نے زور دیا کہ ’آپ مضبوط ہیں اور آپ کسی سے کم نہیں۔ آپ ایسی قوم ہیں جس کی تاریخ حیرت انگیز کردار اور بہادری سے بھری ہوئی ہے۔‘ انہوں نے کہا کہ اپنی شاندار روایات پر قائم رہتے ہوئے قوم کو اپنی تاریخ میں ایک اور روشن باب کا اضافہ کرنا ہوگا۔
مزید پڑھیں: یکم جولائی 1948 جب قائدِاعظم نے آخری خطاب کیا؟
انہوں نے قوم کو قربانی کے لیے تیار رہنے کی تلقین کرتے ہوئے کہا کہ ’آپ عہد کریں اور پاکستان کے لیے اپنا سب کچھ قربان کرنے کے لیے تیار ہو جائیں۔ اپنے حوصلے بلند رکھیں، موت سے نہ ڈریں، ہمارا مذہب ہمیں موت کے لیے ہمیشہ تیار رہنے کا درس دیتا ہے۔‘
بابائے قوم نے دشمن کا بہادری سے مقابلہ کرنے پر زور دیتے ہوئے کہا کہ ’ہمیں اسلام اور پاکستان کی عزت بچانے کے لیے دشمن کا ڈٹ کر سامنا کرنا ہے۔ ایک مسلمان کے لیے نیک مقصد کی خاطر شہادت کی موت سے بہتر کوئی نجات نہیں۔‘
خطاب کے اختتام پر قائد اعظم نے ایمان اور یقین کے ساتھ کہا، ’ہم صحیح ہیں اور ہم ضرور کامیاب ہوں گے۔ اپنا فرض ادا کریں اور اللہ پر یقین رکھیں۔‘ قائد اعظم کا یہ خطاب آج بھی قوم کے لیے امید، عزم اور قربانی کا استعارہ ہے۔ پاکستان زندہ باد
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پہلگام خطاب قائد اعظم محمد علی جناح قائداعظم کراچی
خواتین کے ذریعے شہریوں کو ہنی ٹریپ کرنے والے 2 گینگ گرفتار، تہلکہ خیز انکشافات