8 ممالک سے درجنوں پاکستانی بے دخل، واپسی پر گرفتار
اشاعت کی تاریخ: 24th, February 2025 GMT
سنیگال، سعودیہ اور عمان سمیت 8 ملکوں سے مزید 45 پاکستانی بے دخل کردیے گئے ہیں۔
ڈی پورٹ کیے گئے 5 افراد کو انسداد انسانی اسمگلنگ سرکل بھیج دیا گیا۔
امیگریشن ذرائع کے مطابق سینیگال پہنچنے والے 3 نوجوانوں کو کشتی سے یورپ اسمگل ہونا تھا مگر اس سے قبل ہی وہ گرفتار کیے گئے۔
یہ بھی پڑھیے: ایف آئی اے امیگریشن کی بڑی کارروائی 4 خواتین اور 2 مسافر گرفتار
ذرائع کے مطابق سعودی عرب سے بھی 5 بلیک لسٹ اور سزائیں پانے والے 6 افراد سمیت 14 پاکستانی ڈی پورٹ کیے گئے، سعودی عرب میں منشیات فروشی کا ایک ملزم بھی بے دخل کر دیا گیا اور واپس پہنچنے پر کراچی میں گرفتار ہوا۔
امیگریشن ذرائع کے مطابق زائد المیعاد قیام پر رومانیہ سے 2، عمان سے مختلف الزامات پر 12، امارات میں زائد المیعاد قیام، غیرقانونی انٹری و دیگر الزامات پر 7 پاکستانیوں کو واپس بھیجا گیا ہے۔
یہ بھی پڑھیے: سعودی عرب میں گداگری کرنے والے 10 پاکستانی ڈی پورٹ، واپسی پر گرفتار
اس کے علاوہ عراق میں زائد قیام پر ایک، قطر، ساؤتھ افریقہ میں پاسپورٹ گم ہونے پر 6 پاکستانی ڈی پورٹ کر دیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
FIA human smuggling اسمگلنگ ایف آئی اے.ذریعہ: WE News
کلیدی لفظ: اسمگلنگ ایف ا ئی اے ڈی پورٹ
پڑھیں:
سعودیہ سمیت 6 ملکوں سے مزید 48 پاکستانی ڈی پورٹ، 38 کراچی میں آف لوڈ
سعودی عرب، عمان اور متحدہ عرب امارات سمیت 6 مختلف ملکوں سے گزشتہ 24 گھنٹے کے دوران مزید 48 پاکستانیوں کو بے دخل کر دیا گیا جبکہ کراچی ائیرپورٹ پر 38 مسافروں کو آف لوڈ کر دیا گیا۔امیگریشن ذرائع کے مطابق سعودی عرب سے بلیک لسٹ، بغیر پاسپورٹ، سزا پوری کرنے، زائد المیعاد کام، کفیل کے بغیر کام اور کام سے مفرور ہونے پر 31 افراد کو ڈی پورٹ کیا گیا۔عمان سے بلیک لسٹ، ویزا ختم ہونے اور غیر قانونی طور پر داخل ہونے پر 12 افراد کو بے دخل کیا گیا جبکہ امارات سے 2، قطر سے ایک اور آذربائیجان میں امیگریشن نے ناپسندیدہ قرار دے کر ایک پاکستانی کو بے دخل کردیا۔ڈی پورٹ کیے گئے 5 افراد کو لاڑکانہ، ڈیرہ غازی خان، فیصل آباد، حیدرآباد اور رکشان پولیس کے حوالے کر دیا گیا۔ اس کے علاوہ عراق، عمان اور سعودی عرب کے وزٹ ویزوں کے 3 مسافروں کو بلیک لسٹ ہونے پر آف لوڈ کیا گیا، عراق، یونان، آذربائیجان، سری لنکا، تھائی لینڈ اور فلپائن کے وزٹ ویزوں کے 13 مسافروں کو آف لوڈ کیا گیا جبکہ بحرین اور سعودیہ کے ورک ویزوں کے 7 مسافر بھی پروازوں سے اتارے گئے۔
سرگودھا: جائیداد اور خاندانی تنازع پر 3 خواتین قتل، 3 زخمی